Iste articlo ye sobre una cinta esteusunidense de cine de western belico de l'anyo 2004; ta atros usos, se veiga The Alamo y The Alamo (cinta).

The Alamo (títol orichinal en anglés, en aragonés El Álamo, estrenada en Aragón con iste zaguer títol) ye una cinta de cine estatsunidense de western historico-belico, estrenada l'anyo 2004, dirichida por John Lee Hancock seguntes un guión orichinal d'él mesmo, de Leslie Bohem y de Stephen Gaghan, con una dirección de fotografía de Dean Semler, una banda sonora orichinal de Carter Burwell, una producción cinematografica de Ron Howard y Mark Johnson ta las productoras Touchstone Pictures y Imagine Entertainment y que conta con un elenco d'o cual en fan parte, entre d'atros, os actors Dennis Quaid, Billy Bob Thornton, Jason Patric, Patrick Wilson, Emilio Echevarría, Jordi Mollà, Leon Rippy, Tom Davidson, Marc Blucas, Robert Prentiss, Kevin Page, Joe Stevens, Stephen Bruton, Laura Clifton, Ricardo Chavira, Emily Deschanel, Brandon Smith, W. Earl Brown, Tom Everett, Rance Howard, Stewart Finlay-McLennan y Cástulo Guerra.

A cinta se centra en a batalla d'El Álamo mientres a Guerra d'Independencia de Texas, en l'anyo 1835, y conta cómo Sam Houston preba de convencer a los estausunidenses ta que emigren enta Texas y conoix a David Crockett, a lo mesmo tiempo que en San Felipe se troba reunida una asembleya de dirichents texanos dimpués de rebelar-se contra Mexico, redotar a las tropas de l'exercito mexicano en a batalla de Béjar y fer a conquiesta d'a ciudat de San Antonio de Béjar. D'atra man, os mexicans reaccionan y lo propio president de Mexico, Antonio López de Santa Anna, manda las tropas que marchan enta Texas ta safocar a rebelión. Os texans se troban dividius, o partiu favorable a la guerra ye partidario de que las tropas texanas marchen enta lo sud, trescrucen o río Grande y conquieran a ciudat de Matamoros en Tamaulipas, pero lo partiu que en ye opuesto ye partidario de reconstruyir l'exercito texano y establir un gubierno permanent que proclame la independencia de Texas. Cuan o Gubierno provisional destituye a Sam Houston como comandant de l'exercito texano, iste ordena a Jim Bowie que marche enta San Antonio de Béjar y i destruya las fortificacions, incluyiu El Álamo, retirando-se dimpués. Alavez, o Gubierno provisional texano ordena a William Barret Travis que marche tamién enta San Antonio de Béjar, tome lo mando d'El Álamo y lo conserve. Travis demana refuerces y fa preparativos la la esfensa d'a fortificación, recebindo poquet a poquet chicoz grupos de voluntarios texanos y asperando que i plegue l'exercito texano. Entre ixos chicoz grupos, plega en San Antonio de Béjar David Crockett, qui busca reactivar a suya carrera politica en os Estaus Unius en haber estau redotau en as recients elecions a lo Congreso d'os Estaus Unius, pensando que la luita ya habría terminau. Tanimientres, troba que no s'aspera que i pleguen as tropas de López de Santa Anna que dica meyaus de marzo. Tanimientres, ista ha feito abanzar a las suyas tropas a sobefaixo y plegan o 23 de febrero, cuan os texanos encara no han completau as obras defensivas d'a ciudat y se veyen obligaus a concentrar-se en El Álamo. Cuan as tropas mexicanas completan o cerco, Bowie preba de pactar con o cheneral Castrillón a retirada d'os texans, pero Travis ordena disparar un canyón contra lo campamento mexicano, rematando asinas abruptament as conversacions. Alavez, López de Santa Anna ordena dentrar a degüella en El Álamo y prencipia una dura batalla, que no remata dica la muerte de toz os texanos. Alavez, Sam Houston, que ha recuperau o mando de l'exercito texano, ordena la retirada d'os texanos, pero cuan López de Santa Anna divide a las suyas tropas ta perseguir a los texanos, pero cuan conoix a noticia, Houston ataca y redota a López de Santa Anna en a batalla de San Jacinto, fendo presonero a lo president mexicano, a qui obliga a reconoixer a independencia de Texas a cambio d'a suya vida.

A cinta s'ambienta en San Antonio y atros puestos de Texas mientres a Guerra d'Independencia de Texas en l'anyo 1835, y las suyas escenas se filmoron en Austin, Bastrop, Dripping Springs, Johnson City y Wimberley en Texas. Localizacions de The Alamo en Internet Movie Database.

Se tracta d'una cinta que ha recibiu bella nominación a bel premio cinematografico, pero que no fa parte d'os premios cinematograficos mas conoixius u destacaus.

Elenco The Alamo en Internet Movie Database. Actor Papel Notas ''''

Se veiga tamién Cine en 2004. Cintas de 2004.

Referencias

Vinclos externos

Categoría:Cintas ambientadas en San Antonio (Texas) Categoría:Cintas ambientadas en Texas Categoría:Cintas ambientadas en 1835 Categoría:Cintas con banda sonora orichinal de Carter Burwell Categoría:Cintas con dirección de fotografía de Dean Semler Categoría:Cintas con guión de John Lee Hancock Categoría:Cintas con guión de Leslie Bohem Categoría:Cintas con guión de Stephen Gaghan Categoría:Cintas con montache d'Eric L. Beason Categoría:Cintas de cine belico Categoría:Cintas de cine historico Categoría:Cintas de western Categoría:Cintas d'Estaus Unius Categoría:Cintas dirichidas por John Lee Hancock Categoría:Cintas en anglés Categoría:Cintas en Panavision Categoría:Cintas en Technicolor Categoría:Cintas interpretadas por Billy Bob Thornton Categoría:Cintas interpretadas por Brandon Smith Categoría:Cintas interpretadas por Cástulo Guerra Categoría:Cintas interpretadas por Dennis Quaid Categoría:Cintas interpretadas por Emilio Echevarría Categoría:Cintas interpretadas por Emily Deschanel Categoría:Cintas interpretadas por Jason Patric Categoría:Cintas interpretadas por Joe Stevens Categoría:Cintas interpretadas por Jordi Mollà Categoría:Cintas interpretadas por Kevin Page Categoría:Cintas interpretadas por Laura Clifton Categoría:Cintas interpretadas por Leon Rippy Categoría:Cintas interpretadas por Marc Blucas Categoría:Cintas interpretadas por Patrick Wilson Categoría:Cintas interpretadas por Rance Howard Categoría:Cintas interpretadas por Ricardo Chavira Categoría:Cintas interpretadas por Robert Prentiss Categoría:Cintas interpretadas por Stephen Bruton Categoría:Cintas interpretadas por Stewart Finlay-McLennan Categoría:Cintas interpretadas por Tom Davidson Categoría:Cintas interpretadas por Tom Everett Categoría:Cintas interpretadas por W. Earl Brown Categoría:Cintas producidas por Mark Johnson Categoría:Cintas producidas por Ron Howard Categoría:Cintas rodadas en Austin Categoría:Cintas rodadas en Bastrop (Texas) Categoría:Cintas rodadas en Dripping Springs (Texas) Categoría:Cintas rodadas en Johnson City (Texas) Categoría:Cintas rodadas en Wimberley Categoría:Cintas sobre a Guerra d'Independencia de Texas