Iste articlo ye sobre una cinta estausunidense de cine d'intriga estrenada l'anyo 2004; ta atros usos, se veiga The Village y The Village (cinta).

The Village (títol orichinal en anglés, en aragonés O lugar, estrenada en Aragón con o títol en castellano d'El bosque, en aragonés A selva) ye una cinta de cine d'intriga de cine estausunidense estrenada l'anyo 2004, dirichida por M. Night Shyamalan seguntes un guión orichinal d'él mesmo, con una banda sonora orichinal de James Newton Howard, una dirección de fotografía de Roger Deakins, una producción cinematografica de Sam Mercer, Scott Rudin y M. Night Shyamalan ta las productoras Touchstone Pictures, Blinding Edge Pictures y Scott Rudin Productions y con un elenco formau, en os papels principals d'a cinta, por Bryce Dallas Howard, Joaquin Phoenix, Adrien Brody, Sigourney Weaver, William Hurt, Brendan Gleeson, Cherry Jones, Judy Greer, Michael Pitt, Celia Weston, Jayne Atkinson, Frank Collison, Jesse Eisenberg, Fran Kranz, Liz Stauber, M. Night Shyamalan y Charlie Hofheimer.

En a Pennsilvania de l'aparent sieglo XIX, una chicota comunidat vive en un lugarón perdiu a on a vida transcorre con placidez, encara que la color roya ye prohibida en estar una color que puet atrayer a unas misteriosas creaturas que viven en as selvas que arredolan o lugar. Tanimientres, ixas creaturas mai no dentran en as tierras d'o lugar y se limitan a estar en as suyas selvas, de no estar que los habitants d'o lugar dentren en as selvas, y amás bi ha torres de vichilancia ta cosirar o perimetro d'o lugar. Bel día muere un choven d'o lugar, por una malautía, y un atro d'os chóvens, Lucius Hunt, demana permiso a lo consello d'ancianos ta marchar enta la ciudat en trescruzando la selva, ta buscar medecinas por si tornase a haber una atra malautía, pero los ancianos no li dan permiso. Dimpués, su mai vídua l'advierte contra los periglos d'a ciudat, habitada por chents poco fiables. Cada anciano guarda una caixa que parixe amagar bel secreto, y finalment Lucios dentra en a selva, explicando-lo dimpués y decindo que dentrar-ie ye seguro. Tanimientres, bien luego troban cadavres d'animals despellaus y marcas de pintura roya en bellas puertas d'o lugar, sin garra dandalo obra d'as misteriosas creaturas y consecuencia d'a visita de Lucius. A filla de l'anciano líder d'o lugar, Edward Walker, clamada Kitty, ye enamorada de Lucius, pero iste ye en realidat enamorau de su chirmana ciega, Ivy, y la refusa. Cuan Kitty prencipia a festechar con un atro choven, Lucius y Ivy prencipian a festechar, pero Noah Percy, un choven discapacitau mental, apunyala a Lucius por zelos, y Edward decide por a suya cuenta ninviar a Ivy acompanyada de dos chóvens, enta la ciudat a buscar medecinas. Pero antes li explica que en realidat as creaturas no existen, son nomás que un pretexto ta evitar que los chóvens marchen d'o lugar, y que los incidents que heban escaiciu en o lugar yeran en realidat obra d'os ancianos. Cuan marchan enta la ciudat, los chóvens abandonan a Ivy, que ye atacada por una creatura, encara que en realidat no ye atro que Noah con un disvraz que ha trobau y que los ancianos feban servir ta esbarruchar a los chóvens. Ivy consigue matar-lo y plega amán d'oque creye estar a ciudat, que no ye atra cosa que un perimetro cercau y cosirau por un servicio de vichilancia en autos que revela que en realidat a escena d'a cinta s'escayece en l'actualidat d'a cinta, y que lo lugar ye nomás que lo puesto a on s'han refuchiau personas con traumas por ataques padeixius por os suyos familiars en a ciudat, y que pagan por a vichilancia exterior, encara que Ivy no en ye conscient de tot ixo por a suya ceguera.

The Village s'ambienta en o estau de Pennsilvania en a epoca actual d'a cinta (2004) y las suyas escenas se filmoron en Chadds Ford Township y Philadelphia (Pennsilvania), Pedricktown (Nueva Jersey) y Centerville (Delaware). Localizacions de The Village en Internet Movie Dataase.

Ye una cinta que ha recibiu cuantos premios y nominacions, entre los que cal destacar una nominación a los Premios Oscar en a suya 77<sup>ena edición, a la Millor Banda Sonora Orichinal.

Elenco The Village en Internet Movie Database. Actor Papel Notas ''''

Se veiga tamién Cine en 2004. Cintas de 2004.

Referencias

Vinclos externos

Categoría:Cintas ambientadas en Pennsilvania Categoría:Cintas ambientadas en 2004 Categoría:Cintas con banda sonora orichinal de James Newton Howard Categoría:Cintas con dirección de fotografía de Roger Deakins Categoría:Cintas con guión de M. Night Shyamalan Categoría:Cintas con montache de Christopher Tellefsen Categoría:Cintas de cine d'intriga Categoría:Cintas d'Estaus Unius Categoría:Cintas dirichidas por M. Night Shyamalan Categoría:Cintas en anglés Categoría:Cintas en Technicolor Categoría:Cintas interpretadas por Adrien Brody Categoría:Cintas interpretadas por Brendan Gleeson Categoría:Cintas interpretadas por Bryce Dallas Howard Categoría:Cintas interpretadas por Celia Weston Categoría:Cintas interpretadas por Charlie Hofheimer Categoría:Cintas interpretadas por Cherry Jones Categoría:Cintas interpretadas por Fran Kranz Categoría:Cintas interpretadas por Frank Collison Categoría:Cintas interpretadas por Jayne Atkinson Categoría:Cintas interpretadas por Jesse Eisenberg Categoría:Cintas interpretadas por Joaquin Phoenix Categoría:Cintas interpretadas por Judy Greer Categoría:Cintas interpretadas por Liz Stauber Categoría:Cintas interpretadas por M. Night Shyamalan Categoría:Cintas interpretadas por Michael Pitt Categoría:Cintas interpretadas por Sigourney Weaver Categoría:Cintas interpretadas por William Hurt Categoría:Cintas producidas por M. Night Shyamalan Categoría:Cintas producidas por Sam Mercer Categoría:Cintas producidas por Scott Rudin Categoría:Cintas rodadas en Centerville (Delaware) Categoría:Cintas rodadas en Chadds Ford Township Categoría:Cintas rodadas en Pedricktown Categoría:Cintas rodadas en Philadelphia