A ilesia de Santa Euchenia de Roma de Carazo u ilesia de Santa Euchenia de Carazo ye una ilesia d'estilo renaixentista castellanoleyonesa que se troba en a localidat de Carazo, en a comarca de Sierra de la Demanda y provincia de Burgos. Dende lo punto d'anvista d'a suya adscripción administrativa en a Ilesia Catolica, pende de l'arcipestrau d'La ierra en l'archidiocesi de Burgos. Arcipestrau de La Sierra en a web de l'Archidiocesi de Burgos.
Ye una ilesia consagrada a Santa Euchenia de Roma construyida mientres o sieglo XVI y ye la ilesia parroquial d'o lugar.
Descripción Ye un edificio construyiu en piedra picada que poseye tres naus, con un total de cuatre columnas de forma cilindrica y vuelta de crucería que encara conserva restas de l'antigo artesonau de l'edificio.
A suya cabecera ye d'estilo renaixentista en forma de rectanglo y poseye contrafuertes.
A frontera d'o templo ye en estilo clasicista, con un arco de meyo punto muit lucherament apunchau y con un frontón dencima d'ella.
Adosau a lo templo se troba la suya torre-campanal, con una altaria de tres livels y planta cuadrada.
Arte mueble En a ilesia se i conserva un retaulo en fusta policromada d'estilo clasicista que amuestra lo tetramorfos (ye decir, los cuatre evanchelistas), a Mai de Dios con o Nino, Santo Domingo de Silos, Dios y la mesma Santa Euchenia de Roma.
Se i conserva igualment una pila baptismal d'estilo romanico, mesmo que bellas pinturas que tractan d'a vida de Santa Euchenia de Roma, la santa titular d'o templo. Finalment, se i troban tamién bels atros retaulos mas que mas d'estilo barroco, mesmo que bellas piezas d'orfebrería. Parroquia de Santa Eugenia de Carazo en a web de l'Archidiocesi de Burgos. Iglesia de Santa Eugenia en a web local www.Carazo.es.
Galería d'imáchens
Referencias
Vinclos externos
Euchenia de Roma de Carazo Euchenia de Roma de Carazo Euchenia de Roma de Carazo Carazo Euchenia de Roma de Carazo Ilesia d'Euchenia de Roma