right|thumb|250px|A ilesia de Santa María d'Uncastiello, a on se i conserva lo manuscrito. Iste articlo ye sobre un manuscrito latino sobre la vida de Mahoma que se conserva en Uncastiello; ta atros usos, se veiga Vita Mahometi. Vita Mahometi ye una breu biografía sobre la vida de Mahoma redactada en latín y que se reculle en un unico manuscrito conservau como "códiz 10" en l'archivo parroquial d'a ilesia de Santa María d'Uncastiello,Di Cesare 2012 en a comarca de Cinco Villas d'Aragón. Ye una obra redactada en 1221 u 1222Valcárcel 2012, p. 208. en bel puesto d'a redolada u d'o norte d'AragónValcárcel 2012 p.207 por un autor desconoixiu que no amanixe en o manuscrito pero fácil que l'autor sía lo mesmo que lo d'a obra d'o códiz anterior, Tractatus contra Iudaeos, que diz estar un chudieu convertiu a lo cristianismo y baptizau con o nombre de Pero.Valcárcel 2012 p. 207, que en as pachina siguients enumera autors a favor y en contra d'ista tesi.

Se tracta d'un códiz explicitament cristiano que presenta a Mahoma como un falso profeta motivau nomás que por a suya luxuria de tipo sexual y por o suyo deseyo de poder politico.Valcárcel 2012 O proposito declarau de l'autor d'o texto ye de correchir o malentendiu que afirmaba que Mahoma yera cristiano, encara que ciertament heba recibiu l'aduya mesmo de cristianos que de creyents d'o chudaísmo. En ixe sentiu, ista obra puet clasificar-se como "antihachiografica", encara que amuestra unas caracteristicas en o suyo texto muito menos polemicas que muitas atras obras "antihachograficas" sobre Mahoma redactadas en epoca medieval..

O texto d'o manuscrito tien una extensión de nomás que 119 linias y puet dividir-se en seis seccions. A primera d'as ditas seccions tracta d'a vida de Mahoma en os suyos primers anyos dica plegar en a Echira, la suya fuyida dende A Meca enta Medina. A segunda parte ye adedicada a la suya luxuria, indicando que ´la primera muller de Mahoma estió Khadija bint Khuwaylid pero que dimpués se casó con atras deciséis mullers, estanso amás a zaguera d'ellas robada a un atro hombre. A tercera parte d'o texto ye adedicada a explicar as oríchens d'a suya doctrina y las suyas primeras pedricas. A cuatrena parte, que abraca alto u baixo la metat d'a extensión d'o texto total, ye un relato d'os suyos falsos miraglos y d'a suya mi'raj u ascensión en os cielos, estando amás a mas antiga mención d'o mi'raj en una biografía sobre Mahoma en Europa Occidental,Echevarría 2005 tractando-se en o texto como lo suyo cuatreno miraglo. Ye posible que lo relato s'haiga obteniu d'o Kitab al-wadih bi-l-haqq, una obra d'a literatura copto-arabe d'a cual consta que existiban en ixas envueltas copias disponibles en versión en latín en a peninsula Iberica.Burman 1994, p.49. A conversación entre Mahoma y Dios, en a cual s'amuestran as ensenyanzas centrals de l'islam, ye la pieza central d'a obra. Tanimientres, a obra no menciona ni la ìsra ni la visita de Mahoma a l'infierno. As dos parts finals d'a Vita Mahometi son una descripción d'a muerte de Mahoma por malautía y d'as suyas ensenyanzas sobre Chesús, santa María y los apóstols.

O texto latino d'a Vita Mahometi ha estau publicau tres vegadas.En Serrano y Sanz 1931, p. 391–395; en Valcárcel 2002, p. 243-245; y en Di Cesare 2012, p. 210-214.

Referencias

Bibliografía Thomas E. Burman: Religious Polemic and the Intellectual History of the Mozarabs, c. 1050–1250, Brill, 1994. Michelina Di Cesare: The Pseudo-historical Image of the Prophet Muhammad in Medieval Latin Literature: A Repertory, De Gruyter, 2012. Ana Echevarría: Eschatology or Biography? Alfonso X, Muhammad's Ladder and a Jewish Go-Between, en Leyla Rouhi y Cynthia Robinson (eds.): Under the Influence: Questioning the Comparative in Medieval Castile, Brill, p. 133-152. Manuel Serrano y Sanz: Vida de Mahoma según un códice latino de mediados del siglo XIII, en Erudición ibero-ultramarina, num.2, 1931, p. 365-395. Vitalino Valcárcel Martínez: "La «Vita Mahometi» del códice 10 de Uncastillo (s. XIII): estudio y edición, en Maurilio Pérez González (ed.): Actas del III Congreso Hispánico de Latín Medieval: León, 26–29 de septiembre de 2001, vol.1, Universidat de Leyón, 2002, p. 211-245. Vitalino Valcárcel Martínez: "Vita Mahometi", en David Thomas y Alex Mallett (eds.): Christian–Muslim Relations: A Bibliographical History, vol. 4 (1200-1350), Brill, 2012, p. 207-211.

Categoría:Biografías de Mahoma Categoría:Ilesia de Santa María d'Uncastiello Categoría:Libros medievals en latín