A ilesia de Nuestra Sinyora de l'Asumpción de Castillón de Sobrarbe ye un edificio gotico-renaixentista situau en a localidat prepirenenca d'o mesmo nombre, adintro d'o termín municipal de l'Aínsa-Sobrarbe, en a comarca de Sobrarbe, provincia de Uesca, Aragón.
Situada en a cuenca d'o río Susía, en o estremo nortoriental d'a Sierra de Guara, dista 22 kilometros de l'Aínsa y 47 d'a ciudat de Balbastro.
Historia En distintos puntos de l'edificio constan inscripcions con cuantas calendatas, que permiten datar a construcción de cadaguna d'as partis d'a ilesia. En a portalada ye grabada a calendata de 1547, acompanyada por o nombre, parcialment desaparecido, de maestro miguel de.
O conchunto de l'edificio habió d'estar feito tamién en ixos anyos y rematar-se en 1557, seguntes a inscripción d'o pulpito: ioan tellet me yzo 1557. Joan Tellet "El piedrapiquero Joan Tellet, una aproximación a su obra y su personalidad artística. En Actas del V Coloquio de Arte Aragonés". Carlos Perrela Larrosa. Deputación Cheneral d'Aragón, Zaragoza, 1989. construyió tamién por ixas envueltas a iglesia de l'Asumpción d'o Elsón y remató a basilica d'a Virchen d'a Penya de Graus. A puerta d'a sagristía que fació aquí pareixe seguir modelos d'o Libro de Arquitectura de Sebastián Serlio, publicau en Espanya en 1552.
Se conserva documentación referida a una vesita episcopal de 1559,Libro de visitas hechas por el doctor Vitales provisro por el muy Illtre. y Rvdmo. Sr. Don Pedro Agustín, obispo de Huesca, en los años MDLVIII & MDLX, f. 60. Publicau por Jesús Conte Oliveros. Viaje por pueblos oscenses. Siglo XVI. Librería General, Zaragoza, 1980, tomo I, pach 113. cuan o templo ya yera consagrau y en uso, seguntes a que s'ordena que "se faiga un coro muit bueno".
En ultimas, en a finestra d'a sagristía consta a calendata de 1596. En ixe anyo se fería dita cambra y s'enamplaría a capiella norte.
Se desconoixe a calendata exacta d'a construcción d'a torre. Cuantos detalles arquitectonicos fan creyer a bels investigadors que estió licherament anterior a la resta d'a ilesia.
En 2007 a ilesia se zarró a o publico debiu a o suyo mal estau de conservación.
Descripción A datación d'a ilesia ye d'o sieglo XVI, construida en arquitectura tardogotica con elementos renaixentistas. Se tracta d'un edificio construyiu en piedra de cantería. Poseye nau rectangular con capiellas laterals, cabecera poligonal y una sagristía adosada.
Tien una torre de cinco cuerpos situada a l'altaria d'o zaguer d'os trampos d'a nave. Ye construida en piedra picada. Iglesia de la Asunción. Memoria histórico-artística. UNIDAD DOCUMENTAL. Comarca de Sobrarbe. Boltaña. Conchi Benítez Tellaetxe. Informe elaborau por o Servicio de Patrimonio d'a Comarca de Sobrarbe y ninviau chunto a la solicitut de declaración de Bien d'Intrés Cultural a la Dirección Cheneral de Patrimonio Cultural o 27 d'agosto de 2010 con numero de rechistro de salida 1964.
Referencias
Vinclos externos
En o Sistema d'Información d'o Patrimonio Cultural Aragonés (SIPCA)
Asumpción de Castillón de Sobrarbe Asumpción de Castillón de Sobrarbe Asumpción de Castillón de Sobrarbe Asumpción de Castillón de Sobrarbe Asumpción de Castillón de Sobrarbe Castillón de Sobrarbe Asumpción de Castillón de Sobrarbe Categoría:Castillón de Sobrarbe