A ilesia de Nuestra Sinyora de l'Asumpción de Peralta d'Alcofeya ye una ilesia d'estilos romanico y gotico aragonesa que se troba en a localidat de Peralta d'Alcofeya, en a comarca d'o Semontano de Balbastro y provincia de Uesca. Dende lo punto d'anvista d'a suya adscripción administrativa en a Ilesia Catolica, pende de l'arcipestrau de Sesa-Berbegal en a diocesi de Uesca y de l'archidiocesi de Zaragoza.
Se tracta d'un templo consagrau a l'Asumpción de Santa María que gosa datar-se en primerías d'o sieglo XIII (u puet estar que a finals d'o sieglo XII) Iglesia de Nuestra Señora de los Dolores, en a web de Cultura de Aragón d'a Deputación Cheneral de Aragón. y que ye construyida con piedra picada en estilo romanico tardano, cuasi que de transición enta lo gotico, como evidencian as suyas esculturas. Jaime Cobreros Aguirre: Las rutas del románico en España. Volumen II: Aragón, Cataluña, Navarra, País Vasco y La Rioja, Grupo Anaya, S.A., Madrit, 2004, 1era edición, , p.207-5208. Mesmo ye poseible que sía lo zaguer templo romanico construyiu en Aragón.
O templo s'enampló mientres o sieglo XV en estilo gotico, y se i facioron cuatre restauracions financiadas por a Deputación Cheneral d'Aragón en o zaguer cuarto d'o sieglo XX. En ixe sieglo XV s'adhibiron a la nau dos trampos y capiellas laterals en o primer trampo.
Tanimientres, tamién aparixe mencionada como Ilesia de Nuestra Sinyora d'as Dolors, una atra advocación mariana.
Descripción Frontera norte A frontera norte d'a ilesia, con o suyo timpano, ye l'elemento mas destacau d'o templo.
Sobre la puerta de dentrada a l'edificio se troba un timpano en representando la Epifanía, refirmau por dos esconzons (que amuestran a bels animals (fácil que lions) en devorando personas, a l'estilo desenrrollau por o clamau mayestro d'Agüero, encara que muito mas simplos)<ref name="RománicoAragonés"> Peralta de Alcofea. Parroquial de Nª Sª de la Asunción], en a web www.romanicoaragones.</ref> y emmarcau por seis arquivoltas, con figuras de caballers y en o centro Dios bendecindo la que ye en contacto con o timpano, y las atras u sin decoración u con escacau chaqués u figuras cheometricas. Os suyos capitels amuestran escenas de l'Antigo y d'o Nuevo Testamento.
En o timpano se troban representaus os Reis Magos en l'acto de l'Adoración, estando a la part cucha d'a composición, puet estar que acompanyaus por o suyo seguicio y estando bendecius por Santa María y por o Nino, contemplaus por Sant Chusé en a part dreita. Dos ánchels marchan enta los Reis Magos y preside la escena una estrela de ueito puntas.
As arquivoltas descansan sobre columnas y pilastras, alternando-se unas y atras. Os capitels d'as columnas y pilastras se troban bien desgastaus encara que en un d'éls se puet reconoixer a Dios rodiau de caballers y de musicos.
En un lateral de l'arquivolta exterior se troba grabau un nombre y una atribución, Espinosa me fe, amás de l'anyo 1577. Obviament no se tracta de l'autor d'o templo, sino de l'autor de bella obra u reforma posterior en a calendata grabada.
Interior A ilesia de Nuestra Sinyora de l'Asumpción ye un edificio d'una sola nau con un abside semicircular cubierto por vuelta de canyón y que refirman arcos faixons sostenius por columnas adosadas, estando los capitels d'as ditas columnas decoraus con motivos cheometricos. Bels d'os arcos faixons son lucherament apunchaus, fácil que en estar d'un momento posteriorala obra orichinal.
Adosaus lateralment a la nau d'a ilesia se troban dos capiellas.
Torre Adosada a lo muro d'a Epistola se troba una torre en planta cuadrada con o primer cuerpo en piedra picada y los atros en ladriello, estando una obra d'o sieglo XIX.
Protección legal A ilesia de Nuestra Sinyora de l'Asumpción de Peralta d'Alcofeya se troba protechida legalment por a suya declaración como Bien d'Intrés Cultural por Orden de 26 de chinero de 2004 publicada en o Boletín Oficial de Aragón o 20 de febrero de 2004, ORDEN de 26 de enero de 2004, del Departamento de Educación, Cultura y Deporte, por la que se completa la declaración originaria de Bien de Interés Cultural de la denominada «Iglesia de Nuestra Señora de los Dolores» en Peralta de Alcofea, (Huesca), conforme a la Disposición Transitoria Primera de la Ley 3/1999, de 10 de marzo, de Patrimonio Cultural Aragonés.. confirmando la declaración como Molimento Historico-Artistico feita por o Ministerio de Cultura d'Espanya l'11 de mayo de 1983
Referencias
Vinclos externos
Iglesia de Nuestra Señora de la Asunción. Peralta de Alcofea en a web de Turismo d'o Semontano de Uesca. Iglesia de Nuestra Señora de los Dolores de Peralta de Alcofea en a web d'o Sistema de Información del Patrimonio Cultural Aragónés. Iglesia de Nuestra Señora de los Dolores en a web de Cultura d'Aragón. [https://www.romanicoaragones.com/32-Somontanohu/990450-Peralta.htm Peralta de Alcofea. Parroquial de Nª Sª de la Asunción, en a web www.romanicoaragones. Iglesia parroquial de la Asunción de Nuestra Señora - PERALTA DE ALCOFEA (ARAGÓN) en campaners.com.
Nuestra Sinyora de l'Asumpción de Peralta d'Alcofeya Nuestra Sinyora de l'Asumpción de Peralta d'Alcofeya Peralta d'Alcofeya Nuestra Sinyora de l'Asumpción de Peralta d'Alcofeya Nuestra Sinyora de l'Asumpción de Peralta d'Alcofeya Nuestra Sinyora de l'Asumpción de Peralta d'Alcofeya Nuestra Sinyora de l'Asumpción de Peralta d'Alcofeya Ilesia de Nuestra Sinyora de l'Asumpción de Peralta d'Alcofeya