La ermita de Sant Salvador ye una ermita situada en a localidat aragonesa de Fuents Claras, tamién conoixida como Lo Santo y situada en o barrio homonimo. Ermita de San Salvador en a web d'o Sistema de Información del Patrimonio Cultural Aragonés (SIPCA). Ye consagrada a sant Salvador d'Horta.
Historia La Ermita estió construyida en un antigo cruce de camins que levaban a lugars vecinos: un endrezau ta Camin Reyal y Torrillo, y l'atro enta Villalba de los Morals y Tornos. Lo suyo orichen ye encara incierto, pero puede datarse entre la segunda metat d'o sieglo XVIII. Posteriorment naixió a lo suyo arredol l'actual nuclio de población que prenió lo nombre d'a Ermita, potenciado gracias a la construcción d'o ferrocarril cercano per la Companyía del Ferrocarril Central d'Aragón y d'as estacions ferroviarias en o municipio vecino de Caminreal, la primera en 1901 y la siguient (Gara de Camín Reyal-Fuents Claras) en 1933.
Descripción L'edificio ye un eixemplo de construcción popular y de chicotas dimensions. Ye de planta rectangular y una sola nave, con cubierta a cuatro auguas y construyiu en sillería y mampostería. La frontera prencipal estió pintada de blanco, posiblement en calendatas posteriors a la construcción. Disposa de dos contrafuertes laterals, nomás visibles per un costau en estar l'edificio adosado a unatra edificación per lo costau contrario, an asoman dos ventanucos a l'altura d'o tejado.
L'interior, muito sencillo, ye pintau de blanco. Carece de decoración bella y la suya embaldosado ye moderno. En o ábside i hai un retablo en celeste y dorado, dos lienzos centrals con imáchens d'o santo y un altar con a imachen d'o titular. La dentrada presienta un sencillo arco rebaixau con una ringlera de rechola a la manganeta y coronado per una hornacina (actualment vueda) y una sencilla cruz. La frontera combina lo blanco dominant con l'ocre, usau en l'arco a lo tresbolillo, lo tejadillo y la base d'o muro. Flanquean la dentrada dos plataneros a senglos costaus y dos cadieras tocantes a la frontera. Antes mas aculliba ermitaños, que viviban en dependencias anexas. Ermita de San Salvador Xilocapedia
La Ermita tiene un papel destacau en una d'as prencipals tradicions de Fuents Claras: la Romería d'os Penitents. La procesión, formada per los miembros d'a Cofradía d'a Sangre de Cristo, parte dende la Ilesia parroquial endrezau ta Villalba de los Morals, acompanyaus per los vecins y fendo parada debant d'a ermita, dende an los cofrades siguen en solitario. Los penitentes de Fuentes Claras: tradición y modernidad en la Cofradía de la Sangre de Cristo. Isabel Pérez Pérez. Xiloca, 2014. Núm. 27, pách. 7-16
Lo 23 d'agosto de 2010 lo Concello la declaró Monumento d'Interés Local de cara a la suya inclusión en o Catalogo d'o Patrimonio Cultural Aragonés. Anuncio del Ayuntamiento de Fuentes Claras, relativo a la declaración de monumento de interés local Boletín Oficial de Aragón, 15 de septiembre de 2010, pách. 21.547
Referencias
Bibliografía Isabel Pérez Pérez: Los penitentes de Fuentes Claras: tradición y modernidad en la Cofradía de la Sangre de Cristo, Calamocha: Centro de Estudios del Jiloca (Xiloca, 27), 2014. ISSN 1136-8209
Salvador Salvador Salvador Categoría:Ermitas d'Aragón adedicadas a sant Salvador d'Horta Categoría:Molimentos de Fuents Claras