O corredor de Melilla ye un espacio aerio per a on transcorre o trafico aerio entre Melilla y a peninsula Iberica.
As operacions entre l'aeropuerto de Melilla y a peninsula se fan a o largo d'o corredor de Melilla. L'AIP ENR 2.1 clasifica iste corredor como espacio aerio no controlau (Clase G), especificando que os vuelos a FL60 u inferior serán baixo a churisdicción de Sevilla ACC, y os vuelos a FL70 u superior serán baixo a churisdicción de Casablanca ACC. Seguntes SERA, en espacio aerio Clase G: os vuelos IFR y VFR son permitius y reciben servicio d'información de vuelo si lo solicitan. Toz os vuelos IFR serán en condicions d'estableixer comunicacions aeroterrestres per voz. S'aplica una limitación de velocidat de 250 nyudos IAS a toz os vuelos per debaixo d'os 3050 m (10.000 ft) AMSL, fueras de cuan l'aprebe l'autoridat competent pa tipos d'aeronaus que, per razons tecnicas u de seguranza, no puedan mantener ixa velocidat. No cal una autorización ATC. Plan Director de l'Aeropuerto de Melilla: Situación actual de l'aeropuerto de Melilla. Aena
O corredor de Melilla tanto en a suya parti superior como en a suya parti inferior ye clasificau como "Espacio Aerio G", lo que significa que ye un espacio aerio no controlau. Melilla tiene a peculiaridat de que a suya maniobra d'aproximación ye comprendida en a suya mayor parte en espacio aerio no controlau, y nomás ye controlau en o suyo tramo final. Una peculiaridat extremadament infrecuent y sola en Espanya. En os aeropuertos no controlaus (como Burgos, Uesca, Seu d'Urchel, u mesmo La Gomera), a maniobra d'aproximación empecipia en Espacio Aerio Controlau, y ye nomás lo suyo tramo final lo que no ye controlau. En iste caso ye a l'inrevés.
Referencias
Vinclos externos
Pachina oficial de l'aeropuerto Destins dende l'aeropuerto de Melilla Plan Director de l'Aeropuerto de Melilla. Setiembre de 2017
Categoría:Transporte en Melilla