Frantz Reichel, naixiu o 16 de marzo de 1871 y muerto o 21 de marzo de 1932. Estió un atleta francés que compitió en os Chuegos Olimpicos d'Atenas 1896 en prebas d'atletismo, y en os Chuegos Olimpicos de París 1900 como miembro de l'equipo francés de rugby, aconseguindo a medalla d'oro.
Participó en os primers Chuegos Olimpicos d'a era moderna celebraus en Atenas en os 400 metros lisos y en os 110 metros cletas. En os 400 clasificó tercer en a segunda serie clasificatoria y no abanzó a la final pués nomás o feban os dos primers de cada serie. En a cursa de 110 cletas, diferents fuents citan que Reichel s'ubicó segundo u tercer en a suya serie clasificatoria, pero a que mas se sostiene ye aquella que detalla que Reichel superó a l'hongaro Alojz Sokol dimpués que este se trepuzase en a zaguera cleta, pasando a la final. Manimenos, no compitió en ixa final, ya que yera fendo d'asistent a Albin Lermusiaux en a preba de maratón, que se correba a o mesmo tiempo que la final.
Vinclos externos
Perfil de Frantz Reichel en Sports Reference.com
Categoría:Atletas de Francia en os Chuegos Olimpicos de 1896 Categoría:Chugadors de rugby de Francia en os Chuegos Olimpicos de 1900 Categoría:Chugadors de rugby de Francia Categoría:Medalla d'oro en os Chuegos Olimpicos Categoría:Muertos en París Categoría:Naixius de París Categoría:1871 (naixencias) Categoría:1932 (muertes)