Escarriella (en castellano Escarrilla) ye un lugar pirinenco d'o municipio de Sallent de Galligo, en a comarca de l'Alto Galligo y provincia de Uesca. Ye situato a 1.120 metros d'altaria, a meyo camín entre as pistas d'esquí de O Fornigal y Pandicosa, en o corazón d'a val de Tena y tamién entre os entibos de Búbal y Lanuza, deseparato d'iste zaguero nomás por que o túnel d'Escarriella. O lugar ye rodiato de selvas de fabos, pinos y abez.
Clima A suya temperatura anyal ye 8.98 °C, con una temperatura meya en chinero de 2.41 °C y en chulio de 17.75 °C. "Valores normales de precipitación y temperatura de la red climatológica (1961-1990). Serie monografías. Año 2000" (Instituto Nacional de Meteorología) en a pachina web de l'Instituto Aragonés de Estadística (IAEST).
Historia En 1295 Escarriella yera propiedat d'o rei d'Aragón. Dimpués estió d'a sobrecullita, d'a vereda y d'o correchimiento de Chaca. Cuan s'independizó s'unió a Sandiniés en 1845 y ya a la fin en 1970-1980 s'encorporó a o municipio de Sallent.
Toponimia Gerhard Rohlfs G. Rohlfs: Vestiges du vocabulaire ibérien en Gascogne. relaciona iste toponimo con o gascón "escarrouè" y l'aragonés "escarrón", que se corresponden con o basco "askarra", que designa a la mesma especie d'árbol.
Seguntes William Dennis Elcock W.D. Elcock: Toponimia del valle de Tena. manimenos no ye tan claro l'orichen prerromano. L'anglés sinyala a o verbo "escarrar" d'orichen latín (EXCARRARE) y present tanto en aragonés como en occitán con o significau de "rascar, limpiar a borda" como fuent d'iste toponimo.
Molimentos A Ilesia de Sant Chuaquín d'Escarriella, adedicada a Sant Chuaquín, ye una construcción tardana, d'una nau rectangular y capecera plana. Ye la ilesia parroquial d'o lugar. Parroquias del Arciprestazgo de Biescas en o sitio web d'a Diocesi de Chaca.
Fiestas 20 de chinero, Sant Sabastián. 20 d'agosto, Sant Chuaquín.
Bibliografía Zapater, Alfonso: Aragón pueblo a pueblo, 4. Mainer Til Editores, S.L. .
Referencias
Vinclos externos Escarriella.
Categoría:Lugars de Sallent de Galligo Categoría:Entidaz locals menors d'Aragón Categoría:Localidaz d'a diocesi de Chaca en l'Alto Galligo