Un pisco sour ye un cóctel alcolico d'orichen peruano l'ingredient prencipal alcolico d'o cual ye lo pisco, un licor emplegau mesmo en a gastronomía peruana que en a gastronomía chilena, países que se'n disputan lo suyo orichen. Ye lo pisco qui li atorga lo suyo nombre a lo cóctel, adhibindo-le lo termin emplegau en coctelería "sour" y que se refiere a una familia de cóctels caracterizaus por tener un licor base, un suco de fruita (mas que mas acedo), bella bebida dolza ta endolcir-lo y que gosan tamién incluyir a clara de uevo. O pisco sour tien dos versions, una de chilena y l'atra peruana. La versión peruana emplega pisco peruano, suco de limón recient exprimiu, chelo, clara de uevo y Angostura; y la versión chilena fa servir pisco chileno y limón de Pica (una denominación d'orichen chilena de limons extremadament acedos) y no fa uso ni d'a clara de uevo ni de l'Angostura amargant. Tamién existen atras variants d'o cóctel que utilizan atras fruitas, como lo suco de pinya, u mesmo bellas plantas, como las fuellas de coca.
Referencias
Vinclos externos