thumb|300px|Logotipo D.O.P. Cebolla Fuents d'Ebro. A Denominación d'Orichen Protechida Cebolla Fuents d'Ebro ye una denominación d'orichen protechida aragonesa sobre as cebollas cautivadas, elaboradas, almagacenadas y envasadas en 6 municipios d'a zona de Fuents d'Ebro (Zaragoza, Aragón), y que son d'a variedat cebolla dolza de Fuents, tamién dita cebolla blanca gruesa de Fuents, inscrita en o Catalogo Común de Variedaz d'Especies de Plantas Horticolas. Las cebollas de Fuentes de Ebro ya son DO. Aragón - Hernández, agrocope.com. 10 de mayo de 2010
L'aprebación d'a normativa especifica d'a Denominación d'Orichen Protechida Cebolla Fuents d'Ebro fue publicada en noviembre de 2010 en o Boletín Oficial de Aragón. BOA O 31 de chinero de 2011 se reyalizó a presentación oficial d'a denominación d'orichen protechida Cebolla Fuents d'Ebro, La Cebolla Fuentes de Ebro la primera en España con Denominación de Origen. salindo as primeras con iste sello de calidat a o mercau en chulio de 2011.
Oríchens L'orichen d'o cautivo d'ista cebolla en o termin municipal de Fuents d'Ebro y a suya redolada data d'os primers asentamientos romanos, que construyiron un sistema de riegos. Con a plegada d'os musulmans s'amilloró l'uso de l'augua a traviés d'a construcción d'un amplo ret de cequias dende os azutes dica os campos d'a comarca. En Fuents d'Ebro encara se conserva iste sistema de riego d'orichen arabe.
Redolada A zona cheografica d'ista denominación d'orichen protechida incluye 6 municipios d'as comarcas Central y Ribera Baixa d'Ebro, en a provincia de Zaragoza.
Clima O clima d'ista zona ye caracterizau por tres factors: l'aridez, a continentalidat y os vientos.
A poca pluya, de tasament 350 mm anyals y mayors en primavera y agüerro, creya chunto a las altas temperaturas un periodo d'estrés hidrico entre os meses de chunio y octubre. A isoterma meya anyal se troba entre os 13 y os 15 °C. As temperaturas minimas pueden baixar d'os 5°, rechistrando-se as valors mas baixas en aviento y chinero. As meyas maximas en verano puyan d'os 30°, estando chunio, chulio y agosto os meses mas calidos. Como en atros puestos d'a val d'Ebro, o cierzo, viento fredo y seco, bufa en l'aria de cautivo.
Demarcación cheografica Os municipios incluyius en a Denominación d'Orichen son: Fuents d'Ebro, Mediana d'Aragón, Osera d'Ebro, Pina d'Ebro, Quinto y Villafranca d'Ebro. Pliego de la Denominación de Origen Protegida "Cebolla Fuentes de Ebro"
Caracteristicas A cebolla Fuents d'Ebro se caracteriza por tener o tallo grueso, forma globosa redondiada por a radíz y lucherament alargada enta o cuello, color externa blanca-palla, napas internas blancas y por a suya textura tierna, crocant y muit sucosa, debiu a o suyo elevau conteniu en augua, pero mas que mas destaca por estar una cebolla suau, dichestiva, d'escasa picor y con ausencia u lieu retrogusto en boca.
Entre a suyas amplas virtuz destaca, en cocina, por estar excepcional pa o suyo disfrute en ensalada y por caramelizar sin menester d'adhibir zucre por a suya dolzor natural; ixo la fa estar una d'as hortalicias preferidas de consumidors y cociners, amás d'estar ideyal pa o consumo por parti d'os ninos.
Variedaz As cebollas dolzas son cautivadas en tierras con baixas cantidaz d'ixufre, por lo que gosan tener livels d'acido piruvico inferiors a 5,5 mmoles/l debant d'as cebollas d'almagacenamiento (cebolla comuna u no dolza) que por un regular plegan a os 10–13 mmoles/l. ¿Qué es una Cebolla dulce? Istos complexos sulfurosos son os que causan as glarimas, a picor y a indichestión. A cebolla dolza por tener-ne menor cantidat no pica ni ye fartadera.
Producción y comercialización A etiqueta con o logotipo d'a Denominación d'Orichen Protegida guarencia que ye consumindo l'autentica cebolla Fuents d'Ebro, producida en a zona cheografica delimitada y que cumple con os maximos parametros de calidat, pasando uns estrictos controls tanto en o campo como en as empresas comercializadoras. Se pueden identificar diferents tipos d'etiquetas, bien en cada cebolla unitaria u en os envases. Web oficial Cebolla Fuentes de Ebro
As cebollas de Fuents d'Ebro se cautivan en unas 150 hectarias en a zona de huerta d'os ríos Chiner y Ebro, con una producción estimada d'entre 40.000 y 50.000 kilos por cadaguna d'ellas. Se troban en o mercau dende l'inicio d'a suya replega, en zaguerías de chulio, dica zaguerías d'aviento/chinero.
Empresas I hai 3 empresas comercializadoras de cebollas con DOP Cebolla de Fuents: Comercializadora. DOP Cebolla Fuents d'Ebro Cebollas Agrofuentes S.L. (Fuents d'Ebro) Finca La Corona (Fuents d'Ebro) Jumosol Fruits (Fuents d'Ebro)
Referencias
Vinclos externos Web oficial d'a DOP Cebolla Fuents d'Ebro Cebolla Fuents d'Ebro
Cebolla Fuents d'Ebro