Margalida Prohens Rigo (conoixida de vegadas como Marga Prohens), naixida de Campos (Migjorn, Mallorca, Islas Balears) lo 24 de mayo de 1982 ye una politica y traductora balear, militant d'o Partit Popular de les Illes Balears, partiu por o cual ye presidenta d'o Gubierno d'as Islas Balears dende lo 7 de chulio de 2023.
Actividaz previas Naixida d'a localidat de Campos (Migjorn, Mallorca, Islas Balears) lo 24 de mayo de 1982, se licenció en traducción y interpretación por a Universidat Pompeu Fabra de Barcelona, en a especialidat de traducción churidica y churada, completando la suya formación con másters en l'EAE Business School y en a Universidat de Barcelona.
Treballó como traductora en a ONG Intermón Oxfam, en o Club Nàutic Sa Ràpita d'o suyo municipio natal y finalment como mediadora lingüistica en o concello de Palma de Mallorca, la capital d'as Islas Balears.
Vida politica
Nuevas Generaciones Dende muit choven dentró a militar en Nuevas Generaciones del Partido Popular, a sección chovenil d'o Partido Popular, estando dende 2005 dica 2009 la presidenta de l'agrupación local en o suyo municipio natal, pasando dimpués a estar secretaria exevutiva de Coordinación Local en Balears y finalment presidenta adchunta de Nuevas Generaciones de Balears dende 2010 dica 2012.
En as eleccions municipals de l'anyo 2007 se presentó como candidata en as listas d'o Partit Popular de les Illes Balears a lo concello de Campos, ocupando lo zaguer lugar d'a lista y no estando esleyida concellera. Martí Rodríguez: ¿Quién es Marga Prohens, la candidata del PP balear a la presidencia del Govern?, en Onda Cero, 20 de mayo de 2023.
Deputada en o Parlamento d'as Islas Balears En as eleccions autonomicas de 2011 se presentó en as listas d'o suyo partiu en a posición 11 d'a lista, estando esleyida deputada en a VIII Lechislatura d'o Parlamento d'as Islas Balears, estando reesleyida deputada en as eleccions autonomicas de 2015 ta la suya IX Lechislatura.
Deputada en as Corz Chenerals En as eleccions chenerals d'abril de 2019 fue esleyida deputada en o Congreso d'os Deputaus en a suya XIII Lechislatura por as Islas Balears, estando reesleyida en as eleccions chenerals de noviembre de 2019 ta la XIV Lechislatura, Prohens Rigo, Margarita en a web d'o Congreso d'os Deputaus. a on estió la portavoz d'o suyo partiu en afers relativos a igualdat. Las políticas de 40 años que han despuntado en 2023 y que marcarán agenda en 2024, en El Independiente. En todas dos ocasions yera la cabeza de lista d'o Partido Popular por a circumscripción electoral d'as Islas Balears.
Presidenta d'as Islas Balears O 24 de chulio de 2021 fue esleyida presidenta d'o Partit Popular de les Illes Balears en substitución de Gabriel Company Bauzà, estando también nominada por o suyo partiu como candidata a la presidencia d'o Gubierno d'as Islas Balears en as eleccions autonomicas de 2023, Guillem Porcel: Marga Prohens, candidata del Partido Popular al Govern: «Estas son las elecciones más decisivas de las últimas décadas», en Diario de Mallorca, 25 de mayo de 2023. En ditas eleccions o suyo partiu estió lo ganador, en obtener 26 deputaus d'os 59 deputaus d'o Parlamento. Dimpués d'un pacto con Vox fue esleyida presidenta en segunda vuelta con os 26 votos favorables d'o suyo partiu, lo voto en contra d'os 25 deputaus d'o Partido Socialista de las Islas Baleares-PSOE y de Més per Mallorca y l'abstención d'os 8 deputaus de Vox, formando un Gubierno Prohens monocolor sin participación (encara que con refirme parlamentario) de Vox. Marga Prohens, proclamada presidenta de las Illes Balears, en Público, 6 de chulio de 2023.
Referencias
Vinclos externos
Categoría:Alumnos d'a Universidat de Barcelona Categoría:Alumnos d'a Universidat Pompeu Fabra Categoría:Conservadors d'as Islas Balears Categoría:Deputaus d'a XIII Lechislatura d'o Congreso d'os Deputaus Categoría:Deputaus d'a XIV Lechislatura d'o Congreso d'os Deputaus Categoría:Deputaus d'a VIII Lechislatura d'o Parlamento d'as Islas Balears Categoría:Deputaus d'a IX Lechislatura d'o Parlamento d'as Islas Balears Categoría:Deputaus d'a XI Lechislatura d'o Parlamento d'as Islas Balears Categoría:Deputaus en o Congreso d'os Deputaus por as Islas Balears Categoría:Gubierno Prohens Categoría:Naixius de Campos (Balears) Categoría:Politicos d'as Islas Balears Categoría:Politicos d'o Partit Popular de les Illes Balears Categoría:Presidents d'as Islas Balears Categoría:Presidents d'o Partit Popular de les Illes Balears Categoría:Traductors d'as Islas Balears Categoría:1982 (naixencias)