Iste articlo ye sobre una cinta de cine de comedia romantica estausunidense de 1940; ta atros usos, se veiga The Philadelphia Story.The Philadelphia Story (títol orichinal en anglés, en aragonés A historia de Philadelphia, estrenada en Aragón con o títol en castellano de Historias de Filadelfia, en aragonés Historias de Philadelphia) ye una cinta de cine estausunidense de cine de comedia romantica estrenada l'anyo 1940, dirichida por George Cukor seguntes un guión adaptau por Donald Ogden Stewart (basau en The Philadelphia Story, una obra teatral de Philip Barry de l'anyo 1939), con una banda sonora orichinal de Franz Waxman, una dirección de fotografía de Joseph Ruttenberg, una producción cinematografica de Joseph L. Mankiewicz ta la productora cinematografica Metro-Goldwyn-Mayer y un elenco formau por Cary Grant, Katharine Hepburn, James Stewart, Ruth Hussey, John Howard, Roland Young, John Halliday, Mary Nash, Virginia Weidler, Henry Daniell y Lionel Pape, entre d'atros actors.
En a cinta se conta la situación d'una "socialite" de Philadelphia que ye amán d'a suya voda pero que se troba con que plegan por sorpresa poco antis d'a ceremonia lo suyo ex-mariu de qui s'heba esvurciau y un periodista d'una revista sensacionalista ta fer un reportache d'a voda. A obra teatral orichinal s'inspira en una "socialite" real, Helen Hope Montgomery Scott, una rica heredera de Philadelphia que s'heba casau con un amigo de l'autor, Ian Irvine: The Philadelphia Story (1940), en o Sunday Telegraph, 16 d'abril de 1995. y ye un perfecto eixemplo d'un tipo de comedias muit popular en o cine estausunidense mientres os anyos 1930 y 1940, conoixiu como "comedia de segundos matrimonios" en as que una parella s'esvurcia, coquetia con forasteros y dimpués torna a casar-se. Ixo yera en considerar-se en ixas envueltas l'esvurcio como bella cosa poco usual y mesmo una mica escandalosa, trobando-se amás bloqueyada la presencia en a gran pantalla de relacions extramatrimonials por o codigo Hays. Peter Bradshaw: The Philadelphia Story review – fun and wit rise like champagne bubbles, en The Guardian, 12 de febrero de 2015.The Philadelphia Story s'ambienta en a ciudat de Philadelphia (Pennsilvania) en a suya epoca actual (1940) y las suyas escenas se filmoron en os Metro-Goldwyn-Mayer Studios de Culver City en California entre lo 5 de chulio y lo 14 d'agosto de 1940. Localizacions de The Philadelphia Story en Internet Movie Database. Estió la primer cinta de l'actriz Katharine Hepburn con exito dende que se la consideraba como un "fracaso de taquilla" en concatenar succesivas interpretacions con malos resultaus d'ingresos de taquilla, habendo estau incluyida en a lista d'actrices con "fracaso de taquilla" en 1938. The New Pictures, en Time, 20 de chinero de 1941.
Ye una cinta que ha recibiu cuantos premios y nominacions, en destacando dos Premios Oscar (Millor Actor y Millor Guión Adaptau) y cuatre nominacions (Millor Cinta, Millor Director, Millor Actriz y Millor Actriz Segundaria) en a suya 13ena edición.
Elenco The Philadelphia Story en Internet Movie Database. {|class="wikitable sortable" style="font-size: 90%;"
! style="background:#ABD2D0;" | Actor ! style="background:#ABD2D0;" | Papel ! style="background:#ABD2D0;" | Notas
| ''''
Se veiga tamién Cine en 1940. Cintas de 1940.
Referencias
Vinclos externos
The Philadelphia Story en Internet Movie Database. The Philadelphia Story en en TCM Movie. The Philadelphia Story en AllMovie. The Philadelphia Story en l'American Film Institute Catalog de l'American Film Institute''. The Philadelphia Story en Rotten Tomatoes.
Categoría:Cintas ambientadas en Philadelphia Categoría:Cintas ambientadas en 1940 Categoría:Cintas con banda sonora orichinal de Franz Waxman Categoría:Cintas con dirección de fotografía de Joseph Ruttenberg Categoría:Cintas con guión de Donald Ogden Stewart Categoría:Cintas con montache de Frank Sullivan Categoría:Cintas de cine de comedia Categoría:Cintas de cine de romance Categoría:Cintas d'Estaus Unius Categoría:Cintas dirichidas por George Cukor Categoría:Cintas en anglés Categoría:Cintas en francés Categoría:Cintas en blanco y negro Categoría:Cintas interpretadas por Cary Grant Categoría:Cintas interpretadas por Henry Daniell Categoría:Cintas interpretadas por James Stewart Categoría:Cintas interpretadas por John Halliday Categoría:Cintas interpretadas por John Howard Categoría:Cintas interpretadas por Katharine Hepburn Categoría:Cintas interpretadas por Lionel Pape Categoría:Cintas interpretadas por Mary Nash Categoría:Cintas interpretadas por Roland Young Categoría:Cintas interpretadas por Ruth Hussey Categoría:Cintas interpretadas por Virginia Weidler Categoría:Cintas producidas por Joseph L. Mankiewicz Categoría:Cintas rodadas en Culver City