Sancho Abarca rendreza enta ista pachina, ta lo lugar de Taust, se veiga Sancho Abarca (Taust).
Sancho Garcés II, dito «Abarca», estió rei de Navarra y conte d'Aragón dende l'anyo 970 dica la suya muerte l'anyo 994.
Yera fillo d'o rei García Sánchez I y Andregoto Galíndez, filla d'o conte d'Aragón Galindo Aznárez II (867-892)
S'atribuye a iste rei o títol de rei de Navarra, cuan en 987 en o Monesterio de Sant Chuan d'a Penya se titula:
En ista epoca os reinos de Leyón, Navarra y o condau de Castiella yeran unius por lazos familiars; a monarquía navarra manteneba a Remiro III de Leyón, menor d'edat.
Cuan morió Alhakén II en 976 y lo sucedió o suyo fillo Hixem II tutelau por Almanzor, perigló a estabilidat d'os reinos cristianos: as tropas d'Almanzor vencioron a los cristianos en Torrevicente, a lo sud de Soria; dimpués les tornoron a vencer en Taracueña, amán d'Osma.
En 975 fue redotau por os musulmans en San Esteban de Gormaz, y en 981 en Rueda, a doce kilometros de Tordesillas, os cristianos tenioron una important redota.
Como por as armas no se podeba con Almanzor, Sancho Garcés acudió enta Cordoba como embaixador d'o suyo propio reino, levando a-saber-los regalos ta lo victorioso Almanzor, pactando con él y dando a lo musulmán a suya filla en matrimonio. Fruito d'iste matrimonio naixió qui heba d'estar Abd al-Rahman Sanchuelo, hereu d'o Califato de Cordoba.
Establió lo monesterio de San Andrés de Cirueña (972).
Descendencia Casau, prebablement en 962, con Urraca Ferrández, filla de Ferrán González y de Sancha de Pamplona. Antis de 950 Urraca heba estau casada con Ordonyo III de Leyón y en 956 casó con o futuro Ordonyo IV lo Malo, de qui se deseparó.
Fillos García II Sánchez "o Tembloso", rei de Pamplona, casato con Ximena Ferrández. Remiro de Navarra (m. 992). Gonzalo de Navarra. Bels documentos lo presentan como conte d'Aragón. Baixo la dependencia de su pai, gubernaba lo condau d'Aragón en unión d'a suya mai a reina Urraca. Abda (Urraca) de Navarra "A Bascona", entregada a Almanzor, y que antis d'ingresar en un convento li dió un fillo, Abderramán "Sanchuelo".
Árbol chenealochico
Vinclos externos
Categoría:Contes d'Aragón Categoría:Dinastía Ximena Categoría:Reis de Navarra Categoría:994 (muertes)