Iste articlo ye sobre una cinta estausunidense de cine d'aventuras estrenada l'anyo 1963; ta atros usos, se veiga Rampage y Rampage (desambigación).

Rampage (títol orichinal en anglés, en aragonés Enrestida, estrenada en Aragón con o títol en castellano de Safari en Malasia, en aragonés Safari en Malaisia) ye una cinta de cine estausunidense de cine d'aventuras estrenada l'anyo 1963, dirichida por Phil Karlson seguntes un guión adaptau por Robert I. Holt y Marguerite Roberts (basau en Rampage, una novela que heba publicau Alan Caillou l'anyo 1961), con una banda sonora orichinal d'Elmer Bernstein, una dirección de fotografía de Harold Lipstein, una producción cinematografica de William Fadiman ta las productoras Seven Arts Production y Talbot Productions, Inc. y un elenco composau por Robert Mitchum, Elsa Martinelli, Jack Hawkins, Sabu, Cely Carrillo, Emile Genest, Stefan Schnabel, David Cadiente y Sylva Koscina, entre d'atros actors.

Un zoolochico alemán, o Wilhelm Zoo, li ufre a Otto Abbot, un conoixiu cazador, un treballo: ha de capturar una parella de tigres de Malaisia y tamién un raro eixemplar conoixiu como Embelecadora y que consiste en un hibrido entre tigre y leopardo. Otto decide contractar ta que colabore con él a Harry Stanton, un destacau trampero estausunidense, y decide marchar enta Malaisia tamién con Ana, una mesacha popiella italiana que vive con él dende que teneba nomás que 14 anyadas y que ye la suya amant. Bien luego prencipia una rivalidat entre toz dos hombres por Ana a la vegada que tamién por demostrar cual d'ixos dos hombres ye lo millor cazador. Lis cal contractar resacadors, pero los habitants d'a redolada no quieren colaborar dica que Stanton consigue plegar en un alcuerdo con éls en prometer-les que no fará servir armas. Pero nomás que han capturau a los dos tigres, Abbot creba l'alcuerdo en fer un trucazo. Con poca colaboración d'os nativos, troban a pista de l'Embelecadora y mientres l'intento de capturar-la Stanton salva la vida d'Otto, que cada vegada veye mas clarament que lo supera Staton. A tensión entre toz dos esclata cuan ya son en Europa y viachan en un ferrocarril enta lo zoolochico, cuan Otto libera a l'animal d'a suya gaviola ta que ataque a Stanton.

A cinta s'ambienta en a suya epoca actual (1963) en Alemanya y Malaisia y las suyas escenas se filmoron en o zoolochico de San Diego en San Diego (California) y en Hawaii. Localizacions de Rampage en Internet Movie Database.

Elenco Rampage en Internet Movie Database. {|class="wikitable sortable" style="font-size: 90%;"

! style="background:#ABD2D0;" | Actor ! style="background:#ABD2D0;" | Papel ! style="background:#ABD2D0;" | Notas

| ''

Se veiga tamién Cine en 1963. Cintas de 1963.

Referencias

Vinclos externos Rampage en Internet Movie Database. Rampage en TCM Movie. Rampage en l'American Film Institute Catalog de l'American Film Institute''.

Categoría:Cintas ambientadas en Alemanya Categoría:Cintas ambientadas en Malaisia Categoría:Cintas ambientadas en 1963 Categoría:Cintas con banda sonora orichinal d'Elmer Bernstein Categoría:Cintas con dirección de fotografía de Harold Lipstein Categoría:Cintas con guión de Marguerite Roberts Categoría:Cintas con guión de Robert I. Holt Categoría:Cintas con montache de Gene Milford Categoría:Cintas de cine d'aventuras Categoría:Cintas d'Estaus Unius Categoría:Cintas dirichidas por Phil Karlson Categoría:Cintas en anglés Categoría:Cintas en Technicolor Categoría:Cintas interpretadas por Cely Carrillo Categoría:Cintas interpretadas por David Cadiente Categoría:Cintas interpretadas por Elsa Martinelli Categoría:Cintas interpretadas por Emile Genest Categoría:Cintas interpretadas por Jack Hawkins Categoría:Cintas interpretadas por Robert Mitchum Categoría:Cintas interpretadas por Sabu Categoría:Cintas interpretadas por Stefan Schnabel Categoría:Cintas interpretadas por Sylva Koscina Categoría:Cintas producidas por William Fadiman Categoría:Cintas rodadas en Hawaii Categoría:Cintas rodadas en San Diego