O 4eno Rechimiento Acuirazau "Pavía" (en castellano Regimiento Acorazado "Pavía" n.º 4) ye un d'os cuatre rechimientos acuirazaus creyaus en a reorganización de l'Exercito de Tierra espanyol de 2016. Como os atros tres rechimientos, incluye un batallón d'infantería motorizada, o "Flandes" I/4, y un grupo de caballería acuirazau, os "Húsars d'a Princesa" II/4. En ista reorganización o Rechimiento "Pavía" quedó englobau en a 1era Brigada "Aragón"; previament yera un Rechimiento Luchero Acuirazau de Caballería englobau en l'agora disuelta 2nda Brigada de Caballería "Castillejos". O "Pavía" se creyó en 1684; mientres o sieglo XVIII estió un rechimiento de dragons y, dimpués de pasar por distintos institutos, fue convertiu en 1859 en un rechimiento d'húsars.
En aragonés existe o substantivo "pavía" con o significau de rucha u fanfulería, asinas como a locución "chitar pavía" que significa dar-se bamba u enfarrucar-se, os dos derivaus de l'actitut d'os húsars de Pavía.
Referencias
Categoría:Fuerzas armadas en Aragón Categoría:Unidaz de l'Exercito de Tierra d'Espanya