A Companyía d'Esquiadors Escaladors 1/64 (en castellano Compañía de Esquiadores Escaladores 1/64) ye una unidat de l'Exercito de Tierra d'Espanya adiestrada pa o combate en zonas montanyosas. Dica a reorganización de l'Exercito de Tierra de l'anyo 2015, estió a Companyía d'Esquiadors Escaladors d'a Chefatura de Tropas de Montanya n.º 1. Dende aquella reforma ista unidat se troba integrada en o 64eno Rechimiento de Cazadors de Montanya "Galicia", d'a 1era Brigada "Aragón". Orden DEF/166/2015, de 21 de enero, por la que se desarrolla la organización básica de las Fuerzas Armadas. Ministerio d'Esfensa. Boletín Oficial del Estado, numero 35, 10 de febrero de 2015. Pach. 10726-10746. Madrit
A suya antecesora estió a Companyía d'Esquiadors Escaladors de Vielha, que s'establió en l'anyo 1961 como Unidat Organica Divisionaria con a denominación de "Companyía d'Esquiadors Paracaidistas". Dica 1986 estió una unidat divisionaria porque no pendeba operativament de denguna atra menor que a División de Montanya "Urgel" 42-IV. O suyo primer capitán estió José de la Barrera Vicente, qui se fació cargo d'a Companyía EE en cumplimiento d'a Orden Cheneral n.º 365 de 31-12-63.
L'1 de chinero de 1987 pasa a decir-se 1era Companyía d'Esquiadors Escaladors, pendendo organicament d'a BRCZM XLI y administrativament d'o 62eno Rechimiento d'Infantería "Arapiles", y l'1 de chulio de 1996, por resolución 562/07546/96 d'Adaptacions Organicas, recibe o nombre de 1era Companyía d'Esquiadors-Escaladors, con dependencia organica d'a 1era BRCZM "Aragón" convertida en Chefatura de Tropas de Montanya en 2006. En aviento de l'anyo 2000 a Companyía EEE ye tresladada de Vielha enta a ciudat de Chaca, a on permaneixe en l'actualidat, constituyida por especialistas en esquí y escalada y caracterizada por a suya autonomía y movilidat pa executar misions independients y fundas en zonas d'alta montanya y de fredo extremo.
A Companyía d'Esquiadors Escaladors de Vielha se componía de cuatre seccions d'armas (tres de fusilers y una d'armas de refirme), una sección de machos y unatra de servicios.
Cada sección d'armas disponía d'una escuadra de metralladera luchera u mortero, y a sección d'armas de refirme yera formada por un pilotón de metralladeras, un de morters y atro de lanzagranadas. A sección de servicios se componía d'o personal de tropa encargau de cocinas, mantenimiento y intendencia en cheneral.
Actualment conta con una plana de mando de chicota grandaria y tres seccions d'esquiadors escaladors, integradas cadaguna d'ellas por tres pilotons y istos en dos escuadras. A unidat minima ye o binomio, encara que tamién s'organizan patrullas de tres miembros.
Referencias
Vinclos externos Asociación de Veteranos Esquiadores Escaladores de Viella. Historia d'a Companyía EE de Vielha.
Categoría:Fuerzas armadas en Aragón Categoría:Unidaz de l'Exercito de Tierra d'Espanya