A 43ena División estió una d'as divisions de l'Exercito Popular d'a Republica que s'organizoron mientres a Guerra Civil Espanyola sobre a base d'as Brigadas Mixtas, fendo parti de beluna d'as prencipals batallas d'a contienda.
Desplegada en o frent pirinenco, a unidat tenió un papel relevant mientres cuantas batallas que acayeixioron en iste sector. Alcanzaría una gran fama en a batalla d'a "Bolsa de Bielsa", mientres a cual a división resistió a presión enemiga de fuerzas muit superiors. Posteriorment fería parti d'as batallas de l'Ebro y Catalunya.
Historial d'operacions Fue establida en chunio de 1937, "Las rutas del exilio". Marc Ripol. Alhena ediciones. Barcelona, 2007. agrupando a las brigadas mixtas 72ena, 102ena y 130ena; quedó integrada en o X Cuerpo d'Exercito. Mientres buena parti d'a guerra sirvió en o Frent d'Aragón. O suyo primer comandant estió o tenient coronel Fernando Salavera Camps, oficial veterano d'a esfensa de Madrit.
Frent d'Aragón En zaguerías d'agosto una d'as brigadas d'a división —a 102ena BM— intervino en a ofensiva de Zaragoza, adintro de l'Agrupación «C». "Historia de las Brigadas mixtas del Ejército Popular de la República". Carlos Engel. Madrid: Almena, 1999. .
En setiembre estió a punta de lanza en a ofensiva sobre Sarrablo lanzada por l'Exercito Popular Republicano y que conquistó as localidaz altoaragonesas de Gavín, Biescas, Yosa de Sobremont, Aso de Sobremont, Arguisal y Acumuer, captuo a 350 soldaus franquistas en a Val de Tena y cuasi logra conquistar a industrial y estratechica localidat de Samianigo. Dica noviembre d'ixe mesmo anyo, a 43ena se desangró tractando de mantener o conquistau dica que os dos bandos, desainaus y con mas de 2.500 baixas en as filas gubernamentals y bella cosa menos en as franquistas, optoron por atricherar-se y rematar a batalla.
En zaguerías de 1937 a división, con cuartel cheneral en Boltanya, cubriba o frent que iba dende a muga francesa dica o río Guarga. "El frente de Aragón. La Guerra Civil en Aragón (1936–1938)". José M.ª Maldonado. Mira Editores, 2007. .
En marzo de 1938, a radiz d'a ofensiva franquista en o frent d'Aragón, a división se habió d'albandonar as suyas posicions. A desbandada d'a 31ena División deixó desprotechiu o flanco sur d'a 43enaDivisión, lo que obligaría a la unidat a recular-se enta a comarca uescana de Sobrarbe, quedando aislada d'a resta d'as fuerzas republicanas. Enta o 14 d'abril a división se fació fuerte en a val d'o río Cinca, amán d'a muga francesa y contra a sierra de Chía, en lo que se conoixe como a «Bolsa de Bielsa». Mientres ixos días destacó o papel d'o chefe d'a división, o mayor de Milicias Antonio Beltrán Casaña, que consiguió mantener alta a moral d'os soldaus.
Homenaches A División estió obchecto d'un primer homenache, efectuau por o Gubierno republicano, consistent en a emisión d'una serie de sellos.
Igualment, una placa en a cota 705 —situada en o termin municipal de lo Pinell de Brai (provincia de Tarragona)— recuerda a suya participación en a batalla de l'Ebro.
D'atra man, a 43ena ye mencionada u homenachada en dos cancions: Bajo dos tricolores, una canción de La Ronda de Boltaña incluyida en o suyo tercer disco, País de anochecida (2001). 43 Dibisión, una canción de Mallacán incluyida en o suyo tercer disco, País zierzo (2005).
Referencias
Categoría:Antigas unidaz militars d'Espanya Categoría:Exercito Popular d'a Republica