Eleca estió un bispe de Zaragoza entre os anyos 864 y 902.
A esferencia d'o suyo antecesor en a siella episcopal Senior, a qui os musulmans l'heban permitiu desarrollar a suya faina pastoral, Eleca fue desterrau de Zaragoza por istos, enfilando-se ta Oviedo, a on o rei Alifonso III d'Asturias teneba a suya cort.
Bels autors lo mencionan como bispe dende l'anyo 860 Catalogus antistitum Caesaraugustanorum, p. 9. u 864, Comentarios de las cosas de Aragón. Martín Carrillo y Jerónimo de Blancas, p. 116. pero historicament nomás consta dende a suya asistencia a o concilio d'Oviedo de l'anyo 872,Bels autors datan iste concilio en calendatas entre 898 y 900 (Francisco Antonio González: Colección de cánones de la iglesia española, vol. II, p. 36 y Gaspar Ibáñez de Segovia: Advertencias a la historia del P. Juan de Mariana, p. 98) y negan a suya existencia (Vicente de la Fuente: Historia eclesiástica de España, vol. II, pp. 102-103). dimpués d'o que le fuoron asignadas as rentas d'a ilesia de Santa María de Solís pa ganar-se a crosta.
También se trobó present en a consagración d'o monasterio d'o Salvador de Valdediós l'anyo 893 y en la d'a seu de Santiago de Compostela en l'anyo 899. A zaguera noticia conoixida sobre él data de l'anyo 902; s'ignora a calendata y puesto d'o suyo falleiximiento. España sagrada. Manuel Risco, vol. XXX, p. 216-217. Teatro histórico de las iglesias del reyno de Aragón. Lamberto de Zaragoza, tomo II, pp. 177-180.
No i hai noticias de que deixara escrita bella cosa, pero en primerías d'o sieglo XVII o chesuita Jerónimo Román de la Higuera composó bels fragmentos literarios atribuyius a Eleca, que fuoron incluyius como adicions a os falsos cronicons de Flavio Lucio Dextro y Marco Maximo. Flavi Luci Dextri V.C. Omnimodae historiae y por Francisco de Bivar: Continuatio chronici omnimodae historiae. Rodrigo Caro. A suya condición d'apocrifos quedó contrimostrada poco dimpués. Censura de historias fabulosas. Norte critico con las reglas mas ciertas para la discrecion en la historia. Nicolás Antonio y Jacinto Segura, pp. 260 y ss.
Referencias
Categoría:Bispes de Zaragoza