Stir of Echoes (títol orichinal en anglés, en aragonés Revuelta d'ecos, estrenada en Aragón con o títol en castellano d'El último escalón, en aragonés O zaguer retranco) ye una cinta de cine de terror de cine estausunidense estrenada l'anyo 1999, dirichida por David Koepp, con una banda sonora orichinal de James Newton Howard, una dirección de fotografía de Fred Murphy, una producción cinematografica de Judy Hofflund y Gavin Polone ta las productoras Cacophony Productions y Artisan Entertainment y un elenco d'o cual en fan parte, entre d'atros actors, Kevin Bacon, Kathryn Erbe, Zachary David Cope, Illeana Douglas, Jennifer Morrison, Liza Weil, Kevin Dunn y Lusia Strus.
Tom Witzky ye un treballador que vive en Chicago con su muller Maggie (que ye embarazada) y con su fillo chicot Jake. Encara que denguno no lo sabe, Jake poseye la capacidat de comunicar-se con os muertos. En una fiesta, Tom desafía a su cunyada ta que lo hipnotice, pero lo que denguno no sabe ye que ixa hipnosi feita baixo los efectos de l'alcol y en deteminadas circumstancias ubre la suya mente tamién a bella traza de comunicación con os muertos. En as visions d'o pai amanixe Samantha Kozac, una choven de nomás que 17 anyadas que desapareixió seis meses antis, cuan Tom y la suya familia encara no heban plegau en a casa en que viven, que ye de loguer. Casualment, contractan como horrera a una mesacha que ye la chirmana d'a desapareixida y ista escuita a Jake decir que charra con su chirmana. Tom tien a percepción de que su fillo ye en periglo y marcha dezaga d'a horrera, que leva a lo nino a charrar con a mai d'a desapareixida. Encara que Tom preba de protecher a su fillo, cada vegada li ye mas evident que la mesacha ha estau obchecto d'un crimen, y prencipia a escavar en o soterranyo d'a casa.
Stir of Echoes s'ambienta en a suya epoca actual (1999) en a ciudat de Chicago (Illinois) en os Estaus Unius y las suyas escenas se filmoron en Chicago y Joliet (Illinois). Localizacions de Stir of Echoes en Internet Movie Database.
Ye una cinta que ha recibiu bels premios y nominacions, encara que garra d'éls no perteneixe a los prmios cinematograficos mas conoixius u destacaus.
Elenco Stir of Echoes en Internet Movie Database. Actor Papel Notas ''''
Se veiga tamién Cine en 1999. Cintas de 1999.
Referencias
Vinclos externos Stir of Echoes en Internet Movie Database.
Categoría:Cintas ambientadas en Chicago Categoría:Cintas ambientadas en 1999 Categoría:Cintas con banda sonora orichinal de James Newton Howard Categoría:Cintas con dirección de fotografía de Fred Murphy Categoría:Cintas con guión de David Koepp Categoría:Cintas con montache de Jill Savitt Categoría:Cintas de cine de terror Categoría:Cintas d'Estaus Unius Categoría:Cintas dirichidas por David Koepp Categoría:Cintas en anglés Categoría:Cintas en castellano Categoría:Cintas en coreano Categoría:Cintas en Color by DeLuxe Categoría:Cintas en Panavision Categoría:Cintas interpretadas por Illeana Douglas Categoría:Cintas interpretadas por Jennifer Morrison Categoría:Cintas interpretadas por Kathryn Erbe Categoría:Cintas interpretadas por Kevin Bacon Categoría:Cintas interpretadas por Kevin Dunn Categoría:Cintas interpretadas por Liza Weil Categoría:Cintas interpretadas por Lusia Strus Categoría:Cintas interpretadas por Zachary David Cope Categoría:Cintas producidas por Gavin Polone Categoría:Cintas producidas por Judy Hofflund Categoría:Cintas rodadas en Chicago Categoría:Cintas rodadas en Joliet (Illinois)