A ilesia d'a Santisma Trinidat de Beguiellas d'el Cuervo ye un ilesia catolica construyida en zaguerías d'o sieglo XVIII en a localidat de Beguiellas d'el Cuervo, Aragón. Perteneixe a l'arcipestrau d'Albarracín en a diocesi de Teruel y Albarracín.
Historia Dica o sieglo XVIII Beguiellas d'el Cuervo yera «un grupo de pardinas que en lo eclesiastico pendeban d'a parroquia de lo Cuervo y en lo politico d'o condau de Fuents»: ditas pardinas conservan o nombre d'as suyas enruenas u paraches: «Casas del Paso», «El Saz», «La Serna». Dica a construcción d'o nuevo templo parroquial, as pardinas de Beguiellas se serviban pa os servicios relichiosos d'una ermita adedicada a la «Santisma Trinidat» -situada chunto a o fosal, amanada a la Fuent Viella-: «os moradors d'aquellas pardinas heban de proveyer d'o necesario» pa o mantenimiento d'o culto y os oficios. En ista situación permaneixió mientres tot o sieglo XVII, dica o punto que «en 1689, o rector de lo Cuervo pasaba a decir a misa a Beguiellas por pender d'a suya parroquia». "Las iglesias de la diócesis de Albarracín". César Tomás Laguía. Instituto de Estudios Turolenses de la Diputación Provincial de Teruel, revista TERUEL 32. Pach. 157-158. Imprenta Escuela Provincial, Teruel, 1964. ISSN 0210-3524
A situación cambió a partir d'o primer tercio d'o sieglo XVIII, cuan Beguiellas logró tener parroquia propia, a la par que independencia administrativa, encara que se desconoixen os decretos d'erección d'a suya parroquia. thumb|Detalle d'inscripción correspondient a la primera piedra d'a ilesia parroquial d'a Santisma Trinidat en Beguiellas d'el Cuervo (Teruel). Sieglo XVIII.
Seguntes consta en una piedra tallada –situada en l'anglo sud-oriental d'o templo, costau d'a epistola-, a primera piedra d'a nueva ilesia parroquial de Beguiellas d'el Cuervo se metió en zaguerías d'o primer tercio d'o sieglo XVIII –diz o texto-: «AQUÍ SE ASEN/ TO LA PRIMERA PI/ EDRA A 25 DE AB/ RIL DEL AÑO 1729». Veguillas de la Sierra, Teruel. Desde el Rincón de Ademuz. Alfredo Sánchez Garzón. 2017
O nuevo templo prenió o suyo títol d'a viella ermita, pasando a decir-se «ilesia parroquial d'a Santisma Trinidat»: l'antiga ermita perdió a suya primitiva advocación y pasó a nombrar-se como «ermita de Sant Marco», «Ilesia Viella» u simplament «a Ermita». A construcción d'o nuevo templo habió de producir-se de forma coetania con l'agrupamiento d'o poblamiento disperso d'as antigas pardinas que formaban «Beguiellas» u «as Beguiellas».
En zaguerías d'o sieglo XVIII (1795), consta que mosén Francisco Pérez -natural d'a vecina población de Bellestar (Teruel)-, establió una capellanía vitalicia en a ilesia parroquial de Beguiellas, metendo-la baixo l'advocación d'o «Santismo Cristo d'o Consuelo» y «Almas d'o Porgatorio».
A meyaus d'o sieglo XIX (1849), diz Madoz d'a existencia en Beguiellas d'una «igl., parr. (la Sma. Trinidad) servida por un cura de entrada y de provisión ordinaria», isto ye, por o bispe d'a diocesi. "Diccionario Geográfico-Estadístico-Histórico de España y sus posesiones de ultramar". Volumen XV. Pascual Madoz. Estudio Literario-Tipográfico de P. Madoz y L. Sagasti. Madrid, 1849
Mientres a Revolución Espanyola de 1936, o templo fue profanau y espullau -cremando o retablo y as imáchens-: a esferra corrió a cargo de milicianos d'a Columna Eixea-Uribe, a o mando de Manuel Eixea Vilar d'orientación comunista.
Descripción
Referencias
Vinclos externos
Pachina web d'o Cronista Oficial d'a Mancomunidat de municipios d'o Rincón d'Ademuz
Santisma Trinidat de Beguiellas d'el Cuervo Santisma Trinidat de Beguiellas d'el Cuervo Santisma Trinidat de Beguiellas d'el Cuervo Beguiellas d'el Cuervo Santisma Trinidat de Beguiellas d'el Cuervo Categoría:Molimentos de Beguiellas d'el Cuervo