Iste articlo ye sobre una cinta estausunidense de cine d'aventuras y acción de l'anyo 1999; ta atros usos, se veiga The Mummy y The Mummy (cinta).

The Mummy (títol orichinal en anglés, en aragonés A momia, estrenada en Aragón con o suyo títol traduciu enta lo castellano como La momia) ye una cinta de cine estausunidense de cine d'aventuras d'acción estrenada l'anyo 1999, dirichida por Stephen Sommers seguntes un guión adaptau por él mesmo (basau en una historia de Stephen Sommers, Lloyd Fonvielle y Kevin Jarre, basada a la vegada en o guión que ta la cinta de 1932 The Mummy heban escrito Nina Wilcox Putnam, Richard Schayer y John L. Balderston), con una banda sonora orichinal de Jerry Goldsmith, una dirección de fotografía d'Adrian Biddle, una producción cinematografica de James Jacks y Sean Daniel ta la productora cinematografica Alphaville Films y un elenco d'actors formau por Brendan Fraser, Rachel Weisz, John Hannah, Arnold Vosloo, Kevin J. O'Connor, Jonathan Hyde, Oded Fehr, Erick Avari, Stephen Dunham, Corey Johnson, Tuc Watkins, Omid Djalili, Aharon Ipalé, Bernard Fox y Patricia Velásquez, entre d'atros.

The Mummy recupera con cuantas variacions a historia contada en The Mummy (1932, Karl Freund) y ye l'orichen d'a clamada "Trolochía d'a momia", d'a cual en fan parte tamién The Mummy Returns (2001, Stephen Sommers) y The Mummy: Tomb of the Dragon Emperor (2008, Rob Cohen).

En a ciudat de Tebas en l'Antigo Echipto en l'anyo 1290 aC lo sacerdot Imhotep tien un romance con Anck-su-namun, que ye l'amant d'o faraón Seti I, y cuan iste descubre a la parella, Imhotep lo mata. En plegar os guardias d'o faraón, la mesacha se suicida, asperando que Imhotep la resucite, mientres que iste consigue fuyir y posteriorment, con aduya d'os suyos sacerdoz, recupera lo suyo cadavre y lo leva enta la Ciudat d'os Muertos ta prencipiar o ritual de resurrección, pero plegan os soldaus d'o faraón antis de completar-lo y los suyos sacerdoz son momificaus en vida y Imhotep ye maldeciu y condenau a estar apedacau vivo zarrau con insectos que mincharán a suya carne en vida. O problema ye que dimpués d'ixo, si Imhotep consguise resucitar, lo faría revestiu de grans poders y con gran capacidat de fer mal, asinas que los guardas d'o faraón se conchuran ta cosirar perpetuament a tomba d'Imhotep a traviés d'os suyos descendients. Sieglos dimpués, en 1926 en O Caire, Evelyn Carnahan treballa en un museu y su chirmano Jonathan li amuestra un mapa d'un fabuloso tresoro en a ciudat perdida de Hamunaptra (la Ciudat d'os Muertos, que ye a on ye apedacau Imhotep), mapa que robó a Rick O'Connell, un aventurero estausunidense que i heba estau fa anyos con os suyos soldaus d'a Lechión Forana a qui heba convenciu ta desertar y buscar o trasoro. Rick accepta fer-lis de guía pero se troban con que una expedición estausunidense marcha enta lo mesmo obchectivo, plegando finalmente toz dos grupos en a ciudat perdida a lo mesmo tiempo, encara que cada grupo excava por separau. Sindembargo ye Evelyn qui troba lo Libro d'os Muertos y en leyer-lo pronuncia las palabras que fan revivir a Imhotep.

The Mummy s'ambienta en Echipto en dos momentos diferents: en 1290 aC y en 1926, en iste zaguer caso en O Caire y en bels atros puestos d'o pais; as suyas escenas se filmoron en Marráquex (provincia de Marráquex), Erfoud (provincia d'Errachidia), Ouarzazate (provincia d'Ouarzazate) y atros puestos en Marruecos, en Arizona en os Estaus Unius y en Chatham (Kent), Mentmore (Buckinghamshire), Farnham (Surrey) y Londres en o Reino Uniu, amás d'en os Shepperton Studios en Shepperton (Surrey) en o Reino Uniu. Localizacions de The Mummy en Internet Movie Database.

A cinta ha recibiu cuantos premios y nominacions, en destacando una nominación a los Premios Oscar (Millor Soniu) en a suya 72ena edición y una nominación a los Premios BAFTA (Millors Efectos Especials) en a suya 53ena edición.

Elenco The Mummy en Internet Movie Database. {|class="wikitable sortable" style="font-size: 90%;"

! style="background:#ABD2D0;" | Actor ! style="background:#ABD2D0;" | Papel ! style="background:#ABD2D0;" | Notas

| ''

Se veiga tamién Cine en 1999. Cintas de 1999.

Referencias

Vinclos externos The Mummy en Internet Movie Database. The Mummy en TCM Movie. The Mummy en l'American Film Institute Catalog de l'American Film Institute''.

Categoría:Cintas ambientadas en Echipto Categoría:Cintas ambientadas en o Caire Categoría:Cintas ambientadas en 1290 aC Categoría:Cintas ambientadas en 1926 Categoría:Cintas con banda sonora orichinal de Jerry Goldsmith Categoría:Cintas con dirección de fotografía d'Adrian Biddle Categoría:Cintas con guión de Stephen Sommers Categoría:Cintas con montache de Bob Ducsay Categoría:Cintas con montache de Kelly Matsumoto Categoría:Cintas de cine d'acción Categoría:Cintas de cine d'aventuras Categoría:Cintas d'Estaus Unius Categoría:Cintas dirichidas por Stephen Sommers Categoría:Cintas en anglés Categoría:Cintas en arabe Categoría:Cintas en chinés Categoría:Cintas en luengas echipcias Categoría:Cintas en hebreu Categoría:Cintas en hongaro Categoría:Cintas en Color by DeLuxe Categoría:Cintas en Panavision Categoría:Cintas interpretadas por Aharon Ipalé Categoría:Cintas interpretadas por Arnold Vosloo Categoría:Cintas interpretadas por Bernard Fox Categoría:Cintas interpretadas por Brendan Fraser Categoría:Cintas interpretadas por Corey Johnson Categoría:Cintas interpretadas por Erick Avari Categoría:Cintas interpretadas por John Hannah Categoría:Cintas interpretadas por Jonathan Hyde Categoría:Cintas interpretadas por Kevin J. O'Connor Categoría:Cintas interpretadas por Oded Fehr Categoría:Cintas interpretadas por Omid Djalili Categoría:Cintas interpretadas por Patricia Velásquez Categoría:Cintas interpretadas por Rachel Weisz Categoría:Cintas interpretadas por Stephen Dunham Categoría:Cintas interpretadas por Tuc Watkins Categoría:Cintas producidas por James Jacks Categoría:Cintas producidas por Sean Daniel Categoría:Cintas rodadas en Arizona Categoría:Cintas rodadas en Chatham (Kent) Categoría:Cintas rodadas en Erfoud Categoría:Cintas rodadas en Farnham Categoría:Cintas rodadas en Londres Categoría:Cintas rodadas en Marráquex Categoría:Cintas rodadas en Marruecos Categoría:Cintas rodadas en Mentmore Categoría:Cintas rodadas en Ouarzazate Categoría:Cintas rodadas en Shepperton