Stefan Banach (; 30 de marzo de 1892 en Cracovia, Imperio Austrohongaro agora Polonia - † 31 d'agosto de 1945 en Lviv, Unión Sovietica - ocupato por Polonia), estió un matematico polaco, uno d'os destacatos d'a Lwów School of Mathematics en a Polonia previa a la guerra. Estió un autodidacta en matematicas; o suyo talento estió descubierto accidentalment por Juliusz Mien y posteriorment por Hugo Steinhaus.
Cuan a Segunda Guerra Mundial prencipió, Banach yera o president d'a Sociedat Matematica Polaca y profesor en a Universidat de Lviv. yera un miembro de l'Academia d'as Ciencias d'a Republica Socialista Sovietica d'Ucraína, y por atra parti teneba una buenas relacions con os matematicos sovieticos, y consiguió permaneixer en o suyo cargo atamas d'a ocupación sovietica, dende 1939, d'a ciudat. Banach sobrevivió a posterior ocupación alemana dende chulio de 1941 dica febrero de 1944, ganando-se a vida alimentando un pegollo con a suya sangre ta o Instituto d'Investigación sobre o Tifus d'o profesor Rudolf Weigl. A suya salut empioró mientres a ocupación, y desembolicó un cáncer de polmón. Dezaga la guerra, Lviv s'incorporó a la Unión Sovietica, y Banach morió astí antis de que podese ser repatriato ta Cracovia, Polonia. Ye apedecato en o Fosal Lychakibskiy.
Obra Théorie des opérations linéaires (Teoria operacji liniowych, 1932) ye considerata a obra mas important de Banach. I formuló lo concepto agora conoixito como Espacio de Banach, y contrimostró muitos teoremas fundamentals de l'analís funcional. Tamién creyó y editó a revista Studia Mathematica.
Antimás de estar uno d'os creyadors de l'analís funcional, Banach tamién fació contrebucions importants a la teoría d'a meya, teoría de conchuntos, y atras brancas d'as matematicas.
Se veiga tamién Espacio de Banach Paradoxa de Banach-Tarski Teorema d'o punto fixo de Banach
Vinclos externos Théorie des opérations linéaires Traducción de 1932. Archivo d'a historia d'as matematicas MacTutor Articlo sobre Stefan Banach.
Categoría:Matematicos de Polonia Categoría:Muertos en Lviv Categoría:Naixius de Cracovia Categoría:1892 (naixencias) Categoría:1945 (muertes)