A casa d'a villa de Bielsa ye un edificio civil que fa as funcions de casa d'a villa d'a localidat de Bielsa (Sobrarbe, Aragón) estando a seu d'o Concello de Bielsa.
Historia Seguntes a documentación conservada, l'edificio se construyió entre 1585 y 1589, con trazas de Sandoval d'Iciar y Pedro Rodet.
En 1938 fue bombardeyau por l'exercito franquista y o suyo interior resultó estricallau de tot, estando reconstruyiu en 1942 por a Dirección Cheneral de Rechions Devastadas, en una obra que reproduce parcialment a distribución interior orichinal. Ayuntamiento fortificado de Bielsa. Cultura d'Aragón
En 1982 s'inauguró en l'interior d'a casa d'a villa o Museo de Bielsa, cuals succesivas remodelacions y ampliacions han supuesto cuantas obras de condicionamiento interior de l'edificio.
Descripción Ye situada en a plaza d'a villa y la ocupa en toda a suya largaria. De planta rectangular, ye construyida en piedra enlucida y piedra picada pa a parti baixa y vértices. Poseye en a suya parti inferior un espacio delimitau por arcos que forman una loncha enta a plaza. En a frontera, en a suya planta noble, poseye tres vanos entre os que destaca a finestra central adintelada y rica talla en piedra. En a planta inmediatament superior destacan atras cuatre finestras pa rematar-se l'edificio con un rafe de fusta de vuelo curto.
O carácter defensivo-militar s'observa tamién en o suyo sobrebueno garitón renaixentista situau en o estremo dreito de l'edificio. LOMBA SERRANO, Concha. La casa consistorial en Aragón. Siglos XVI y XVII. Zaragoza: Diputación General de Aragón, 1989.
Referencias
Vinclos externos Casa consistorial - Bielsa. SIPCA
Categoría:Biens d'Intrés Cultural de Sobrarbe Bielsa Categoría:Concello de Bielsa Categoría:Molimentos de Bielsa