Iste articlo ye sobre una cinta de cine britanico de cine d'aventuras; ta atros usos, se veiga The Black Rose (desambigación).
The Black Rose (títol orichinal en anglés, en aragonés A rosa negra, estrenada en Aragón con o suyo títol traduciu entar lo castellano como La rosa negra) ye una cinta de cine britanico de cine d'aventuras estrenada l'anyo 1950, dirichida por Henry Hathaway seguntes un guión adaptau por Talbot Jennings (basau en a novela The Black Rose que ha publicau Thomas B. Costain en 1945), con una banda sonora orichinal de Richard Addinsell, una dirección de fotografía de Jack Cardiff y una producción cinematografica de Louis D. Lighton ta la productora cinematografica 20th Century-Fox Film Productions. Fan parte de l'elenco d'a cinta, entre d'atros, os actors Tyrone Power, Orson Welles, Cécile Aubry, Jack Hawkins, Michael Rennie, Finlay Currie, Herbert Lom, Mary Clare, Robert Blake, Alfonso Bedoya, Gibb McLaughlin, James Robertson Justice, Henry Oscar y Laurence Harvey.
Walter de Gurnie vive en o reino d'Anglaterra de finals d'o sieglo XIII mientres o reinau d'Eduardo I d'Anglaterra. Ye d'orichen anglo-saxón y ye fillo ilechitimo d'o conte de Lessford, que ha falleixiu. Ye estudiando en a Universidat d'Oxford y torna en a casa d'a familia ta lectura d'o testamento, trobando-se con que su pai nomás li ha deixau que unas botas encara que ye conscient de l'amor de su pai que las li ha deixau. Tanimientres, a vidua d'o conte, que ye d'orichen normanda, prene hostaches en previsión de disturbios provocaus por os saxons, u Walter colabora en a suya liberación, veyendo-se obligau a fuyir en estar reconoixiu. Alavez, en companyía d'o suyo amigo Tristram Griffen, un arquero tamién saxón, marcha enta Orient con l'obchectivo de fer fortuna en China, unendo-se a una caravana que marcha enta China con regalos ta Kublai Khan. A caravana se troba baixo la protección de Bayan de Baarin, un cheneral mogol que bien luego s'intresa por dos cosas: as conoixencias de Walter y l'habilidat en l'emplego de l'arco (y d'o mesmo arco, un arco largo anglés) por Tristram. Antiparte, a los dos amigos s'adhibe Maryam, una mesacha mestiza (ye filla d'un anglés) que deseya que la leven con éls enta Anglaterra, encara que Walter no piensa ni en a mesacha ni en tornar en Anglaterra, y prefiere fer amistat con Bayan, aduyar-lo en as actividaz belicas y aprender d'él aspectos relativos a la ciencia belica.
A cinta s'ambienta en o sieglo XIII en Anglaterra y China y las suyas escenas se filmoron en Warwick (Warwickshire) y Maidstone y atros puestos de Kent y en puestos de Sussex de l'Este en o Reino Uniu y Casablanca (rechión de Casablanca-Settat), Ouarzazate (rechión de Drâa-Tafilalet), Marráquex (rechión de Marráquex-Safi) y Meknès (rechión de Fès-Meknès) en Marruecos, amás d'en os London Film Studios en Shepperton (Surrey), tamién en o Reino Uniu. Localizacions de The Black Rose en Internet Movie Database.
The Black Rose ha recibiu bels premios y nominacions, en destacando una nominación a los Premios Oscar, en a categoría de Millor Disenyo de Vestuario en Color, en a 23ena edición de ditos premios.
Elenco The Black Rose en Internet Movie Database. Actor Papel Notas ''''
Se veiga tamién Cine en 1950. Cintas de 1950.
Referencias
Vinclos externos The Black Rose en Internet Movie Database. The Black Rose en TCM Movie.
Categoría:Cintas ambientadas en Anglaterra Categoría:Cintas ambientadas en China Categoría:Cintas ambientadas en o sieglo XIII Categoría:Cintas con banda sonora orichinal de Richard Addinsell Categoría:Cintas con dirección de fotografía de Jack Cardiff Categoría:Cintas con guión de Talbot Jennings Categoría:Cintas con montache de Manuel del Campo Categoría:Cintas de cine d'aventuras Categoría:Cintas d'o Reino Uniu Categoría:Cintas dirichidas por Henry Hathaway Categoría:Cintas en anglés Categoría:Cintas en Technicolor Categoría:Cintas interpretadas por Alfonso Bedoya Categoría:Cintas interpretadas por Cécile Aubry Categoría:Cintas interpretadas por Finlay Currie Categoría:Cintas interpretadas por Gibb McLaughlin Categoría:Cintas interpretadas por Henry Oscar Categoría:Cintas interpretadas por Herbert Lom Categoría:Cintas interpretadas por Jack Hawkins Categoría:Cintas interpretadas por James Robertson Justice Categoría:Cintas interpretadas por Laurence Harvey Categoría:Cintas interpretadas por Mary Clare Categoría:Cintas interpretadas por Michael Rennie Categoría:Cintas interpretadas por Orson Welles Categoría:Cintas interpretadas por Robert Blake Categoría:Cintas interpretadas por Tyrone Power Categoría:Cintas producidas por Louis D. Lighton Categoría:Cintas rodadas en Casablanca Categoría:Cintas rodadas en Kent Categoría:Cintas rodadas en Maidstone Categoría:Cintas rodadas en Marráquex Categoría:Cintas rodadas en Meknès Categoría:Cintas rodadas en Ouarzazate Categoría:Cintas rodadas en Shepperton Categoría:Cintas rodadas en Sussex de l'Este Categoría:Cintas rodadas en Warwick