No entivocar-se con a ilesia parroquial de Santa Ana de Zaragoza.
O convento Noviciau de Santa Ana de Zaragoza ye un convento d'as Chirmanas d'a Caridat de Santa Ana situau en a ciudat de Zaragoza (Aragón).
Historia A congregación de Chirmanas d'a Caridat de Santa Ana naixe de Zaragoza o 28 d'aviento de 1804, con a plegada ta o Hespital Reyal y Cheneral de Nuestra Sinyora de Gracia de mosén Juan Bonal y a mai Maria Ràfols chunto con once monchas mas. Un sieglo dimpués, en 1905, l'arquitecto Julio Bravo Folch dirichirá as obras de construcción de l'actual convento noviciau en os terrenos perteneixients a la orden mugants con a Reyal Casa de Misericordia.
Descripción Ye una edificación simetrica formada por dos alas laterals que son perpendiculars a la carrera y que flanquian a la ilesia, que ye a parti mas important d'o conchunto arquitectonico. Con bells elementos que recordan a la ilesia d'as Siervas de María, obra d'o mesmo arquitecto situada en o paseyo de Sagasta de Zaragoza, en iste caso se tracta d'un disenyo mas rico y complexo.
O estilo d'a ilesia ye neomedieval, con referencias a las formas romanicas destacando-ie a presencia d'arcos de meyo punto, os arquillos ciegos d'inspiración lombarda u as bandas verticals fendo de contrafuertes. A mayoría de detalles ornamentals de l'interior d'o templo s'inspiran manimenos en l'arte gotico.
As dependencias conventuals y d'o noviciau se troban en dos pabillons situaus a os dos costaus d'a ilesia y deseparaus y retranquiaus respecto a ista. Un atra ala transversal a tot o conchunto y encara mas retranquiada fa d'unión y comunicación de toz os edificios d'o convento.
Vinclos externos Ficha d'o Concello de Zaragoza En Zaragoza. Arquitectura. Siglo XX
Ana, Sant Ana de Zaragoza Ana de Zaragoza Ana de Zaragoza Ana de Zaragoza Categoría:Ilesias neomedievals d'Aragón Categoría:Ilesias d'Aragón adedicadas a santa Ana