Iste ye un articlo sobre una cinta espanyola de cine de comedia musical romantica de l'anyo 1967; ta atros usos, se veiga Los chicos con las chicas.
Los chicos con las chicas (títol orichinal en castellano, en aragonés Os mesaches con as mesachas, estrenada en Aragón con o suyo títol orichinal) ye una cinta de cine espanyol de cine de comedia musical romantica estrenada l'anyo 1967, dirichida por Javier Aguirre Fernández seguntes un guión orichinal de Juan Cobos, Francisco Prósper y Carlos Muñiz, con una banda sonora orichinal d'Adolfo Waitzman, una dirección de fotografía de Rafael de Casenave y una producción cinematografica ta las productoras Estela Films y Estudios Moro. Conta con un elenco d'actors formau por Los Bravos, Enriqueta Carballeira, Rafaela Aparicio, José Luis Coll, Irán Eory, Lola Gaos, Manolo Gómez Bur, Conchita Goyanes, Guadalupe Muñoz Sampedro, María Luisa Ponte, Tina Sáinz, Luis Sánchez Polack, Laly Soldevila y Pilar Velázquez, entre d'atros. Ye una cinta pensada como vehiclo publicitario d'o grupo musical de musica pop Los Bravos, y lo títol d'a cinta ye lo mesmo que lo d'una d'as suyas cancions mas populars en ixas envueltas, Los chicos con las chicas.
Mike, lo líder d'o grupo Los Bravos, creye que amenista un tiempo ta pensar sobre la suya relación con a suya novia, y amás o "manager" d'o grupo lis demana un reposo antis d'una chira mundial que ha de fer o grupo, asinas que marchan enta lo campo ta acampar n soledat en a montanya. Troban un puesto agradable a lo canto d'un río, pero bien luego un grupo de mesachas pasan cantando amán d'éls. As mesachas son internas en un colechio d'a redolada, y Mike ha quedau enamorau d'una d'as mesachas, Elisa , qui tamién s'ha enamorau d'él. Mike decide entrar subrepticiament en o colechio y cuan lo fa troba a lo fillo d'o fundador d'o colechio, qui li explica que l'herencio de su pai ha quedau en mans d'una chunta de mullers que dirichen o colechio y que él nomás tien dreito que a vivienda y a birolla, pero que lo suyo papel ye nulo en a escuela. Tanimientres, consigue que contracten a Mike como profesor de musica en o colechio. Os suyos amigos preban de dentrar-ie tamién, pero lis ye vedada la entrada en estar hombres porque las mullers que controlan a escuela nomás permiten l'acceso que de mullers y ya han feito prou excepcions en haber permitiu la contractación de Mike.
Los chicos con las chicas s'ambienta en Madrit en a suya epoca actual (1967) y las suyas escenas se filmoron en Galapagar y Madrit (Comunidat de Madrit). Localizacions de Los chicos con las chicas en Internet Movie Database.
Elenco Los chicos con las chicas en Internet Movie Database. Actor Papel Notas ''''
Se veiga tamién Cine en 1967. Cintas de 1967.
Referencias
Vinclos externos Los chicos con las chicas en Internet Movie Database. Los chicos con las chicas en FilmAffinity.
Categoría:Cintas ambientadas en Madrit Categoría:Cintas ambientadas en 1967 Categoría:Cintas con banda sonora orichinal d'Adolfo Waitzman Categoría:Cintas con dirección de fotografía de Rafael de Casenave Categoría:Cintas con guión de Carlos Muñiz Categoría:Cintas con guión de Francisco Prósper Categoría:Cintas con guión de Juan Cobos Categoría:Cintas con montache de Mercedes Alonso Categoría:Cintas de cine de comedia Categoría:Cintas de cine musical Categoría:Cintas de cine de romance Categoría:Cintas d'Espanya Categoría:Cintas dirichidas por Javier Aguirre Fernández Categoría:Cintas en castellano Categoría:Cintas en Eastmancolor Categoría:Cintas interpretadas por Concha Goyanes Categoría:Cintas interpretadas por Enriqueta Carballeira Categoría:Cintas interpretadas por Guadalupe Muñoz Sampedro Categoría:Cintas interpretadas por Irán Eory Categoría:Cintas interpretadas por José Luis Coll Categoría:Cintas interpretadas por Laly Soldevila Categoría:Cintas interpretadas por Lola Gaos Categoría:Cintas interpretadas por Los Bravos Categoría:Cintas interpretadas por Luis Sánchez Polack Categoría:Cintas interpretadas por Manolo Gómez Bur Categoría:Cintas interpretadas por María Luisa Ponte Categoría:Cintas interpretadas por Pilar Velázquez Categoría:Cintas interpretadas por Rafaela Aparicio Categoría:Cintas interpretadas por Tina Sáinz Categoría:Cintas rodadas en Galapagar Categoría:Cintas rodadas en Madrit