A ilesia de Sant Vicent o Reyal es una ilesia d'a ciudat de Uesca. Situada en o puesto a on yera a medieval ilesia de Sant Vicent o Baixo, perteneixió a la Companyía de Chesús dende a suya instalación en a ciudat dica a suya expulsión en 1767.

Historia A ilesia de Sant Vicent o Baixo, situada chunto a una d'as puertas de dentrada a la ciudat, fue construyida en zaguerías d'o sieglo XIII y perteneixió a os chesuitas mientres cuatre sieglos, estando popularment conoixida como ilesia d'a Companyía. A tradición uescana situa en iste mesmo puesto a casa d'os pais de sant Vicent, Eutiquio y Enola, a on naixería o propio mártir. Historia y Ruta histórica de San Vicente en Huesca. Huesca la Magia

En l'anyo 1725 s'atorgó a licencia pa a construcción de l'actual ilesia, encara que as obras pa meter os alacez no prencipioron dica 1730. As obras d'a ilesia s'iniciarían baixo o mando de l'arquitecto José Sofí, qui heba construyiu as ermitas de Nuestra Sinyora de Salas y Nuestra Sinyora de Cillas, asinas como a ilesia parroquial de Bandaliés y a ilesia d'o castiello de Mont Aragón, todas ellas en a redolada de Uesca. Succesivament tamién facioron parti d'as obras os arquitectos chesuitas Tomás Moreno y José Galván.

A decoración escultorica d'o templo estió obra d'o tamién chesuita Pablo Diego Ibáñez, qui ya heba treballau en a ilesia de Sant Carlos Borromeu de Zaragoza. A consagración d'a ilesia se fació en l'anyo 1742. Dimpués d'estar forachitaus os chesuitas en 1767 se sacó o escudo d'a companyía con os anagramas de Chesús y María d'a frontera y se metió l'emblema reyal de Carlos III.

As zagueras obras d'esvielle d'a ilesia se facioron en 2009 seguido un prochecto de l'arquitecto Joaquín Naval Mas.

Descripción Construyida en ladriello, se tracta d'una ilesia d'una sola nau con planta de cruz latina inscrita en un rectanglo formau por as capiellas laterales y a sagristía, que ye situada dezaga d'a suya cabecera.

Referencias

Vinclos externos

En a web d'o SIPCA En Huesca Turismo

Categoría:Ilesias de Uesca Categoría:Ilesias d'a provincia de Uesca Categoría:Ilesias barrocas d'Aragón Categoría:Ilesias catolicas romanas d'Aragón Categoría:Ilesias no parroquials d'a diocesi de Uesca Categoría:Ilesias d'a Plana de Uesca Uesca