Iste articlo ye sobre una cinta de cine d'intriga d'acción coproducida por o cine estausunidense y cuantos cines esuropeus y estrenada en 2017; ta atros usos, se veiga Renegades y Renegades (cinta).
Renegades (títol orichinal en anglés, en aragonés Renegaus, estrenada en Aragón con o suyo títol traduciu enta lo castellano como Renegados) ye una cinta de cine d'intriga d'acción estrenada en 2017, coproducida por o cine francés, o cine alemán, o cine belga, lo cine estausunidense, lo cine maltés, o cine croata y lo cine neerlandés, dirichida por Steven Quale seguntes un guión orichinal de Luc Besson y Richard Wenk, una dirección de fotografía de Brian Pearson, una banda sonora orichinal d'Éric Serra y una producción cinematografica de Luc Besson y Raphaël Benoliel ta las productoras EuropaCorp y Studio Babelsberg. Fan parte de l'elenco d'actors d'a cinta, entre d'atros, Sullivan Stapleton, Charlie Bewley, Alain Blažević, Sylvia Hoeks, Joshua Henry, Andrej Dojkić, Diarmaid Murtagh, Dimitri Leonidas, Clemens Schick, Ewen Bremner y J. K. Simmons.
Cuan en agosto de 1944 las tropas aliadas son rematando la operación Overlord y prencipian o suyo abance enta París, os mandos d'a Wehrmacht d'o Tercer Reich deciden tresladar enta territorio alemán 25 toneladas de lingotes d'oro que han robau mientres a suya ocupación de Francia ta evitar que los pillen os aliaus. Fan o treslau de l'oro dica Bosansko Grahovo, en l'actual Bosnia y Herzegovina, a on dipositan l'oro en cambra de seguridat d'un banco d'o lugar, ta dimpués asasinar a toz os suyos habitants. Nomás se salva un nino a qui su mai ha feito fuyir en plegar os alemans, y a qui troban os partisanos d'a resistencia yugoslava. Anyos dimpués, en 1995 mientres a guerra de Bosnia y Herzegovina, un equipo d'os United States Navy SEALs que fan servir o disvraz de periodistas executan una operación ta capturar a lo cheneral Milić, dirichent d'os serbobosnios y responsable de greus crímens de guerra, encara que cuan fuyen lo fan en un tanque y provocan danyos en a ciudat. Reprendius por o suyo chefe por ixo, lis dan tres días de permiso. Un d'os miembros de l'equipo, Stanton Baker, tien una relación con una cambrera local, Lara, y pasa la nueit con ella. De maitinada, dentra en a casa una colla de farutes lideraus por o chirmano de Lara que desichen bella cosa a la mesacha. Se salvan cuan plega Matt Barnes, lo chefe de l'equipo de Navy SEALs y alavez Lara explica que ye la nieta d'ixe nino que heba conseguiu fuyir d'o pueblo, que lo nino heba conseguiu amagar un lingote d'oro antes de que lo trobasen os partisanos y que dimpués d'a mortalera feita por os alemans heban sepultau o lugar baixo las auguas. Finalment a mesacha lis proposa que l'aduyen a rescatar l'oro submerchiu y que por ixo recibirán una part de l'oro, destinando-se l'atra a finaniar a reconstricción de Bosnia y Herzegovina dimpués d'a guerra. O problema ye que l'oro se troba en territorio serbobosnio controlau por Petrović, lo segundo a lo mando d'o cheneral que heban secuestrau y que a fixau un pre a la cabeza de l'equipo.
A cinta s'ambienta en dos momentos diferents, en 1944 en París y Bosansko Grahovo y en 1995 en Sarajevo, Bosansko Grahovo y atros puestos de Bosnia y Herzegovina, y las suyas escenas se filmoron en Zagreb (condau de Zagreb), Karlovac y Ogulin (condau de Karlovac) y Lokve (condau de Primorje-Gorski Kotar) en Croacia, en Hum (cantón de Bosnia Central) en Bosnia y Herzegovina y en Malta, amás d'en os AED Studios NV en Lint (provincia d'Anvers) en Belchica, lo Studio Babelsberg en Potsdam (Brandemburgo) en Alemanya y los Malta Film Studios en Kalkara en Malta. Localizacions de Renegades en Internet Movie Database.
Elenco Renegades en Internet Movie Database. Actor Papel Notas ''''
Se veiga tamién Cine en 2017. Cintas de 2017.
Referencias
Vinclos externos Renegades en Internet Movie Database. Renegades en Metacritic.
Categoría:Cintas ambientadas en Bosansko Grahovo Categoría:Cintas ambientadas en Bosnia y Herzegovina Categoría:Cintas ambientadas en París Categoría:Cintas ambientadas en Sarajevo Categoría:Cintas ambientadas en 1944 Categoría:Cintas ambientadas en 1995 Categoría:Cintas con banda sonora orichinal d'Éric Serra Categoría:Cintas con dirección de fotografía de Brian Pearson Categoría:Cintas con guión de Luc Besson Categoría:Cintas con guión de Richard Wenk Categoría:Cintas con montache de Florent Vassault Categoría:Cintas de cine d'acción Categoría:Cintas de cine d'intriga Categoría:Cintas d'Alemanya Categoría:Cintas de Belchica Categoría:Cintas de Croacia Categoría:Cintas d'Estaus Unius Categoría:Cintas de Francia Categoría:Cintas de Malta Categoría:Cintas d'os Países Baixos Categoría:Cintas dirichidas por Steven Quale Categoría:Cintas en alemán Categoría:Cintas en anglés Categoría:Cintas en serbocroata Categoría:Cintas interpretadas por Alain Blažević Categoría:Cintas interpretadas por Andrej Dojkić Categoría:Cintas interpretadas por Charlie Bewley Categoría:Cintas interpretadas por Clemens Schick Categoría:Cintas interpretadas por Diarmaid Murtagh Categoría:Cintas interpretadas por Dimitri Leonidas Categoría:Cintas interpretadas por Ewen Bremner Categoría:Cintas interpretadas por J. K. Simmons Categoría:Cintas interpretadas por Joshua Henry Categoría:Cintas interpretadas por Sullivan Stapleton Categoría:Cintas interpretadas por Sylvia Hoeks Categoría:Cintas producidas por Luc Besson Categoría:Cintas producidas por Raphaël Benoliel Categoría:Cintas rodadas en Hum (Bugojno) Categoría:Cintas rodadas en Kalkara Categoría:Cintas rodadas en Karlovac Categoría:Cintas rodadas en Lint Categoría:Cintas rodadas en Lokve (Croacia) Categoría:Cintas rodadas en Malta Categoría:Cintas rodadas en Ogulin Categoría:Cintas rodadas en Potsdam Categoría:Cintas rodadas en Zagreb Categoría:Cintas sobre a Guerra de Bosnia y Herzegovina