Iste articlo ye sobre una cinta estausunidense de drama d'aventuras estrenada en 1965; ta atros usos, se veiga The Flight of the Phoenix y The Flight of the Phoenix (cinta).

The Flight of the Phoenix (títol orichinal en anglés, en aragonés O vuelo d'o Phoenix, estrenada en Aragón con o suyo títol traduciu enta lo castellano como El vuelo del Fénix) ye una cinta de cine estausunidense de cine de drama d'aventuras estrenada l'anyo 1965, dirichida por Robert Aldrich seguntes un guión adaptau por Lukas Heller (basau en a novela The Flight of the Phoenix, que heba publicau Elleston Trevor l'anyo 1965), con una banda sonora orichinal de Frank De Vol, una dirección de fotografía de Joseph Biroc y una producción cinematografica de Robert Aldrich ta la productora cinematografica The Associates & Aldrich Company. Fan parte de l'elenco d'a cinta, entre d'atros actors, James Stewart, Richard Attenborough, Peter Finch, Hardy Krüger, Ernest Borgnine, Ian Bannen, Ronald Fraser, Christian Marquand, Dan Duryea, George Kennedy, Gabriele Tinti, Alex Montoya, Peter Bravos, William Aldrich y Barrie Chase.

Frank Towns ye lo piloto d'un avión de transporte Fairchild C-82 Packet que marcha dende Jaghbub en o disierto de Libia dica Bengasi, en Libia, cuan una tormenta d'arena los fa fer una aterrizada forzada fuera de garra pista d'aterrizache, quedando l'avión danyau. Os pasacheros son o capitán Harris y lo sarchento Watson de l'exercito britanico, o doctor Renaud, francés, l'alemán Heinrich Dorfmann, un incheniero aeronautico, Standish, un contable d'una empresa petrolifera y bels treballadors mas d'ixa empresa, Trucker Cobb, un capotaz con problemas de tensión nervosa, Ratbags Crow, un escocés banfollero, Carlos con o suyo mono, y Gabriele. En l'accident mueren dos treballadors y Gabriele queda feriu en una garra. O problema ye que l'avión ye inutilizau, a radio no funciona, son luent d'a suya rota y ta minchar nomás tienen que una gran cantidat de dátils ixutos. O capitán Harris marcha ta buscar un oasi encara que Watson fa creyer que no puet acompanyar-lo por una falsa lesión, acompanyau por Carlos, y Cobb, a qui no deixan marchar con éls por a suya inestabilidat, aproveita la nueit ta seguir-los pero muere de frío en o disierto. Días dimpués torna Harris solo, en bien mal estau. En ixe inte, l'incheniero alemán proposa construyir un avión reduciu en emplegando as partes de l'avión accidentau, dabant de l'escepticismo de Towns, que heba estau piloto mientres a Segunda Guerra Mundial, complicando-se encara mas cuan descubre que l'incheniero alemán mai no ha construyiu un avión real como toz creyeban, porque en realidat nomás fa que disenyar avions d'aeromodelismo.

The Flight of the Phoenix s'ambienta en a suya epoca actual (1965) en Libia y las suyas escenas se filmoron en o campo d'aviación Knob, d'o United States Army, y atros puestos de California y en Yuma en Arizona. Localizacions de The Flight of the Phoenix en Internet Movie Database.

Se tracta d'una cinta que ha recibiu bels premios y nominacions, en destacando dos nominacions a los Premios Oscar (Millor Actor Segundario y Millor Montache) en a suya 38ena edición, y tres nominacions a los Premios Globos d'Oro (Millor Cinta Dramatica, Millor Actor Segundario y Millor Estrela Emerchent Masculina) en a suya 23ena edición.

Elenco The Flight of the Phoenix en Internet Movie Database. {|class="wikitable sortable" style="font-size: 90%;"

! style="background:#ABD2D0;" | Actor ! style="background:#ABD2D0;" | Papel ! style="background:#ABD2D0;" | Notas

| ''

Se veiga tamién Cine en 1965. Cintas de 1965.

Referencias

Vinclos externos The Flight of the Phoenix en Internet Movie Database. The Flight of the Phoenix en Rotten Tomatoes. The Flight of the Phoenix en TCM Movie. The Flight of the Phoenix en l'American Film Institute Catalog de l'American Film Institute''.

Categoría:Cintas ambientadas en Libia Categoría:Cintas ambientadas en 1965 Categoría:Cintas con banda sonora orichinal de Frank De Vol Categoría:Cintas con dirección de fotografía de Joseph Biroc Categoría:Cintas con guión de Lukas Heller Categoría:Cintas con montache de Michael Luciano Categoría:Cintas de cine d'aventuras Categoría:Cintas de cine de drama Categoría:Cintas d'Estaus Unius Categoría:Cintas dirichidas por Robert Aldrich Categoría:Cintas en anglés Categoría:Cintas en arabe Categoría:Cintas en italiano Categoría:Cintas en Color by DeLuxe Categoría:Cintas interpretadas por Alex Montoya Categoría:Cintas interpretadas por Barrie Chase Categoría:Cintas interpretadas por Christian Marquand Categoría:Cintas interpretadas por Dan Duryea Categoría:Cintas interpretadas por Ernest Borgnine Categoría:Cintas interpretadas por Gabriele Tinti Categoría:Cintas interpretadas por George Kennedy Categoría:Cintas interpretadas por Hardy Krüger Categoría:Cintas interpretadas por Ian Bannen Categoría:Cintas interpretadas por James Stewart Categoría:Cintas interpretadas por Peter Bravos Categoría:Cintas interpretadas por Peter Finch Categoría:Cintas interpretadas por Richard Attenborough Categoría:Cintas interpretadas por Ronald Fraser Categoría:Cintas interpretadas por William Aldrich Categoría:Cintas producidas por Robert Aldrich Categoría:Cintas rodadas en California Categoría:Cintas rodadas en Yuma