Iste articlo ye sobre una cinta de cine historico epico belico franco-italo-qatarina de l'anyo 2011; ta atros usos, se veiga Black Gold, Black Gold (cinta) y Black Gold (cinta de 2011).
Black Gold (títol orichinal en anglés, en aragonés Oro negro, estrenada en Aragón con iste zaguer títol) ye una cinta de cine historico epico belico coproducida por o cine francés, o cine italiano, lo cine qatarín y lo cine tuniciano, dirichida por Jean-Jacques Annaud seguntes un guión adaptau por él mesmo y por Menno Meyjes y Alain Godard (basau en The Great Thirst, una novela que heba publicau Hans Ruesch l'anyo 1957), con una banda sonora orichinal de James Horner, una dirección de fotografía de Jean-Marie Dreujou y una producción cinematografica de Tarak Ben Ammar ta las productoras Quinta Communications, Prima TV, Carthago Films, France 2 Cinéma y Doha Film Institute. L'elenco d'a cinta ye formau por Tahar Rahim, Antonio Banderas, Mark Strong, Freida Pinto, Jan Uddin, Riz Ahmed, Corey Johnson, Liya Kebede, Lotfi Dziri, Hichem Rostom, Mostafa Gaafar, Jamal Awar, Driss Roukhe, Eriq Ebouaney, Akin Gazi y Abdelmajid Lakhal, entre d'atros actors.
En os anyos 1930 en bel lugar indeterminau d'Orient Meyo dos prencipes arabes luitan por a posesión d'un territorio clamau "Cinturón Amariello". L'emir Nesib ha conseguiu redotar a lo soldán Amar y iste se veye obligau a ceder os suyos dos fillos como rafens, encara que lo tracto inclui la consideración d'o Cinturón Amariello como territorio neutral entre toz dos prencipes. Nesib ye obsesionau con a modernización d'o país, porque su muller morió fa bien poquet por o colera y sabe que en os países occidentals ixa malautía ya ha desapareixiu. Sindembargo, Amar tien una visión mas tradicionalista de l'islam y d'a relichión y no li cuacan os abances tecnolochicos modernos. Saleh y Auda, los fillos d'o soldán Amar, creixen en a cort de Nesib con cada vegada mas nostalchia d'o suyo país y ganas de tornar-ie. Bel día plega en os dominios d'o soldán Thurkettle, un cheologo estausunidense, qui descubre petrolio en o Cinturón Amariello. Bien intresau por a explotación d'o petrolio que li dará muitos diners, Nesib decide pactar con Amar ta poder obtener o petrolio y mesmo li ufre tornar-li a los suyos fillos, pero Amar se niega, y Nesib no veye atro camín que una guerra. Saleh, lo chirmano mayor d'os dos rafens, creye que si él hese feito parte d'a delegación ninviada a su pai l'hese podiu convencer, asinas que organiza la suya fuyida nomás que ta ir-ie y convencer-lo. Perseguiu por Nesib, iste lo mata cuan lo troba. Dimpués casa a Auda con a suya filla Leyla, y finament accepta que marche a convencer a su pai. Cuan plega en presencia d'o soldán troba la negativa d'iste a acceptar la explotación de petrolio y la incomprensión cuan explica a su pai que no quiere esvurciar-se de Layla. Finalment, pai y fillo se preparan ta atacar a capital de Nesib: Auda simulará un ataque a traviés d'o disierto ta atrayer as tropas bilndadas modernas de Nesib y Amar abanzará directament contra la capital aproveitando l'ausencia de l'exercito prencopal de Nesib.
Black Gold s'ambienta en os anyos 1930 en bel país indeterminau d'Orient Meyo, y las suyas escenas se filmoron en Matmata en Tunicia y en Madinat ash Shamal (Al Shamal) y Mesaieed (Al Wakrah) en Qatar, amás d'en os Empire Studios en Tunicia. Estreno de Black Gold en Internet Movie Database.
Elenco Black Gold en Internet Movie Database. Actor Papel Notas ''''
Se veiga tamién Cine en 2011. Cintas de 2011.
Referencias
Vinclos externos Black Gold en Internet Movie Database. Black Gold en Rotten Tomatoes.
Categoría:Cintas ambientadas en os anyos 1930 Categoría:Cintas con banda sonora orichinal de James Horner Categoría:Cintas con dirección de fotografía de Jean-Marie Dreujou Categoría:Cintas con guión d'Alain Godard Categoría:Cintas con guión de Jean-Jacques Annaud Categoría:Cintas con guión de Menno Meyjes Categoría:Cintas con montache d'Hervé Schneid Categoría:Cintas de cine belico Categoría:Cintas de cine epico Categoría:Cintas de cine historico Categoría:Cintas de Francia Categoría:Cintas d'Italia Categoría:Cintas de Qatar Categoría:Cintas de Tunicia Categoría:Cintas dirichidas por Jean-Jacques Annaud Categoría:Cintas en anglés Categoría:Cintas interpretadas por Abdelmajid Lakhal Categoría:Cintas interpretadas por Akin Gazi Categoría:Cintas interpretadas por Antonio Banderas Categoría:Cintas interpretadas por Corey Johnson Categoría:Cintas interpretadas por Driss Roukhe Categoría:Cintas interpretadas por Eriq Ebouaney Categoría:Cintas interpretadas por Freida Pinto Categoría:Cintas interpretadas por Hichem Rostom Categoría:Cintas interpretadas por Jamal Awar Categoría:Cintas interpretadas por Jan Uddin Categoría:Cintas interpretadas por Liya Kebede Categoría:Cintas interpretadas por Lotfi Dziri Categoría:Cintas interpretadas por Mark Strong Categoría:Cintas interpretadas por Mostafa Gaafar Categoría:Cintas interpretadas por Riz Ahmed Categoría:Cintas interpretadas por Tahar Rahim Categoría:Cintas producidas por Tarak Ben Ammar Categoría:Cintas rodadas en Madinat ash Shamal Categoría:Cintas rodadas en Matmata (Tunicia) Categoría:Cintas rodadas en Mesaieed Categoría:Cintas rodadas en Tunicia