Préstame quince días (títol orichinal en castellano, en aragonés Ampra-me quince días, estrenada en Aragón con o suyo títol orichinal) ye una cinta de cine de comedia de cine espanyol estrenada l'anyo 1971, dirichida por Fernando Merino seguntes un guión orichinal de Juan José Alonso Millán, con una banda sonora orichinal de José Luis Navarro, una dirección de fotografía de Raúl Artigot, una producción cinematografica de José Frade ta la productora cinematografica Atlántida Films. Fan parte de l'elenco d'actors dà cinta, entre d'atros, Alfredo Landa, Concha Velasco, Lola Gaos, Mirta Miller, José Luis López Vázquez, Gracita Morales, Álvaro de Luna, Jesús Guzmán, Erasmo Pascual, Rafael Hernández, Santiago Rivero y Ángel Álvarez.
Galdino ye naixiu d'un pueblo en Espanya pero fa bels anyos que ha marchau a treballar en Alemanya. Bel día plega en Madrit de tornada enta lo pueblo porque li han comunicau que su mai ye muit greu y amán de morir. Como en as cartas que ha ninviau en a suya casa dende Alemanya explicaba que s'heba casau, ha de plegar en o pueblo con una muller y decide logar una. En un local d'espectaclos veye una mesacha que li pareixe prou adecuada, y que resulta treballar como mesacha d'alterne en o local. Li proposa que l'acompanye enta lo pueblo, pagando-li por 15 días, a 3.000 pecetas por día, y la mesacha lo comenta con o suyo novio y veye la oportunidat ta amueblar o piso, casar-se y deixar de treballar como mesacha d'alterne. Cuan plegan Galdino y Iris en o lugar d'o choven, troban que la mai no yera amán de morir, so que ha preparau ixa excusa ta fer que lo suyo fillo vienga en o pueblo. A familia y tot o pueblo acullen muit bien a Iris, en estar una mesacha bien polida, pero la mai de Galdino, en veyer que fa tiempos que están casaus y que encara no tienen fillos, prepara una bebida vigorizant que fa que Galdino tienga un gran deseyo sexual y ixo planteya problemas, pero bien rapedo pasan os 15 días y lo novio d'Iris plega a recullir a la mesacha ta marchar enta Madrit, Galdino descubre que en realidat s'ha enamorau d'ella. A la vegada, confiesa tot a su mai, qui li diz que ha de recuperar a Iris. D'atra man, cuan Iris plega en Madrit descubre que lo suyo novio ha malgastau os diners. Y alabez se presenta Galdino, que quiere logar-la atros 15 días.
A cinta s'ambienta en a suya epoca actual (1971) en Madrit y en bel puesto indeterminau d'Espanya y las suyas escenas se filmoron en Madrit y Pedrezuela (Comunidat de Madrit). Estreno de Préstame quince días en Internet Movie Database.
Elenco Préstame quince días en Internet Movie Database. Actor Papel Notas ''''
Se veiga tamién Cine en 1971. Cintas de 1971.
Referencias
Vinclos externos Préstame quince días en Internet Movie Database. Préstame quince días en FilmAffinity.
Categoría:Cintas ambientadas en Espanya Categoría:Cintas ambientadas en Madrit Categoría:Cintas ambientadas en 1971 Categoría:Cintas con banda sonora orichinal de José Luis Navarro Categoría:Cintas con dirección de fotografía de Raúl Artigot Categoría:Cintas con guión de Juan José Alonso Millán Categoría:Cintas con montache de María Luisa Soriano Categoría:Cintas de cine de comedia Categoría:Cintas d'Espanya Categoría:Cintas dirichidas por Fernando Merino Categoría:Cintas en castellano Categoría:Cintas interpretadas por Alfredo Landa Categoría:Cintas interpretadas por Álvaro de Luna Categoría:Cintas interpretadas por Ángel Álvarez Categoría:Cintas interpretadas por Concha Velasco Categoría:Cintas interpretadas por Erasmo Pascual Categoría:Cintas interpretadas por Gracita Morales Categoría:Cintas interpretadas por Jesús Guzmán Categoría:Cintas interpretadas por José Luis López Vázquez Categoría:Cintas interpretadas por Lola Gaos Categoría:Cintas interpretadas por Mirta Miller Categoría:Cintas interpretadas por Rafael Hernández Categoría:Cintas interpretadas por Santiago Rivero Categoría:Cintas producidas por José Frade Categoría:Cintas rodadas en Madrit Categoría:Cintas rodadas en Pedrezuela