Un modisto (u una modista si ye muller) ye a persona que tien por profesión o disenyo y confección de piezas de vestir como vestius, brusas, gambetos, pantalons, etc. O modisto alcuerda con o suyo client o tipo de ropa que confeccionará concretando-ne os detalles respecto a formas, colors, material, acabaus, etc. Seguidament prene midas de diferents partis d'o cuerpo pa estableixer as grandarias que han de tener as piezas. "Diccionario de Arte II". Barcelona. Biblioteca de Consulta Larousse. Spes Editorial SL (RBA), 2003. . Pach. 90. DL M-50.522-2002 Tamién s'emplega o termin disenyador u disenyadora de moda en relación con a mesma profesión.
Bels modistos tamién disenyan periodicament coleccions de creyación propia de piezas que s'han de confeccionar en serie. En iste caso, reyalizará o escalau d'os patrons pa obtener as tallas que se deseyen partindo d'una talla base. Cada temporada presentan as suyas coleccions en pasarelas de moda a las que asisten os suyos principals clients asinas como medios de comunicación especializaus.
Entre as aptituz necesarias par exercer l'oficio de modisto feguran a creatividat y o sentiu d'a estetica. Ha de conoixer en profundidat os materials textils de que se puet disponer, as suyas propiedaz, caracteristicas, aplicacions, capacidat de transformación y terminacions. Amás, ha de conoixer os complementos que se pueden combinar con as piezas como bolsos, zapatos u choyas pa ofreixer en a colección una harmonía de conchunto. O disenyador obtiene a suya inspiración en ferias profesionals, certamens o revistas de moda tanto respecto a os abances en materia de moda, como en a tecnolochía d'o disenyo y a confección que se i relaciona.
Actualment a faina s'ha diversificau y i hai diferents profesions asociadas a o proceso de confección, que tienen o refirme d'as maquinas que tallan, cusen y mesmo confeccionan.
Se veiga tamién Sastre
Referencias
* Categoría:Oficios