Taxi a Gibraltar (títol orichinal en castellano, en aragonés Taxi a Chibraltar, estrenada en Aragón con o suyo títol orichinal) ye una cinta de cine espanyol de cine de comedia estrenada l'anyo 2019, dirichida por Alejo Flah seguntes un guión orichinal d'él mesmo y de Fernando Navarro, con una banda sonora orichinal d'Andrés Calamaro, una dirección de fotografía de Griselda Jordana, una producción cinematografica de Leandro Borrell, Ricardo Marco Budé y Ignacio Salazar-Simpson ta la productora cinematografica Atresmedia Cine y que conra con un elenco d'o cual en fan parte Dani Rovira, Joaquín Furriel, Ingrid García-Jonsson, María Hervás, José Manuel Poga, José Troncoso y Mona Martínez, entre d'atros actors.
Diego ye un archentino recient liberau d'a garchola, a on i heba conoixiu a un chibraltarenyo qui li ha explicau que mientres a Segunda Guerra Mundial os britanicos heban tresladau enta Chibraltar una gran cantidat d'oro en previsión de que lo Tercer Reich invadise la isla de Gran Bretanya y lo Gubierno d'o Reino Uniu se refuchiase en ixe lugar, que posteriorment se perdió lo plano d'a ubicación d'ixe tresoro en as muitismas galerías que foradan o penyón, y que él conoix a ubicación de l'oro. En haber estau asasinau en a garchola, Diego decide marchar enta Chibraltar, pero lo problema ye que no tiene diners ta lo viache. Casualment puya en un taxi conduciu por León; iste ye de temperamento rabino, pero mas que mas por os suyos problemas economicos, poque debe a lo banco una gran cantidat de diners por a suya hipoteca y no puet pagar. Diego contracta a León ta viachar dica Chibraltar y iste accepta, en amesnistar os 2.500 euros que cobrara por o viache (encara que no sabe que lo suyo client no poseye ni un euro). Cuan conoix a insolvencia de Diego, decide tornar, pero tienen un accident de trafico y lo taxi queda inservible. En a benzinera a on se troban, conoixen a Sandra, una mesacha d'un lugarón que ye fuyindo d'a suya voda con un hombre a qui no ama, y que accepta levar a Diego enta Chibraltar y remolcar o taxi con éls ta que lo reparen en plegar. O primer problema ye que apareixe lo novio d'a mesacha y León y Diego consiguen fuyir en o taxi, que casalment ha podiu enchegar. Cuan plegan en a muga de Chibraltar, no tienen pasaporte (y Diego mesmo ni ropa, que li ha robau o novio de Sandra) y optan por trescruzar a muga con l'auto a toda velocidat. Cuan paran o taxi, descubren que Sandra ha viachau con éls en o maletero, y toz tres deciden buscar l'oro por os túnels a la vegada que son perseguius por a policía chibraltarenya.
A cinta s'ambienta en a suya epoca actual (2019) en Madrit y Chibraltar y las suyas escenas se filmoron en Las Palmas de Gran Canaria (provincia de Las Palmas, Canarias), Madrit (Comunidat de Madrit), La Línea de la Concepción (provincia de Cádiz (Andalucía), Guadalachara (provincia de Guadalachara, Castiella-La Mancha) y Chibraltar. Localizacions de Taxi a Gibraltar en Internet Movie Database).
Elenco Taxi a Gibraltar en Internet Movie Database. Actor Papel Notas ''''
Se veiga tamién Cine en 2019. Cintas de 2019.
Referencias
Vinclos externos Taxi a Gibraltar en Internet Movie Database. Taxi a Gibraltar en FilmAffinity.
Categoría:Cintas ambientadas en Chibraltar Categoría:Cintas ambientadas en Madrit Categoría:Cintas ambientadas en 2019 Categoría:Cintas con banda sonora orichinal d'Andrés Calamaro Categoría:Cintas con dirección de fotografía de Griselda Jordana Categoría:Cintas con guión d'Alejo Flah Categoría:Cintas con guión de Fernando Navarro Categoría:Cintas con montache d'Antonio Frutos Pérez Categoría:Cintas con montache de Javier Frutos Categoría:Cintas de cine de comedia Categoría:Cintas d'Espanya Categoría:Cintas dirichidas por Alejo Flah Categoría:Cintas en anglés Categoría:Cintas en castellano Categoría:Cintas interpretadas por Dani Rovira Categoría:Cintas interpretadas por Ingrid García-Jonsson Categoría:Cintas interpretadas por Joaquín Furriel Categoría:Cintas interpretadas por José Troncoso Categoría:Cintas interpretadas por José Manuel Poga Categoría:Cintas interpretadas por María Hervás Categoría:Cintas interpretadas por Mona Martínez Categoría:Cintas producidas por Ignacio Salazar-Simpson Categoría:Cintas producidas por Leandro Borrell Categoría:Cintas producidas por Ricardo Marco Budé Categoría:Cintas rodadas en Chibraltar Categoría:Cintas rodadas en Guadalachara Categoría:Cintas rodadas en La Línea de la Concepción Categoría:Cintas rodadas en Las Palmas de Gran Canaria Categoría:Cintas rodadas en Madrit