Luis María Garriga Ortiz naixiu de Borcha, provincia de Zaragoza, comarca d'o Campo de Borcha, lo 14 de chunio de 1945) ye un atleta, politico y noble espanyol.
Como atleta compitió en brinco d'altaria, seis vegadas campión d'Espanya y tenió os récords d'Aragón y d'Espanya d'ixa preba. Cal destacar que estió mas de 50 vegadas internacional con Espanya participando en os Chuegos Olimpicos de Tokio 1964 y en os Chuegos Olimpicos de Mexico 1968, entre atros campionatos internacionals. O suyo equipo estió a sección d'atletismo d'o Real Zaragoza, anque encara que lo zaguer anyo en que compitió lo hizó con o Scorpio-71.
Dimpués d'a suya retirada esportiva encetó a suya vida politica estando alcalde de Borcha en cuantas lechislaturas y concellero en o concello de Zaragoza.
Ha estau gualardonau con quantas condecoracions esportivas, como la Reyal Orden d'o Merito Esportivo.
Biografía Natural de Borcha, yera miembro d'a familia d'os Condes de Torreflorida.
Principió en o deporte dende choven, plegando a bater lo récord de brinco d'altaria infantil. Posteriroment estió seis vegadas campeón d'Espanya con o Real Zaragoza y batió lo récord nacional de blinco superando la barrera psicolochica d'os 2 metros. Mas de cinquanta vegadas internacional con Espanya, participó en dos chuegos olimpicos. *
Dimpués de retirar-se d'a practica esportiva en l'anyo 1971 encetó a suya vida politica d'a man d'o Partiu Aragonés. Inicialment estió dos vegadas alcalde d'a suya localidat natal entre as anyadas de 1979 y 1987, posteriorment concellero d'a capital rechional, Zaragoza (1987-1991). Continó vinculau a lo esporte politicament emparando a propuesta pa albergar o Chuegos Olimpicos d'hibierno en Chaca, y estando miembro d'a chunta directiva de quantas federacions esportivas aragonesesas, plegó en particular a presidir la Federación Aragonesa d'Atletismo dende 2004 paralelement en suya localidat natal gubernó atras tres lechislaturas mas como alcalde (1995-2007).
D'o suyo gubierno en Borcha cal destacar la instalación d'o primer parque eolico en o municipio en una d'os primers prochectos d'ixe tipo en Espanya. Atros actos recordaus estioron la construcción d'o poligono industrial Barbalanca y instalacions municipals (parque de bomberos, campo de fútbol y piscinas municipals) asinas como intervencions de restauración en a colegiata de Santa María, incluyindo la creyación d'o suyo museo.
Succedió a su chirmán en o títol de conde de Torreflorida en l'anyo 1998.
Bibliografía RUBIO LARROSA, Vicente (1980). Garriga Ortiz, Luis María. Gran Enciclopedia Aragonesa. Tomo 6, pachina 1.503.
Referencias
Categoría:Alcaldes d'a provincia de Zaragoza Categoría:Alcaldes d'o Partido Aragonés Categoría:Atletas d'Aragón en os Chuegos Olimpicos de 1968 Categoría:Atletas d'Aragón en os Chuegos Olimpicos de 1964 Categoría:Brincadors d'altaria Categoría:Concellers d'o Concello de Zaragoza Categoría:Récords d'Espanya d'atletismo Categoría:Récords d'Aragón d'atletismo Categoría:Naixius de Borcha Categoría:1945 (naixencias)