Iste articlo ye sobre una cinta de cine biografico d'aventuras dramaticas belicas de l'anyo 1997; ta atros usos, se veiga Seven Years in Tibet.
Seven Years in Tibet (títol orichinal en anglés, en aragonés Siet anyos en o Tibet, estrenada en Aragón con o suyo títol traduciu enta lo castellano como Siete años en el Tíbet) ye una cinta de cine biografico d'aventuras dramaticas belicas estrenada l'anyo 1997, dirichida por Jean-Jacques Annaud seguntes un guión adaptau por Becky Johnston (basau en Sieben Jahre in Tibet. Mein Leben am Hofe des Dalai Lama, l'autobiografía de Heinrich Harrer publicada en 1952), con una banda sonora orichinal de John Williams, una dirección de fotografía de Robert Fraisse, una producción cinematografica de Jean-Jacques Annaud, Iain Smith y John H. Williams ta las productoras TriStar Pictures y Mandalay Entertainment, y un elenco formau por Brad Pitt, David Thewlis, BD Wong, Mako, Danny Denzongpa, Victor Wong, Ingeborga Dapkūnaitė, Jamyang Jamtsho Wangchuk, Lhakpa Tsamchoe, Jetsun Pema, Ama Ashe Dongtse y Ric Young, entre d'atros actors.
En l'Austria de 1939 incorporada a lo Tercer Reich, l'alpinista austriaco Heinrich Harrer s'incorpora en una expedición que marcha enta l'Himalaya ta escalar o Nanga Parbat (situau en o Raj britanico, hue en Pakistán), deixando a su muller que ye bien amán de tener un fillo pero con problemas en o matrimonio. Lo director d'a expedición ye un atro austriaco, Peter Aufschnaiter, y las relacions entre toz dos tampoco son masiau buenas. Cuan en setiembre d'ixe anyo esclata la Segunda Guerra Mundial, as autoridaz britanicas los enzarran en un campo de presoneros en Dehradun (Uttaranchal), en estar subditos alemans. Mientres ixe periodo, a suya muller li comunica l'esvurcio. En 1944, os dos alpinistas austriacos consiguen fuyir d'o campo de presoneros y fuyen enta la muga con o Tibet. Encara que en primeras lis refusan d'entrar en o país, finalment consiguen plegar enta Lhasa, estando en ixe momento os dos solos occidentals que se troban en o país. Convertius en huespedes de Kungo Tsarong, un diplomatico tibetano, fan amistat tamién con Ngawang Jigme, un choven politico, qui lis regala un trache a cadaguno. En conoixer a la sastra, Pema Lhaki, toz dos s'intresan por ella, pero finalment la mesacha se casa con Aufschnaiter, a la vegada que lo fillo de Harrer li comunica por carta que no ye lo suyo fillo. Poco dimpués, invitan a Harrer a lo palacio de Potala, ta conoixer a Tenzin Gyatso, lo 14eno Dalai Lama, y se converte en o suyo profesor en muitos temas relacionaus con a cultura occidental y finalment en o suyo amigo. Pero bien luego, en 1951, China proclama que lo Tibet fa parte d'o suyo territorio y invade lo país, con a complicidat de Ngawang Jigme, motovo por o cual Harrer li retira la suya amistat, y Harrer torna enta Austria a conoixer personalment a su fillo.
A cinta s'ambienta en os anyos 1939, 1944, 1945, 1946, 1947, 1948, 1949, 1950 y 1951 en Viena (Austria), en l'actual Pakistán, en Dehradun (Uttaranchal) y en Ladakh en l'actual India y en Lhasa y bels atros puestos en o Tibet. As suyas escenas se filmoron en La Plata (provincia de Buenos Aires) y en a provincia de Mendoza en Archentina, en Leamington Spa (Warwickshire) en o Reino Uniu), en Lienz (Tirol) en Austria, en Santiago de Chile en Chile, y en Campbell River y Vancouver (Columbia Britanica) en Canadá. Localizacions de Seven Years in Tibet en Internet Movie Database.
Ye una cinta que ha recibiu bels premios y nominacions, en destacando una nominación a lo Premio Globo d'Oro a la Millor Banda Sonora Orichinal en 1998 mientres a 55ena edición d'os Premios Globos d'Oro.
Elenco Seven Years in Tibet en Internet Movie Database. Actor Papel Notas ''''
Se veiga tamién Cine en 1997. Cintas de 1997.
Referencias
Vinclos externos
Seven Years in Tibet en Internet Movie Database. Seven Years in Tibet en Box Office Mojo. Seven Years in Tibet en Rotten Tomatoes. Seven Years in Tibet en Metacritic.
Categoría:Cintas ambientadas en Dehradun Categoría:Cintas ambientadas en Ladakh Categoría:Cintas ambientadas en Lhasa Categoría:Cintas ambientadas en Pakistán Categoría:Cintas ambientadas en Tibet Categoría:Cintas ambientadas en Viena Categoría:Cintas ambientadas en 1939 Categoría:Cintas ambientadas en 1944 Categoría:Cintas ambientadas en 1945 Categoría:Cintas ambientadas en 1946 Categoría:Cintas ambientadas en 1947 Categoría:Cintas ambientadas en 1948 Categoría:Cintas ambientadas en 1949 Categoría:Cintas ambientadas en 1950 Categoría:Cintas ambientadas en 1951 Categoría:Cintas con banda sonora orichinal de John Williams Categoría:Cintas con dirección de fotografía de Robert Fraisse Categoría:Cintas con guión de Becky Johnston Categoría:Cintas con montache de Noëlle Boisson Categoría:Cintas de cine d'aventuras Categoría:Cintas de cine belico Categoría:Cintas de cine biografico Categoría:Cintas de cine de drama Categoría:Cintas d'Estaus Unius Categoría:Cintas dirichidas por Jean-Jacques Annaud Categoría:Cintas en alemán Categoría:Cintas en anglés Categoría:Cintas en chinés mandarín Categoría:Cintas en hindi Categoría:Cintas en nepalí Categoría:Cintas en tibetano Categoría:Cintas en Panavision Categoría:Cintas en Technicolor Categoría:Cintas interpretadas por Ama Ashe Dongtse Categoría:Cintas interpretadas por BD Wong Categoría:Cintas interpretadas por Brad Pitt Categoría:Cintas interpretadas por Danny Denzongpa Categoría:Cintas interpretadas por David Thewlis Categoría:Cintas interpretadas por Ingeborga Dapkūnaitė Categoría:Cintas interpretadas por Jamyang Jamtsho Wangchuk Categoría:Cintas interpretadas por Jetsun Pema Categoría:Cintas interpretadas por Lhakpa Tsamchoe Categoría:Cintas interpretadas por Mako Categoría:Cintas interpretadas por Ric Young Categoría:Cintas interpretadas por Victor Wong Categoría:Cintas producidas por Iain Smith Categoría:Cintas producidas por Jean-Jacques Annaud Categoría:Cintas producidas por John H. Williams Categoría:Cintas rodadas en Campbell River (Columbia Britanica) Categoría:Cintas rodadas en La Plata Categoría:Cintas rodadas en Leamington Spa Categoría:Cintas rodadas en Lienz Categoría:Cintas rodadas en a provincia de Mendoza Categoría:Cintas rodadas en Santiago de Chile Categoría:Cintas rodadas en Vancouver