Iste articlo ye sobre una cinta britanica de drama d'intriga politica estrenada l'anyo 1990; ta atros usos, se veiga Hidden Agenda y Hidden Agenda (cinta).
Hidden Agenda (títol orichinal en anglés, en aragonés Achenda amagada, estrenada en Aragón con o suyo títol traduciu enta lo castellano como Agenda occulta) ye una cinta de cine britanico de cine de drama d'intriga politica estrenada l'anyo 1990, dirichida por Ken Loach seguntes un guión orichinal de Jim Allen, con una banda sonora orichinal de Stewart Copeland, una dirección de fotografía de Clive Tickner y una producción cinematografica d'Eric Fellner ta las productoras Hemdale y Initial. Fan parte de l'elenco d'actors d'a cinta, entre d'atros, Frances McDormand, Brian Cox, Brad Dourif, Mai Zetterling, John Benfield, Des McAleer, Jim Norton, Maurice Roëves y Michelle Fairley.
Paul Sullivan ye un avogau y activista estausunidense que ye fendo una investigación sobre violacions d'os dreitos humans por as autoridaz britanicas en Irlanda d'o Norte cuando ye asasinau en un control policial. Paul heba recibiu una cinta d'audio chusto antes de l'asasinato, y la Policía nortirlandesa requisa la cinta. Por as repercusions internacionals en estar o falleixiu un estausunidense, encargan a investigación a un policía britanico Peter Kerrigan, qui investiga conchuntament con l'aduyant d'a victima, Ingrid Jessner. A investigación los conduz enta lo capitán Harris, un antigo oficial d'información britanico que ye qui grabó la cinta y que vive en a clandestinidat. Cuan charran con él, lis explica que la cinta contien una conversación d'altos mandos militars y de dirichents d'o Conservative Party planificando la manipulación d'as eleccions ta evitar una victoria d'o Labour Party. Cuan Kerrigan plega enta los maximos responsables, se veye obchecto d'un chantache.
Hidden Agenda s'ambienta en Béal Feirste (Irlanda d'o Norte) en a suya epoca actual (1990) y las suyas escenas se filmoron en Béal Feirste (Irlanda d'o Norte) y Hemel Hempstead (Hertfordshire) en o Reino Uniu y en Dublín en Irlanda. Localizacions de Hidden Agenda en Internet Movie Database.
Ye una cinta que ha recibiu bels premios y nominacions, en detacando una nominación a lo Premio Goya a la Millor Cinta Europea en 1993 mientres a 7ena edición d'os Premios Goya.
Elenco Hidden Agenda en Internet Movie Database. {|class="wikitable sortable" style="font-size: 90%;"
! style="background:#ABD2D0;" | Actor ! style="background:#ABD2D0;" | Papel ! style="background:#ABD2D0;" | Notas
| ''
Se veiga tamién Cine en 1990. Cintas de 1990.
Referencias
Vinclos externos Hidden Agenda en Internet Movie Database. Hidden Agenda en Box Office Mojo. Hidden Agenda en Screenonline d'o British Film Institute''.
Categoría:Cintas ambientadas en Béal Feirste Categoría:Cintas ambientadas en 1990 Categoría:Cintas con banda sonora orichinal de Stewart Copeland Categoría:Cintas con dirección de fotografía de Clive Tickner Categoría:Cintas con guión de Jim Allen Categoría:Cintas con montache de Jonathan Morris Categoría:Cintas de cine de drama Categoría:Cintas de cine d'intriga Categoría:Cintas de cine politico Categoría:Cintas d'o Reino Uniu Categoría:Cintas dirichidas por Ken Loach Categoría:Cintas en anglés Categoría:Cintas interpretadas por Brad Dourif Categoría:Cintas interpretadas por Brian Cox Categoría:Cintas interpretadas por Des McAleer Categoría:Cintas interpretadas por Frances McDormand Categoría:Cintas interpretadas por Jim Norton Categoría:Cintas interpretadas por John Benfield Categoría:Cintas interpretadas por Mai Zetterling Categoría:Cintas interpretadas por Maurice Roëves Categoría:Cintas interpretadas por Michelle Fairley Categoría:Cintas producidas por Eric Fellner Categoría:Cintas rodadas en Béal Feirste Categoría:Cintas rodadas en Hemel Hempstead