Iste articlo ye sobre una cinta estausunidense de drama de gángsters; ta atros usos, se veiga On the Waterfront (desambigación).
On the Waterfront (títol orichinal en anglés, en aragonés Frent d'a mar, estrenada en Aragón con o títol en castellano de La ley del silencio, en aragonés A lei d'o silencio) ye una cinta de cine de drama de gángsters de cine estausunidense estrenada l'anyo 1954, dirichida por Elia Kazan seguntes un guión orichinal de Budd Schulberg (inspirau en Crime on the Waterfront, un articlo publicau en prensa por Malcolm Johnson), con una banda sonora orichinal de Leonard Bernstein, una dirección de fotografía de Boris Kaufman, una producción cinematografica de Sam Spiegel ta la productora cinematografica Horizon Pictures y un elenco d'o cual en fan parte Marlon Brando, Eva Marie Saint, Karl Malden, Lee J. Cobb, Rod Steiger, Pat Henning, Leif Erickson, James Westerfield, Tony Galento, Tami Mauriello, John F. Hamilton, John Heldabrand, Rudy Bond, Don Blackman y Arthur Keegan, entre d'atros.
Terry Malloy ye un antigo boxiador que perdió de propio un combate cedendo a las órdens d'un mafioso irlandés, rematando asinas a suya carrera esportiva cuan yera una promesa d'o boxeyo. Agora ye enchufau como estibador en o puerto de Nueva York, cobrando sin treballar, a las órdens d'o mesmo mafioso (Johnny Friendly), de qui lo suyo chirmano ye un destacau colaborador y man dreita. Bel día ordenan a Terry que leve a lo suyo companyero Joey Doyle a lo terrau d'un edificio, sin saber que l'obchectivo ye aventar-lo y matar-lo, en estar amán de declarar contra Friendly. Terry se revifa con os asasins, pero lo fan callar con sobornos y menazas disimuladas. Ta lo funeral de Doyle plega Edie, la chirmana d'a victima, y ista y mosen Barry quieren convencer a los estibadors de que declaren contra Friendly, pero iste ataca la reunión y Terry (que i yera ta informar a Friendly) aduya a Edie a fuyir. Prencipia una relación entre toz dos, pero Terry no sabe que lo mosen ha convenciu a un estibador ta que declare, pero en saber-lo Friendly lo matan en un accident simulau. Edie y Barry preban de convencer a Terry ta que declare, y finalment iste confiesa lo suyo papel en a muerte de Joey, y Edie se distancia d'él. Friendly ninvía a Charles, lo chirmano de Terry, ta ufrir-li un soborno si no testifica, y en negar-se iste, asasinan a Charles, estando ixo l'empentón definitivo ta que Terry decida declarar, encara que ye menazau de muerte.
A cinta s'ambienta en a suya epoca actual (1954) en a ciudat de Nueva York y las suyas escenas se filmoron en Hoboken (Nueva Jersey) y en Nueva York (Nueva York). Localizacions d'On the Waterfront en Internet Movie Database.
On the Waterfront ye una cinta que ha recibiu cuantos premios y nominacions, en destacando ueito Premios Oscar en 1955 (Millor Cinta, Millor Director, Millor Actor, Millor Actriz Segundaria, Millor Guión Orichinal, Millor Dirección Artistica en Blanco y Negro, Millor Fotografía en Blanco y Negro y Millor Montache), amás de cuatre nominacions (tres nominacions a lo Millor Actor Segundario y Millor Banda Sonora Orichinal de Drama), en a 27ena edición d'os Premios Oscar; un Premio BAFTA (Millor Actor Forano) y dos nominacions (Millor Cinta y Millor Actor Debutant) en 1955 mientres a 8ena edición d'os Premios BAFTA; y cuatre Premios Globos d'Oro (Millor Cinta Dramatica, Millor Actor Dramatico, Millor Director y Millor Fotografía en Blanco y Negro) en 1955 mientres a 12ena edición d'os Premios Globos d'Oro.
Elenco On the Waterfront en Internet Movie Database. {|class="wikitable sortable" style="font-size: 90%;"
! style="background:#ABD2D0;" | Actor ! style="background:#ABD2D0;" | Papel ! style="background:#ABD2D0;" | Notas
| ''
Se veiga tamién Cine en 1954. Cintas de 1954.
Referencias
Vinclos externos
On the Waterfront en Internet Movie Database. On the Waterfront en l'American Film Institute Catalog de l'American Film Institute''. On the Waterfront en AllMovie. On the Waterfront en TCM Movie Database. On the Waterfront en Rotten Tomatoes.
Categoría:Cintas ambientadas en Nueva York (ciudat) Categoría:Cintas ambientadas en 1954 Categoría:Cintas con banda sonora orichinal de Leonard Bernstein Categoría:Cintas con dirección de fotografía de Boris Kaufman Categoría:Cintas con guión de Budd Schulberg Categoría:Cintas con montache de Gene Milford Categoría:Cintas de cine de drama Categoría:Cintas de cine de gángsters Categoría:Cintas d'Estaus Unius Categoría:Cintas dirichidas por Elia Kazan Categoría:Cintas en anglés Categoría:Cintas en latín Categoría:Cintas en blanco y negro Categoría:Cintas interpretadas por Arthur Keegan Categoría:Cintas interpretadas por Don Blackman Categoría:Cintas interpretadas por Eva Marie Saint Categoría:Cintas interpretadas por James Westerfield Categoría:Cintas interpretadas por John Heldabrand Categoría:Cintas interpretadas por John F. Hamilton Categoría:Cintas interpretadas por Karl Malden Categoría:Cintas interpretadas por Lee J. Cobb Categoría:Cintas interpretadas por Leif Erickson Categoría:Cintas interpretadas por Marlon Brando Categoría:Cintas interpretadas por Pat Henning Categoría:Cintas interpretadas por Rod Steiger Categoría:Cintas interpretadas por Rudy Bond Categoría:Cintas interpretadas por Tami Mauriello Categoría:Cintas interpretadas por Tony Galento Categoría:Cintas producidas por Sam Spiegel Categoría:Cintas rodadas en Hoboken (Nueva Jersey) Categoría:Cintas rodadas en Nueva York (ciudat) Categoría:Nominada a lo Premio BAFTA a la Millor Cinta Categoría:Premio Globo d'Oro a la Millor Cinta Dramatica Categoría:Premio Oscar a la Millor Cinta