Iste articlo ye sobre una cinta estausunidense de comedia romantica fantastica; ta la obra teatral, se veiga Bell, Book and Candle (obra teatral).

Bell, Book and Candle (títol orichinal en anglés, en aragonés Campana, libro y vela, estrenada en Aragón con o títol en castellano de Me enamoré de una bruja, en aragonés M'encantuché d'una bruixa) ye una cinta de cine de comedia romantica fantastica de cine estausunidense estrenada l'anyo 1958, dirichida por Richard Quine seguntes un guión adaptau por Daniel Taradash (basau en a obra teatral Bell, Book and Candle de John Van Druten de l'anyo 1950), con una banda sonora orichinal de George Duning, una dirección de fotografía de James Wong Howe, una producción cinematografica de Julian Blaustein ta la productora cinematografica Phoenix Productions, Inc. y un elenco formau por James Stewart, Kim Novak, Jack Lemmon, Ernie Kovacs, Hermione Gingold, Elsa Lanchester y Janice Rule, entre d'atros actors.

Gillian Holroyd ye la propietaria d'una botiga d'arte en Nueva York, pero tamién ye (secretament) una bruixa. Una mica pachana por a suya vida, s'intresa por o suyo nuevo vecino, Shep Henderson, qui ye editor d'una editorial d'a ciudat. En a nueit de Nadal, cuan Shep plega enta la suya casa, i troba en l'interior a Queenie, la tía de Gillian, qui fa un maleficio a lo telefono de Shep ta que no funcione. Como consecuencia, Shap va enta l'apartamento de Gillian ta fer servir o suyo telefono. Encara que Shep tien novia, Queenie empenta a Gillian ta que l'enamore. Cuan casualment se troban en un club Gillian y Shap, iste ye con su novia, que resulta estar conoixida de Gillian: ye una mesacha que yera la suya enemiga en a universidat, dica lo punto que cuan Gillian descubrió que l'aterrorizaban as tronadas ella las conchuraba terne que terne. Finalment, Gillian emplega a lo suyo mixín ta fer una encantaria ta que s'amoriquie d'ella. Cuan Shep li demana que se case con ella, Gillian tien un contornillo, porque si las bruixas s'enamoran pierden os suyos poders. Cuan li explica la realidat a Shep, iste l'albandona, pero lo mixín no deixará que la historia remate asinas.

A cinta s'ambienta en a suya epoca actual (1958) en a ciudat de Nueva York, y las suyas escenas se filmoron ixa mesma ciudat y en os estudios d'a Metro-Goldwyn-Mayer en Culver City (California). Localizacions de Bell, Book and Candle en Internet Movie Database.

Bell, Book and Candle ye una cinta que ha recibiu bellas nominacions a bels premios, en destacando dos nominacions a los Premios Oscar (Millor Dirección Artistica y Millor Disenyo de Vestuario) en 1959 en a 31ena edición de ditos premios; y una nominación a lo Premio Globo d'Oro a la Millor Cinta de Musical u Comedia en 1959 en a 16ena edición d'os Premios Globos d'Oro.

Elenco Bell, Book and Candle en Internet Movie Database. {|class="wikitable sortable" style="font-size: 90%;"

! style="background:#ABD2D0;" | Actor ! style="background:#ABD2D0;" | Papel ! style="background:#ABD2D0;" | Notas

| ''

Se veiga tamién Cine en 1958. Cintas de 1958.

Referencias

Vinclos externos

Bell, Book and Candle en Internet Movie Database. Bell, Book and Candle en Rotten Tomatoes. Bell, Book and Candle en l'American Film Institute Catalog de l'American Film Institute''. Bell, Book and Candle en TCM Movie Database.

Categoría:Cintas ambientadas en Nueva York (ciudat) Categoría:Cintas ambientadas en 1958 Categoría:Cintas con banda sonora orichinal de George Duning Categoría:Cintas con dirección de fotografía de James Wong Howe Categoría:Cintas con guión de Daniel Taradash Categoría:Cintas con montache de Charles Nelson Categoría:Cintas de cine de comedia Categoría:Cintas de cine de fantasía Categoría:Cintas de cine de romance Categoría:Cintas d'Estaus Unius Categoría:Cintas dirichidas por Richard Quine Categoría:Cintas en anglés Categoría:Cintas en francés Categoría:Cintas en Technicolor Categoría:Cintas interpretadas por Elsa Lanchester Categoría:Cintas interpretadas por Ernie Kovacs Categoría:Cintas interpretadas por Hermione Gingold Categoría:Cintas interpretadas por Jack Lemmon Categoría:Cintas interpretadas por James Stewart Categoría:Cintas interpretadas por Janice Rule Categoría:Cintas interpretadas por Kim Novak Categoría:Cintas producidas por Julian Blaustein Categoría:Cintas rodadas en Culver City Categoría:Cintas rodadas en Nueva York (ciudat) Categoría:Nominada a lo Premio Globo d'Oro a la Millor Cinta de Musical u Comedia