Iste articlo ye sobre una cinta de comedia romantica de l'anyo 2001: ta la novela, se veiga Bridget Jones's Diary (novela).

Bridget Jones's Diary (títol orichinal en anglés, en aragonés Diario de Bridget Jones, estrenada en Aragón con o títol en castellano d'El diario de Bridget Jones, en aragonés O diario de Bridget Jones) ye una cinta de cine de comedia dramatica romantica coproducida por o cine irlandés, o cine estausinidense, lo cine britanico y lo cine francés, estrenada l'anyo 2001, dirichida por Sharon Maguire seguntes un guión adaptau por Helen Fielding, Andrew Davies y Richard Curtis (basau en a novela Bridget Jones's Diary, que heba publicau Helen Fielding l'anyo 1996), con una banda sonora orichinal de Patrick Doyle, una dirección de fotografía de Stuart Dryburgh y una producción cinematografica de Tim Bevan, Eric Fellner y Jonathan Cavendish ta las productoras Universal Pictures, StudioCanal, Working Title Films y Little Bird. Fan parte de l'elenco d'actors d'a cinta, entre d'atros, Renée Zellweger, Colin Firth, Hugh Grant, Jim Broadbent, Gemma Jones, Celia Imrie, James Faulkner, Charmian May, Paul Brooke, Felicity Montagu, Shirley Henderson, Sally Phillips, James Callis, Embeth Davidtz, Patrick Barlow, Lisa Barbuscia, Neil Pearson, Dolly Wells y Donald Douglas.

Bridget Jone ye una choven de 32 anyadas, soltera y preocupada por as suyas chicotas imperfeccions y por a posibilidat de ganar peso. Treballa en Londres en una empresa editorial y tien fantasías con Daniel Cleaver, lo suyo chefe, un conoixiu picaflors. En una fista en casa de sus pais troba a Mark Darcy, un antigo conoixiu d'a suya infancia, que agora ye un prestichioso avogau, qui la clama vulgar y ababol, y ella li diz que ye arrogant y bastaixo. Pero cuan escuita a Mark criticar-la con su mai, se fa lo proposito de fer cambios en a suya vida. Decide prencipiar por escribir un diario a on anotará los suyos abances ta deixar de fumar, de beber y de ganar peso, y ta trobar a suya parella. Prencipia a fer cimbel a Daniel, qui en trobar-se casualment ambos con Mark li explica que iste heba seduciu a su novia en a universidat de Cambridge y que por ixo son en quimera. Cuan marcha con Daniel u cabo de semana, torna a trobar-se en o mesmo hotel que Mark, a qui acompanya su novia Natasha, que son convidaus tamién a una fiesta de disvraces. Tanimientres, Daniel marcha de raiconte y l'albandona, y Bridget marcha enta la fiesta sola, vestida de coniello de Play.Boy, sin saber que la fiesta de disvraces s'a cancelau y ye una fiesta normal. Cuan Bridget torna enta Londres y marcha enta la casa de Daniel, lo troba en companyía de Lara, una companyera de treballo estausunidense, y lo deixa. Bridget torna a coincidir con Mark y Natasha, y Mark li confiesa que la quiere como ye, atamas d'os suyos defectos. Cuan i plega Daniel, que va bien fizau, Mark se baralla con él. Casualment, Pamela, la mai de Bridget, li diz a ista que qui enganyó con a suya novia a l'atro no estió Mark, so que Daniel. Finalment, Bridget confiesa a Mark que ye enamorada d'él, pero Mark ye comprometiu ya con Natasha.

Bridget Jones's Diary s'ambienta en Londres en a suya epoca actual (2001) y las suyas escenas se filmoron en Barnet, Londres y Westminster (Gran Londres), Shere (Surrey), Stansted Mountfitchet (Essex), Stoke Poges (Buckinghamshire), y Gloucester y Snowshill (Gloucestershire), amás d'en os Shepperton Studios en Shepperton (Surrey). Localizacions de Bridget Jones's Diary en Internet Movie Database.

Se trata d'una cinta que ha recibiu cuantos premios y nominacions, en destacando una nominación a lo Premio Oscar a la Millor Actriz en 2002 mientres a 74ena edición d'os Premios Oscar; cuatre nominacions a los Premios BAFTA (Millor Actriz, Millor Actriz Segundaria, Millor Guión Adaptau y Millor Cinta Britanica) en 2002 mientres a 55ena edición d'os Premios BAFTA; un Premio Jameson d'o Publico d'os Premios d'o Cine Europeu a o Millor Actor (amás d'a nominación a lo Premio d'o Cine Europeu a la Millor Cinta) en 2001 mientres a 14ena edición d'os Premios d'o Cine Europeu; dos nominacions a los Premios Globos d'Oro (Millor Cinta de Musical u Comedia y Millor Actriz de Musical u Comedia) en 2002 mientres a 59ena edición d'os Premios Globos d'Oro; y una nominación a lo Premio Goya a la Millor Cinta Europea en 2002 mientres a 16ena edición d'os Premios Goya.

Elenco Bridget Jones's Diary en Internet Movie Database. Actor Papel Notas ''''

Se veiga tamién Cine en 2001. Cintas de 2001.

Referencias

Vinclos externos Bridget Jones's Diary en Internet Movie Database. Bridget Jones's Diary en Box Office Mojo. Bridget Jones's Diary en Rotten Tomatoes.

Categoría:Cintas ambientadas en Londres Categoría:Cintas ambientadas en 2001 Categoría:Cintas con banda sonora orichinal de Patrick Doyle Categoría:Cintas con dirección de fotografía de Stuart Dryburgh Categoría:Cintas con guión d'Andrew Davies Categoría:Cintas con guión de Helen Fielding Categoría:Cintas con guión de Richard Curtis Categoría:Cintas con montache de Martin Walsh Categoría:Cintas de cine de comedia Categoría:Cintas de cine de drama Categoría:Cintas de cine de romance Categoría:Cintas d'Estaus Unius Categoría:Cintas de Francia Categoría:Cintas d'Irlanda Categoría:Cintas d'o Reino Uniu Categoría:Cintas dirichidas por Sharon Maguire Categoría:Cintas en anglés Categoría:Cintas en Technicolor Categoría:Cintas interpretadas por Celia Imrie Categoría:Cintas interpretadas por Charmian May Categoría:Cintas interpretadas por Colin Firth Categoría:Cintas interpretadas por Dolly Wells Categoría:Cintas interpretadas por Donald Douglas Categoría:Cintas interpretadas por Embeth Davidtz Categoría:Cintas interpretadas por Felicity Montagu Categoría:Cintas interpretadas por Gemma Jones Categoría:Cintas interpretadas por Hugh Grant Categoría:Cintas interpretadas por James Callis Categoría:Cintas interpretadas por James Faulkner Categoría:Cintas interpretadas por Jim Broadbent Categoría:Cintas interpretadas por Lisa Barbuscia Categoría:Cintas interpretadas por Neil Pearson Categoría:Cintas interpretadas por Patrick Barlow Categoría:Cintas interpretadas por Paul Brooke Categoría:Cintas interpretadas por Renée Zellweger Categoría:Cintas interpretadas por Sally Phillips Categoría:Cintas interpretadas por Shirley Henderson Categoría:Cintas producidas por Eric Fellner Categoría:Cintas producidas por Jonathan Cavendish Categoría:Cintas producidas por Tim Bevan Categoría:Cintas rodadas en Barnet (Gran Londres) Categoría:Cintas rodadas en Gloucester Categoría:Cintas rodadas en Londres Categoría:Cintas rodadas en Shepperton Categoría:Cintas rodadas en Shere Categoría:Cintas rodadas en Snowshill Categoría:Cintas rodadas en Stoke Poges Categoría:Cintas rodadas en Stansted Mountfitchet Categoría:Cintas rodadas en Westminster Categoría:Nominada a lo Premio BAFTA a la Millor Cinta Britanica Categoría:Nominada a lo Premio d'o Cine Europeu a la Millor Cinta Categoría:Nominada a lo Premio Globo d'Oro a la Millor Cinta de Musical u Comedia Categoría:Nominada a lo Premio Goya a la Millor Cinta Europea