A vocal meya posterior arredondiada ye un soniu vocalico emplegau en bellas luengas parladas. Encara que no i hai un simbolo adedicado en l'Alfabeto Fonetico Internacional que represente chustament ista vocal que se troba entre a [o] semizarrada y a [ɔ] semiubierta, se pueden utilizar os simbolos ‹o› u ‹ɔ› (ya que no se conoixe dengún idioma en que se faigan servir as tres a la vegada). Si s'amenista precisión se pueden emplegar signos diacriticos (istos son [o̞] ,[ɔ̝] u ⱺ, estando o primero mas común).
Caracteristicas A suya ubertura ye meya, lo que significa que a luenga se sitúa a meyo camín entre una vocal semizarrada y una vocal semiubierta. A suya localización ye posterior, lo que significa que a luenga se sitúa tan dezaga como siga posible en a boca sin creyar una constricción que se pueda calificar como consonant. Ye una vocal arredondiada, lo que significa que os labios son abocinaus y a suyas superficies interiors exposadas.
Presencia En aragonés En aragonés existe iste fonema y se representa con o grafema <o> en todas as suyas realizacions: borda ([’boɾða]), coco ([’koko]), motolón ([moto’lon]), moquero ([mo’keɾo]), lolo ([’lolo]), onso ([’onso]), plorar ([plo’raɾ] u [pʎo’ra]), puyo ([’puyo]), zapo ([’θapo]). Ortografía de l'aragonés. AAL
Eixemplos en diferents luengas Idioma Palabra AFI Significau Notas Aragonés borda borda Se veiga fonetica de l'aragonés Castellano todo tot Se veiga fonetica d'o castellano Rumano copil nino/a Se veiga fonetica d'o rumano Ruso сухой ixeco Se veiga fonetica d'o ruso Turco kol brazo Se veiga fonetica d'o turco
Referencias
Posterior arredondiada Meya arredondiada Meya posterior Categoría:Fonemas de l'aragonés