Iste articlo ye sobre una cinta estausunidense de western comico estrenada en 1994; ta atros usos, se veiga Maverick.

Maverick (títol orichinal, estrenada en Aragón con ixe mesmo títol) ye una cinta de cine estausunidense de cine de western comico estrenada l'anyo 1994, dirichida por Richard Donner seguntes un guión adaptau por William Goldman (basau en Maverick, una serie de televisión de Roy Huggins), con una banda sonora orichinal de Randy Newman, una dirección de fotografía de Vilmos Zsigmond, una producción cinematografica de Daniel T. Dorrance y Kent Kidman ta las productoras Icon Productions y Donner/Shuler-Donner Productions y un elenco d'actors d'o cual en fan parte, entre d'atros, Mel Gibson, Jodie Foster, James Garner, Graham Greene, Alfred Molina, James Coburn, Dub Taylor, Dan Hedaya, Paul L. Smith, Geoffrey Lewis y Max Perlich.

Maverick ye un chugador de cartas en o sieglo XIX que marcha de camín enta un torneyo de poquer que s'ha de celebrar en o barco de vapor Lauren Belle. Quiere demostrar que ye lo mllor chugador de poquer d'o mundo pero ta pagar os dreitos d'inscripción de 25.000 dólars li falta encara trobar 3.000 dólars. Ta ganar-los, marcha enta lo lugar de Crystal River a on aspera cobrar una deuda, y partecipa en una partida de cartas a on troba a un atro chugador, Angel, y conoix a la choven Annabelle Bransford, qui resulta estar una estafadora. Gana muitos diners, pero se veye obligau a fuyir sin éls. Contina viache en una dilichencia, a on i viachan tamién Bransford y lo "sheriff" Zane Cooper. En o viache muere lo conductor d'a dilichencia y troban a un grupo de mulles que han estau atacadas por bandius disvrazaus d'indios. Cuan consiguen recuperar os diners robaus, apareixen un grupo d'indios, y Maverick diz que ha de marchar con éls ta una luita ritual ta que los atros puedan continar o suyo camino. Pero no saben que en realidat lo chefe indio ye un amigo de Maverick y iste asperaba que li pagase 1.000 dólars que li debeba. Con o chefe indio consigue estafar 1.000 dólars a un duque ruso que quiere vivir as experiencias de l'antigo ueste estausunidense. Encara li faltan 2.000 dólars y cuan plega enta lo Lauren Belle troba a Bransford, qui tamién quiere partecipar y amenista 4.000 dólars. Alave troba a lo duque ruso y consigue extorsionar-lo ta que li de los 6.000 dólars que lis calen a toz dos, asinas que s'inscriben en a partida. O premio estarán 500.000 dólars.

A cinta s'ambienta en bel momento indeterminau d'o sieglo XIX en bel puesto igualment indeterminau d'os Estaus Unius, y las suyas escenas se filmoron en localizacions en Arizona (incluyindo-ie Mescal y Page), California (incluyindo-ie Lone Pine), Oregón, Utah, y Washington, amás d'en os Warner Brothers Burbank Studios en Burbank, tamién en California. Localizacions de Maverick en Internet Movie Database.

Ye una cinta que ha recibiu bels premios y nominacions, en destacando una nominación a lo Millor Disenyo de Vestuario en 1995 mientres a 67ena edición d'os Premios Oscar.

Elenco Maverick en Internet Movie Database. Actor Papel Notas ''''

Se veiga tamién Cine en 1994. Cintas de 1994.

Referencias

Vinclos externos Maverick en Internet Movie Database. Maverick en Box Office Mojo.

Categoría:Cintas ambientadas en Estaus Unius Categoría:Cintas ambientadas en o sieglo XIX Categoría:Cintas con banda sonora orichinal de Randy Newman Categoría:Cintas con dirección de fotografía de Vilmos Zsigmond Categoría:Cintas con guión de William Goldman Categoría:Cintas con montache de Mike Kelly Categoría:Cintas con montache de Stuart Baird Categoría:Cintas de cine de comedia Categoría:Cintas de western Categoría:Cintas d'Estaus Unius Categoría:Cintas dirichidas por Richard Donner Categoría:Cintas en anglés Categoría:Cintas en Panavision Categoría:Cintas en Technicolor Categoría:Cintas interpretadas por Alfred Molina Categoría:Cintas interpretadas por Dan Hedaya Categoría:Cintas interpretadas por Dub Taylor Categoría:Cintas interpretadas por Geoffrey Lewis Categoría:Cintas interpretadas por Graham Greene Categoría:Cintas interpretadas por James Coburn Categoría:Cintas interpretadas por James Garner Categoría:Cintas interpretadas por Jodie Foster Categoría:Cintas interpretadas por Max Perlich Categoría:Cintas interpretadas por Mel Gibson Categoría:Cintas interpretadas por Paul L. Smith Categoría:Cintas producidas por Bruce Davey Categoría:Cintas producidas por Richard Donner Categoría:Cintas rodadas en Arizona Categoría:Cintas rodadas en Burbank Categoría:Cintas rodadas en California Categoría:Cintas rodadas en Lone Pine (California) Categoría:Cintas rodadas en Mescal Categoría:Cintas rodadas en Oregón Categoría:Cintas rodadas en Page (Arizona) Categoría:Cintas rodadas en Utah Categoría:Cintas rodadas en o estau de Washington