Iste articlo ye sobre una cinta de cine d'intriga belica de cine finlandés estrenada en 2022; ta atros usos, se veiga Sisu.
Sisu (títol orichinal en finés, en aragonés Rasmia, estrenada en Aragón con o suyo títol orichinal) ye una cinta de cine finlandés de cine d'intriga belica estrenada l'anyo 2022, dirichida por Jalmari Helander seguntes un guión orichinal d'él mesmo, con una banda sonora orichinal de Juri Seppä y Tuomas Wäinölä, con una banda sonora orichinal de Juri Seppä y Tuomas Wäinölä, una dirección de fotografía de Kjell Lagerroos, una producción cinematografica de Petri Jokiranta ta las productoras Stage 6 Films, Subzero Film Entertainment y Good Chaos y un elenco composau por Jorma Tommila, Aksel Hennie, Jack Doolan, Mimosa Willamo, Onni Tommila, Tatu Sinisalo, Wilhelm Enckell, Arttu Kapulainen, Ilkka Koivula, Max Ovaska, Pekka Huotari, Severi Saarinen, Vincent Willestrand y Aamu Milonoff, entre d'atros actors.
En setiembre de 1944 Finlandia, que dica l'inte yera aliada d'o Tercer Reich en a Segunda Guerra Mundial, sinyó la suya rendicion a la Unión Sovietica y se comprometió a fer fuera d'o suyo país a las tropas d'a Wehrmacht que se trobaban en ixe momento en Finlandia, prencipiando asinas una guerra entre Finlandia y lo Tercer Reich, a clamada Guerra de Laponia, que s'escaició mas que mas en a Laponia finlandesa. En ixe momento, Aatami Korpi ye buscando oro en Laponia, y troba una chigantesca cantidat, que fica en as arguinas d'o suyo caballo. En o suyo camín troba a una unidat d'as Waffen-SS que ye revocando-se enta la Noruega ocupada, mandada por l'Obersturmführer Bruno Helldorf, qui ye destruyindo todos os lugars finlandeses que troba en o suyo camín u que conduz a un grupo de mullers finlandesas secuestradas. Helldorf no amuestra masiau intrés por Aatami y lo dixa pasar pero cuan troba a un segundo grupo d'alemans, lo maltractan y en trobar-li l'oro deciden robar-li-lo y matar-lo, pero Aatami fa preba d'una gran habilidat ta la luita y ye él qui los mata, pero en escuitar os disparos Helldorf torna entazaga a investigar, descubrindo la masacre y trobando una d'as pepitas d'oro. En ixe momento decide perseguir-lo terne que terne dica apoderar-se de l'oro. En primeras fracasan, perdendo bels soldaus, y tamién troban a placa d'identificación d'Aatami. Os suyos superiors li dicen que se tracta d'un comando de l'exercito finlandés que mientres a Guerra d'Hibierno, dimpués de que los rusos asasinasen a su muller y sus fillos actuó sin garra piedat contra l'Exercito Royo, estando l'autor de cientos de muertes de soldaus rusos. Atamas d'ixo, Helldorf contina la persecución dica que consigue fer preso a Aatami, robar-li l'oro y enforcar-lo. Pero Aatami ye un hombre que no nomás tiene que amplismos recursos, so que amás tien prou buena suerte, y consigue liberar-se d'a forca y apoderar-se d'un avión alemán ta perseguir a lo grupo de Helldorf.
A cinta s'ambienta en 1944 en a Laponia finlandesa, y las suyas escenas se filmoron en Helsinki y Lohja (Uusimaa) y en a Laponia finlandesa (incluyindo-ie Ivalo, Kaamanen y Nuorgam). Localizacions de Sisu en Internet Movie Database.
Se tracta d'una cinta que ha recibiu cuantos premios y nominacions, encara que garra d'éls no fa parte d'os premios cinematograficos mas conoixius u destacaus, fueras d'os Premios Jussi d'o cine finlandés.
Elenco Sisu en Internet Movie Database. Actor Papel Notas ''''
Se veiga tamién Cine en 2022. Cintas de 2022.
Referencias
Vinclos externos Sisu en Internet Movie Database.
Categoría:Cintas ambientadas en a Laponia finlandesa Categoría:Cintas ambientadas en 1944 Categoría:Cintas con banda sonora orichinal de Juri Seppä Categoría:Cintas con banda sonora orichinal de Tuomas Wäinölä Categoría:Cintas con dirección de fotografía de Kjell Lagerroos Categoría:Cintas con guión de Jalmari Helander Categoría:Cintas con montache de Juho Virolainen Categoría:Cintas de cine belico Categoría:Cintas de cine d'intriga Categoría:Cintas d'Estaus Unius Categoría:Cintas de Finlandia Categoría:Cintas d'o Reino Uniu Categoría:Cintas dirichidas por Jalmari Helander Categoría:Cintas en finés Categoría:Cintas interpretadas por Aamu Milonoff Categoría:Cintas interpretadas por Aksel Hennie Categoría:Cintas interpretadas por Arttu Kapulainen Categoría:Cintas interpretadas por Ilkka Koivula Categoría:Cintas interpretadas por Jack Doolan Categoría:Cintas interpretadas por Jorma Tommila Categoría:Cintas interpretadas por Max Ovaska Categoría:Cintas interpretadas por Mimosa Willamo Categoría:Cintas interpretadas por Onni Tommila Categoría:Cintas interpretadas por Pekka Huotari Categoría:Cintas interpretadas por Severi Saarinen Categoría:Cintas interpretadas por Tatu Sinisalo Categoría:Cintas interpretadas por Vincent Willestrand Categoría:Cintas interpretadas por Wilhelm Enckell Categoría:Cintas producidas por Petri Jokiranta Categoría:Cintas rodadas en Helsinki Categoría:Cintas rodadas en Ivalo Categoría:Cintas rodadas en Kaamanen Categoría:Cintas rodadas en Laponia finlandesa Categoría:Cintas rodadas en Lohja Categoría:Cintas rodadas en Nuorgam Categoría:Cintas de cine sobre a Segunda Guerra Mundial