José Ignacio Mantecón Navasal (Zaragoza, 26 de setiembre de 1902 Marco Aurelio Torres H Mantecón: Semblanza de José Ignacio Mantecón Navasal (.pdf), en o repositorio GREDOS d'a Universidat de Salamanca. - Ciudat de Mexico, 20 de chunio de 1982) estió un archivero, politico y historiador aragonés. Fue nombrau gubernador cheneral d'o territorio republicano d'Aragón en o contexto d'a Guerra Civil Espanyola. Mientres a contienda ocupó atros cargos, como consellero de Chusticia d'o Consello Rechional de Defensa d'Aragón, encara que no exerció El Consejo Regional de Defensa de Aragón: «El corto verano de la Anarquía» fue en Aragón. Redes Libertarias., y comisario de cuantas unidaz de l'Exercito Popular d'a Republica.
Biografía Fillo d'un important incheniero y empresario, dende muit choven a suya ideolochía politica s'orientó enta un republicanismo d'ezquierdas. Dimpués d'a declaración d'a Segunda Republica Espanyola s'afilió a lo partiu Izquierda Republicana fundau por Manuel Azaña, que se convertiría en president d'a Republica en 1936. Institución Fernando el Católico}
Se licenció en Dreito y en Filosofía y Letras en a Universidat de Zaragoza con premio extraordinario y se doctoró en 1925 en Dreito por a Universidat Central de Madrit. Dimpués d'aprebar as oposicions d'o Cuerpo Facultativo de Archiveros, Bibliotecarios y Arqueologos, fue destinau a Sevilla, a on treballó en o Fichero d'Indias. Entre que a suya estancia en a capital andaluza fue eslechiu president d'o Real Betis, periodo en o que o club puyó por primera vegada en 1932 a la primera división d'o futbol espanyol. Portal de archivos españoles. Ministerio de Cultura.
Dimpués de prencipiar a guerra civil, se mantenió fidel a la Republica, encara que a suya familia estió victima d'a represión franquista. Dentro de l'Exercito Popular d'a Republica, estió comisario politico d'un batallón y posteriorment d'a 72ena Brigada Mixta. A partir de chinero de 1937 pasó a ocupar lo cargo de consellero de Chusticia adintro d'o Consello Rechional de Defensa d'Aragón, organismo creyau per los anarcosindicalistas y gubernó lo territorio no sublevau d'Aragón dica la suya disolución por lo gubierno republicano, en agosto de 1937. Historia de la Guerra Civil Española. Hugh Thomas (1976). Pág. 781 Gaceta de la República: Diario Oficial núm. 223, (11 de agosto de 1937) O 10 d'agosto Mantecón fue nombrau gubernador cheneral d'o territorio, posición que ocuparía dica marzo de 1938 cuan se produció a ofensiva franquista d'Aragón. Dimpués d'a cayida d'o frent aragonés desempenyó o cargo de comisario cheneral de l'Exercito de l'Este y, en os zaguers días d'a guerra yera comisario inspector de l'Exercito de Levante en a zona centro sud. En estar redotada a Republica marchó rumbo a l'exilio. Fue evacuau a bordo d'o HMS Galatea, gracias a l'aduya de Lord Farringdon, y dimpués d'una estancia en Londres, viachó ta París, nombrau por Juan Negrín secretario cheneral d'o Servicio d'Evacuación de Refuchiaus Espanyols (SERE). Tenió a lo suyo cargo a organización de cuantas expedicions de refuchiaus enta tierras americanas. A policía francesa y a Gestapo l'aturoron y internoron en o campo de concentración de Vernet d'Ariège.
Una vegada liberau, viachó ta Santo Domingo y dimpués ta Mexico, a a on plegó en chulio de 1940 como país d'exilio en o que s'instalaría definitivament, y en 1948 remató afiliándo-se a o Partido Comunista de España (PCE). Entre o suyo exilio desarrolló una destacada actividat como catedratico universitario y investigador en a Biblioteca Nacional de Mexico. Estió fundador d'a Escuela Nacional de Bibliotecarios y Archivistas. Entre istos anyos se converte en un especialista en bibliografía y paleografía y publicó mas de 200 obras, entre libros y asayos.
Referencias
Vinclos externos
Mantecón Navasal, José Ignacio en a Gran Enciclopedia Aragonesa.
Categoría:Alumnos d'a Universidat de Zaragoza Categoría:Archiveros d'Aragón Categoría:Exiliaus aragoneses en Mexico Categoría:Gubierno Ascaso Categoría:Historiadors d'Aragón Categoría:Licenciaus en Filosofía y Letras Categoría:Muertos en Ciudat de Mexico Categoría:Naixius de Zaragoza Categoría:Politicos d'Aragón Categoría:Politicos d'o Partido Comunista de España Categoría:Politicos d'Izquierda Republicana Categoría:Presidents d'o Real Betis Balompié Categoría:1902 (naixencias) Categoría:1982 (muertes)