Jesús Aldanondo Campo estió un anarcosindicalista y politico aragonés, consellero d'Abastos y d'Información y Propaganda d'o Consello Rechional de Defensa d'Aragón.
Biografía Rechistrau en a CNT de Zaragoza, en chinero de 1920 dentra en a garchola dimpués d'a fracasada sublevación d'o cuartel d'o Carmen de Zaragoza. En l'anyo 1922 feba parti d'o comité d'a CNT d'Aragón, Rioja y Navarra.
Mientres a dictadura de Primo de Rivera marchó ta Francia, treballando d'ebanista en Bordeus y tornando ta Aragón en chulio de 1936 con l'inicio d'a Guerra Civil Espanyola. Estió primero subsecretario d'o departamento de Treballo d'o Consello d'Aragón pa fer-se cargo en abril de 1937 d'a consellería d'Información y Propaganda y en chunio d'ixe mesmo anyo d'a consellería d'Abastos, puestos que mantendría dica a disolución d'a institución.
En septiembre de 1937 ye trigau en o pleno rechional d'a CNT pa integrar-se en o suyo Comité Rechional, pasando en octubre d'ixe anyo a estar secretario cheneral d'a CNT aragonesa.
Vinclos externos Ficha de Jesús Aldanondo Campo. PARES Expo Consejo de Aragón
Categoría:Anarquistas d'Aragón Categoría:Gubierno Ascaso Categoría:Politicos d'Aragón Categoría:Sindicalistas d'Aragón Categoría:Sindicalistas d'a Confederación Nacional del Trabajo