José Duque Cuadrado (Villalba, Espanya, 4 d'aviento de 1908 - Guadalajara, Mexico, 26 de chunio de 1975) estió un politico y sindicalista madrilenyo, consellero de Sanidat y Asistencia Social d'o Consello Rechional de Defensa d'Aragón.
Biografía Encara que naixiu en a provincia de Madrit recorrió en a suya nineza muitas ciudaz de Castiella la Viella con a suya familia debiu a o treballo de su pai, que yera ferroviario, dica asentar-se en Zaragoza. Estió anarquista en a suya choventut y fue engarcholau por fer parti d'as protestas en a bada cheneral de 1930. En 1935 ya ye afiliau a o PCE y a Socorro Rojo, estando secretario d'o comité d'aduya contra a represión d'Asturias.
En esclatar a Guerra Civil Espanyola ye destinau en chulio de 1936 a Madrit, encara que en setiembre d'ixe anyo yera ya en Aragón, a on estió o maximo responsable d'o PCE mientres a guerra. Dende aviento de 1936 dica a suya disolución en agosto de 1937 ocupó o cargo de consellero de Sanidat y Asistencia Social d'o Consello Rechional de Defensa d'Aragón, encara que luego se convertió en un d'os suyos mayors detractors.
En marzo de 1938 s'une a l'exercito republicano, concretament a la 131ena Brigada Mixta como tenient d'Estau Mayor. Cuan remata a guerra marcha ta Francia, cruzando a muga o 13 de febrero de 1939 por o coll d'Ares, en os Pireneus catalans. Plegará ta os campos de concentración de Prats de Molló (Pireneus Orientals) y Agde (Erau), pa rematar en o hespital de Besers. Dimpués de reunir-se con a suya familia marchó enta Mexico o 13 de chulio de 1939 a traviés d'o puerto de Paulhac (Gironda), plegando ta Veracruz o día 27 d'ixe mesmo mes. A resta d'a suya vida la pasó en Guadalajara (Jalisco) a on treballó como libraire, colaboró con o PCE en l'exilio y finalment morió o 9 de noviembre de 1987.
Vinclos externos José Duque Cuadrado. Fundación Pablo Iglesias. José Duque Cuadrado en Combatientes.es. Expo Consejo de Aragón
Categoría:Gubierno Ascaso Categoría:Exiliaus espanyols en Mexico Categoría:Exiliaus d'o franquismo Categoría:Naixius de Collado Villalba Categoría:Muertos en Mexico Categoría:Politicos d'a Comunidat de Madrit Categoría:Politicos d'o Partido Comunista de España Categoría:Sindicalistas d'Espanya Categoría:Sindicalistas d'a Unión General de Trabajadores Categoría:1908 (naixencias) Categoría:1987 (naixencias)