Iste articlo ye sobre una cinta de cine d'aventuras fantasticas de 1985 coproducida por Estaus Unius, Reino Uniu y Italia; ta atros usos, se veiga Ladyhawke.

Ladyhawke (títol orichinal en anglés, en aragonés Ladyfalcón u Sinyorafalcón, estrenada en Aragón con o suyo títol traduciu enta lo castellano como Lady Halcón) ye una cinta de cine estausunidense de cine d'aventuras fantasticas estrenada l'anyo 1985, dirichida por Richard Donner seguntes un guión adaptau por Edward Khmara, Michael Thomas, Tom Mankiewicz y David Peoples (basau en una historia d'Edward Khmara), con una banda sonora orichinal d'Andrew Powell, una dirección de fotografía de Vittorio Storaro, una producción cinematografica de Richard Donner y Lauren Shuler ta las productoras Warner Bros., 20th Century Fox y Lauren Shuler Production y un elenco formau por Matthew Broderick, Rutger Hauer, Michelle Pfeiffer, Leo McKern, John Wood, Ken Hutchison, Alfred Molina, Giancarlo Prete y Loris Loddi, entre d'atros actors.

Mientres a Edat Meya, Philippe Gaston ye un ladrón que logra fuyir d'a garchola de L'Aquila chusto antis d'a suya execución. Capturau en una posada por os hombres d'o bispe mandaus por Marquet, lo salva Étienne de Navarre, qui resulta estar l'antigo capitán d'as tropas d'o bispe. Ixa nueit duermen en una grancha, pero cuan o granchero preba d'atacar-los con una estral, apareixe un gran lupo negro que lo mata. Philippe marcha en busca de Navarre ta demanar-li aduya, pero no lo troba a él so que a una polida muller que s'amana a lo lupo tranquilament y marcha enta la selva con èl. Días dimpués Navarre demana aduya a Philippe ta matar a lo bispe, pero en primeras o choven se niega y Navarre l'entrabuna a un árbol, no conseguindo liberar-se dica la nueit, cuan enganya a la mesacha que torna a apareixer ta que lo libere. En a suya fuyida ye capturau por os guardias d'o bispes que, a traviés d'él, atacan a Navarre, qui consigue redotar-los, encara que mesmo él que lo suyo falcón que l'acompanya siempre quedan ferius. Navarre invía a Philippe en busca d'aduya ta lo falcón en un monche clamau Imperius, qui diz a lo choven que ta curar a lo falcón li cal asperar a la nueit. Mientres busca hierbas ta la cura, Philippe dentra en o puesto a on se i troba lo falcón con a flecha en o suyo cuerpo y a qui troba ye a la mesacha con a flecha en o mesmo puesto d'o suyo cuerpo qu la que teneba lo falcón, y alavez para cuenta de que la muller y lo falcón son o mesmo ser, a la vegada que Navarre y lo lupo negro son o mesmo ser. Toz dos han estau obchecto d'una maldición por o bispe, qui condenó a Isabeau d'Anjou (a qui enrestiba y que lo refusó ta casar-se con Navarre) a estar falcón de día y muller de nueit y Navarre a estar lupo de nueit y hombre de día, de tal traza que mai no podesen estar chuntos. Ta crebar a maldición cal que Isabeau y Navarre se troben tos dos con forma humana debant d'o bispe en un día sin nueit y una nueit si día, y Philippe decide aduyar a la parella.

A cinta s'ambienta mientres o sieglo XIII en L'Aquila (provincia de L'Aquila) y atros puestos d'Italia y las suyas escenas se filmoron en Calascio y L'Aquila (provincia de L'Aquila), Piacenza (provincia de Piacenza), Auronzo di Cadore (provincia de Belluno), Langhirano (provincia de Parma), Pontremoli (provincia de Massa.Carrara), Soncino (provincia de Cremona), Tuscania (provincia de Viterbo) y Canale Monterano y Roma (Ciudat metropolitana de Roma), amás d'en os Cinecittà Studios en Roma. Localizacions de Ladyhawke en Internet Movie Database.

Se tracta d'una cinta que ha recibiu bels premios y nominacions, en destacado dos nominacions (Millor Soniu y Millor Edición de Soniu) en 1986 mientres a 58ena edición d'os Premios Oscar.

Elenco Ladyhawke en Internet Movie Database. Actor Papel Notas ''''

Se veiga tamién Cine en 1985. Cintas de 1985.

Referencias

Vinclos externos Ladyhawke en Internet Movie Database. Ladyhawke en Rotten Tomatoes. Ladyhawke en Box Office Mojo.

Categoría:Cintas ambientadas en Italia Categoría:Cintas ambientadas en L'Aquila Categoría:Cintas ambientadas en o sieglo XIII Categoría:Cintas con banda sonora orichinal d'Andrew Powell Categoría:Cintas con dirección de fotografía de Vittorio Storaro Categoría:Cintas con guión de David Peoples Categoría:Cintas con guión d'Edward Khmara Categoría:Cintas con guión de Michael Thomas Categoría:Cintas con guión de Tom Mankiewicz Categoría:Cintas con montache de Stuart Baird Categoría:Cintas de cine d'aventuras Categoría:Cintas de cine de fantasía Categoría:Cintas d'Estaus Unius Categoría:Cintas d'Italia Categoría:Cintas d'o Reino Uniu Categoría:Cintas dirichidas por Richard Donner Categoría:Cintas en anglés Categoría:Cintas en Technicolor Categoría:Cintas en Technovision Categoría:Cintas interpretadas por Alfred Molina Categoría:Cintas interpretadas por Giancarlo Prete Categoría:Cintas interpretadas por John Wood Categoría:Cintas interpretadas por Ken Hutchison Categoría:Cintas interpretadas por Leo McKern Categoría:Cintas interpretadas por Loris Loddi Categoría:Cintas interpretadas por Matthew Broderick Categoría:Cintas interpretadas por Michelle Pfeiffer Categoría:Cintas interpretadas por Rutger Hauer Categoría:Cintas producidas por Lauren Shuler Donner Categoría:Cintas producidas por Richard Donner Categoría:Cintas rodadas en Auronzo di Cadore Categoría:Cintas rodadas en Calascio Categoría:Cintas rodadas en Canale Monterano Categoría:Cintas rodadas en L'Aquila Categoría:Cintas rodadas en Langhirano Categoría:Cintas rodadas en Piacenza Categoría:Cintas rodadas en Pontremoli Categoría:Cintas rodadas en Roma Categoría:Cintas rodadas en Soncino Categoría:Cintas rodadas en Tuscania