L'Instituto Tecnolochico d'Aragón (en castellano Instituto Tecnológico de Aragón, por as suyas sieglas ITA) ye un ente de dreito publico d'a Deputación Cheneral d'Aragón que pende d'o Departamento d'Economía, Competitividat y Emplego.
Descripción Establiu en 1984, l'obchectivo de l'ITA ye promover a investigación, a innovación y o desarrollo tecnolochico en Aragón. ITA Conócenos Ye formau por un equipo de bellas 300 personas que treballan en bels 200 prochectos d'I+D+i cada anyo y dica 750 analisis y asayos. L'instituto colabora anyalment con bellas 1000 empresas, d'as que un 75% son pymes y un 70% son empresas aragonesas.
Como centro tecnolochico publico, aduya a la transformación y desarrollo tecnolochico d'as empresas pa que sigan capables de cherar un mayor impacto positivo en a sociedat, estando líder en l'ecosistema d'innovación d'a rechión. Colabora con o desarrollo de nuevos productos y procesos, con l'obchectivo d'empentar a competitividat d'Aragón.
Os prencipals ambitos d'actuación de l'ITA son a movilidad segura, sostenible y conectada, incluyindo l'actividat en o sector lochistico; l'agroindustria dichital que pueda resonder a la demanda d'alimentos mas sanos y seguros; a industria eficient y totalment dichitalizada que se trobe enfocada a la economía circular; a salut intelichent que aduye a amillorar a vida d'as personas y a enerchía limpia que favoreixca a eficiencia y l'uso de enerchías renovables. ITA en www.aragonplataformalogistica.es
Instalacions As instalacions de l'ITA se dividen entre Zaragoza, chunto a o Campus Universitario Río Ebro, en l'Actur, Uesca, en o Parque Tecnolochico Walqa y Motorland en Alcanyiz. Infraestructuras tecnológicas Incluyen entre atras: Una cambra semianecoica que permite realizar prochectos y asayos pa verificar o cumplimiento de normativas de compatibilidat electromagnetica en dispositivos electricos. Tien una grandaria de 18x9x7 m y permite fer asayos de certificación de producto. Dos torres d'ascensor que permiten fer asayos de componentes d'ascensors como sistemas de seguridat u problemas de vibración y rudio.
Funcionamiento y servicios Os prencipals servicios de l'ITA son:
Os prochectos I+D, en os que contribuye con un conocimiento tecnolochico multidisciplinar que mira de resolver de forma personalizada as necesidaz de cada empresa, fendo que siga mas competitiva a traviés d'a innovación y o desarrollo tecnolochico. A consultoría tecnolochica y proyectos on-site, plantiando a tecnolochía como aduya en a transformación verde y dichital d'as empresas. Os analisis y asayos, ya que amás d'o suyo equipo humano conta con laboratorios pa reyalizar asayos y certificar u validar materials, componentes, sistemas u productos.
Entre as suyas competencias tecnolochicas se troban os materials y components, a mecatronica y robotica y as tecnolochías dichitals y electricas.
Referencias
Vinclos externos Web oficial En a web d'o Departamento d'Economía, Competitividat y Emplego En Facebook En Instagram En Linkedin En Youtube
Categoría:Departamento d'Economía d'a Deputación Cheneral d'Aragón Categoría:Entes de dreito publico d'a Deputación Cheneral d'Aragón Categoría:Institutos d'investigación d'Aragón