Eastern Promises (títol orichinal en anglés, en aragonés Promesas de l'este, estrenada en Aragón con o suyo títol traduciu enta lo castellano como Promesas del este) ye una cinta de cine d'intriga dramatica de gángsters coproducida por o cine britanico, lo cine canadiense y lo cine estausunidense estrenada l'anyo 2007, dirichida por David Cronenberg seguntes un guión orichinal de Steven Knight, con una banda sonora orichinal de Howard Shore, una dirección de fotografía de Peter Suschitzky y una producción cinematografica de Paul Webster y Robert Lantos ta las productoras Focus Features, BBC Films, Astral Media, Corus Entertainment, Telefilm Canada, Kudos Pictures, Serendipity Point Films y Scion Films. Conta con un elenco d'actors d'o cual en fan parte, entre d'atros, Viggo Mortensen, Naomi Watts, Armin Mueller-Stahl, Vincent Cassel, Sinéad Cusack, Mina E. Mina, Jerzy Skolimowski, Donald Sumpter, Raza Jaffrey, Josef Altin, Sarah-Jeanne Labrosse, Tereza Srbova, Mike Sarne, Elisa Lasowski, Boris Isarov, Yuri Klimov, Mia Soteriou, Aleksandar Mikic, Tamer Hassan, David Papava, Olegar Fedoro y Igor Outkine.

Anna Khitrova ye una britanica filla d'immigrants rusos que treballa como comai en un hespital de Londres, en o Reino Uniu. Bel día muere en o suyo hespital Tatiana, una adolescent que recient s'ha desacupau, habendo teniu una nina, por qui Anna bien luego s'intresa. Entre las pertenencias d'a falleixida, i troba un diario, escrito en ruso, y Anna creye que puet fer-lo servir ta trobar a la familia de Tatiana y entregar-lis a nina ta que no sía dada en adopción. Como no entiende bien o ruso, demana a su tío Styepan, un antigo colaborador d'o KGB sovietico, que li traduzca, petición que refirma su mai, Helen. Tanimientres Stepan li diz que no y l'endonga decindo-le que Tatiana yera una prostituta y que ye perigloso dentrar en ixos ambitos. Anna troba una tarcheta d'un restaurant de cocina rusa en o diario, y en estar a sola pista que tien, decide ir-ie. I troba a Semyon, aparentment muit amable pero que Anna no sabe que en realidat ye un d'os "capos" d'a mafia rusa, y li demana aduya ta traducir o diario, dando-le una fotocopia d'o mesmo. D'atra man, o chofero de Semyon, Nikolai Luzhin, treballa amás como qui "soluciona problemas" d'a familia y ye tamién o guardaspaldas de Kirill, lo fillo de Semyon. Kirill ye una persona de bien poca valura, zorrizo y imprudent, que provoca constants problemas a su pai. Asinas, Kirill mata a un mafioso checheno sin aprobación de Semyon, porque en realidat afirmaba que Kirill ye homosexual, y Luzhin ye qui ha de fer desapareixer as prebas y lo calavre. Anna ha conseguiu que su tío Stepan li traduzca lo diario y, en leyer a traducción, para cuenta de que Tatiana yera una adolescent virchen enganyada ta marchar enta Londres en haber quedau sin familia y que en plegar-ie fue violada por Semyon ta amostrar a su fillo Kirill cómo crebar a resistencia d'una victima. Bien luego Semyon marcha enta l'hespital a on i treballa Anna y la menaza veladament, conseguindo que la muller li entregue o diario a cambio d'a promesa de que li dirá a on trobar a la familia de Tatiana. Atamas d'ixo, en recibir o diario se niega a dar garra información, a la vegada que ordena a Nikolai que asasine a Stepan, porque sabe masiau d'o tema, y lo tío d'Anna desapareixe. Semyon atorga a Nikolai ta convertir-se en miembro de pleno dreito d'a mafia rusa, pero en realidat li para una trampa ta que l'asasinen os miembros d'a mafia chechena que buscan venganza por l'asasinato d'un d'os suyos miembros, a qui ha feito creyer que Nikolai ye Kirill, y asinas salvar a su fillo. Nikolai consigue matar a los dos mafiosos que l'atacan pero queda greument feriu y lo levan enta l'hespital a on i treballa Anna. Cuan Anna y Nikolai charran, se descubren muitas cosas que dica l'inte heban estau amagadas y que marcarán o final d'a historia.

A cinta s'ambienta en a suya epoca actual (2007) en Londres y las suyas escenas se filmoron en cuantas localizacions en ixa mesma ciudat. Localizacions d'Eastern Promises en Internet Movie Database.

Eastern Promises ye una cinta que ha recibiu cuantos premios y nominacions, en destacando tres nominacions a los Premios Globos d'Oro (Millor Cinta Dramatica, Millor Banda Sonora Orichinal y Millor Actor Dramatico) en 2008 mientres a 65ena edición de ditos premios; y una nominación a lo Premio Oscar a lo Millor Actor en 2008 mientres a 80ena edición d'os Premios Oscar.

Elenco Eastern Promises en Internet Movie Database. Actor Papel Notas ''''

Se veiga tamién Cine en 2007. Cintas de 2007.

Referencias

Vinclos externos

Eastern Promises en Internet Movie Database. Eastern Promises en Box Office Mojo. Eastern Promises en Rotten Tomatoes. Eastern Promises en Metacritic.

Categoría:Cintas ambientadas en Londres Categoría:Cintas ambientadas en 2007 Categoría:Cintas con banda sonora orichinal de Howard Shore Categoría:Cintas con dirección de fotografía de Peter Suschitzky Categoría:Cintas con guión de Steven Knight Categoría:Cintas con montache de Ronald Sanders Categoría:Cintas de cine de drama Categoría:Cintas de cine de gángsters Categoría:Cintas de cine de gángsters Categoría:Cintas de cine d'intriga Categoría:Cintas de Canadá Categoría:Cintas d'Estaus Unius Categoría:Cintas d'o Reino Uniu Categoría:Cintas dirichidas por David Cronenberg Categoría:Cintas en anglés Categoría:Cintas en ruso Categoría:Cintas en turco Categoría:Cintas en ucrainés Categoría:Cintas en urdú Categoría:Cintas en Color by DeLuxe Categoría:Cintas interpretadas por Aleksandar Mikic Categoría:Cintas interpretadas por Armin Mueller-Stahl Categoría:Cintas interpretadas por Boris Isarov Categoría:Cintas interpretadas por David Papava Categoría:Cintas interpretadas por Donald Sumpter Categoría:Cintas interpretadas por Elisa Lasowski Categoría:Cintas interpretadas por Igor Outkine Categoría:Cintas interpretadas por Jerzy Skolimowski Categoría:Cintas interpretadas por Josef Altin Categoría:Cintas interpretadas por Mia Soteriou Categoría:Cintas interpretadas por Mina E. Mina Categoría:Cintas interpretadas por Mike Sarne Categoría:Cintas interpretadas por Naomi Watts Categoría:Cintas interpretadas por Olegar Fedoro Categoría:Cintas interpretadas por Raza Jaffrey Categoría:Cintas interpretadas por Sarah-Jeanne Labrosse Categoría:Cintas interpretadas por Sinéad Cusack Categoría:Cintas interpretadas por Tamer Hassan Categoría:Cintas interpretadas por Tereza Srbova Categoría:Cintas interpretadas por Viggo Mortensen Categoría:Cintas interpretadas por Vincent Cassel Categoría:Cintas interpretadas por Yuri Klimov Categoría:Cintas producidas por Paul Webster Categoría:Cintas producidas por Robert Lantos Categoría:Cintas rodadas en Londres